Roma 4
4
Wəsla Abraham də wətafa
1Mbari wənna dəhəm Abraham di? 2Maŋgəlva aɗi ka ɗəf təstəs na, vi wənna wəza nan sa? Ya an vaski na warah tive naw kaɓ aba Maŋgəlva. Amma dərah tive ɓa. 3Gesiŋ ɗerewel anahək na: Abraham atafək Maŋgəlva, Maŋgəlva aŋɗanək ka ɗəf də goŋga vi wətaf nani. 4Məgəɗ wəza pak aslək dərah gən əya nani, kaŋɗani va məpsən na mekeleŋ ɓa. 5Amma aza Maŋgəlva tay vas ɓa. Amma ɗəf məs dəgəɗ wəza ɓa, apanək zən sən Maŋgəlva, asna Maŋgəlva waŋɗan sən ka wətafa waɗi ka ɗəf təstəs abani. 6Ndəni Davit bo, anah pay məs apel wənna wəneken zə ɗəf məs Maŋgəlva aɗi ka ɗəf təstəs məza wəza ɓa. Amna:
7Zit ɗii wasan neki an Maŋgəlva aviyanək mambray neti,
an aɗamanək wəzlaɓ net pakə.
8Zə ɗəf nan wasan neki an Ɗəfdaya dəŋɗan sən mambray nan ɓa.
9Məskəl awreɗeŋ dədasoŋ mekret genegene kaaka sa? Ɗii məs dəsklaŋ awra ɓana net mekret asana genegene ndən ɓa sa? Nənahək dabəŋ na: Abraham atafək Maŋgəlva, aŋɗanək ka ɗəf təstəs abani. 10Nadewɗe agəɗ vaskəs di? Daga dəɓəl əskəl awra ɓa sa, walla dərɓaga əskəl awra nani. Kay dərɓagani ɓa, dabəŋ ki əskəl awra agəɗə. 11Dərɓagani Abraham arah əskəl awra va gəla huwa ərbanna Maŋgəlva aɗiyək ka ɗəf təstəs abani vi ətaf nani, daga dəɓəl əskəl awra ɓa. Vaski Abraham asan ka affit ɗii məs dətafaŋ pakə, məs Maŋgəlva aɗi ke ɗii təstəs abani, ko an dəsklaŋ awra ɓa. 12Gesiŋ affit məskəl awreɗeyi. Amma məskəl awreɗe pakəŋ kirtin Abraham ɓa, say ɗii məs dəsbanən wətaf nan daga dəɓəl əskəl awra ɓa.
Va əpel na Maŋgəlva adaknah də wətafa
13Maŋgəlva anah sənək Abraham na, sən əlfa nani adawrəh sən dələv pakə. Wən nan dəde azan vi asban ma henziŋ ɓa, amma vi asan təstəs aba Maŋgəlva vi wətaf nani. 14An ɗəf arəhək zəgas pak vi asban ma henziŋ, asna wətaf atərna wəray əmpa ɓa, əpel na Maŋgəlva bo wakpaŋ zəga ɗarə.
15Zəga tay ma henziŋ adaw ki sit ɗii ɓa, say wəda gədəv na Maŋgəlva kaaka'ə, Va dawka tay ɓa wəzlaɓ bo wasan ɓa. 16Vini Maŋgəlva aziw gən əpel nan aka wətafa, vi dəsan gən ka əvəl nan na mekeleŋ. Əpel tay vaska akpaŋ na ɓa viyit kirtin Abraham pakə, viyit ɗii dərəhaŋ ma henziŋgi kaaka' ɓa, amma dit ɗii məs dəsbanən ətaf na Abraham pakə, Abraham akpaŋgək affəm pakə, 17-18va məver wənnani: Maŋgəlva amna nəɗikuk ka affit ɗii diiɗa, yaŋ Maŋgəlva anah sən əmpa bo: Ma əlfa nok wasan diiɗa va ngirzleɗ na disiŋ. Abraham atafək Maŋgəlva məs dədapsit zeŋgille sit ɗii mimtiti, waɗɗa zəga məs tay lahəŋ ɓa dəgəɗ gəni. Də əgani Abraham ataf Maŋgəlva, zəga tay ataf viyin. Vaski bo asan afit ɗii diiɗa. 19Pay nani wəsva na Abraham tay va səkatə. Asənka aɓapna uwa kirin ɓa. Guluk nan Saratu bo təgalək sawɓa təɓap na wəɗi daway ɓa. 20Də as pak dəgəɗ kuzuŋ amakran aka wəpel na Maŋgəlva ɓa, amma yas dərəŋ adaw gakdakan də wətaf nan də sembe. 21Atafək gesiŋ na, Maŋgəlva tay də sembe naɗɗa zəga məs anah vas pakə. 22Apprəm kana, vini Maŋgəlva aŋɗan Abraham azan ka ɗəf təstəssə, vi wətaf nani. 23Wənnəŋ məvernəŋ na, vi Abraham mi kaaka ɓa, amma viyəm pak məverin. 24An mətafək Maŋgəlva, waŋɗam azan ka ɗii təstəssə, ndəni dəsil gən Ɗəfdaya nam Zezu Krestu səkəti əmta. 25Maŋgəlva apanək amtəka, vi mambray namə. Asil gənək səkəti əmta, ka məsam gən təstəs aba Maŋgəlva vini.
ទើបបានជ្រើសរើសហើយ៖
Roma 4: GDRNT85
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gidar New Testament © Bible Society of Cameroon, 1985.
Roma 4
4
Wəsla Abraham də wətafa
1Mbari wənna dəhəm Abraham di? 2Maŋgəlva aɗi ka ɗəf təstəs na, vi wənna wəza nan sa? Ya an vaski na warah tive naw kaɓ aba Maŋgəlva. Amma dərah tive ɓa. 3Gesiŋ ɗerewel anahək na: Abraham atafək Maŋgəlva, Maŋgəlva aŋɗanək ka ɗəf də goŋga vi wətaf nani. 4Məgəɗ wəza pak aslək dərah gən əya nani, kaŋɗani va məpsən na mekeleŋ ɓa. 5Amma aza Maŋgəlva tay vas ɓa. Amma ɗəf məs dəgəɗ wəza ɓa, apanək zən sən Maŋgəlva, asna Maŋgəlva waŋɗan sən ka wətafa waɗi ka ɗəf təstəs abani. 6Ndəni Davit bo, anah pay məs apel wənna wəneken zə ɗəf məs Maŋgəlva aɗi ka ɗəf təstəs məza wəza ɓa. Amna:
7Zit ɗii wasan neki an Maŋgəlva aviyanək mambray neti,
an aɗamanək wəzlaɓ net pakə.
8Zə ɗəf nan wasan neki an Ɗəfdaya dəŋɗan sən mambray nan ɓa.
9Məskəl awreɗeŋ dədasoŋ mekret genegene kaaka sa? Ɗii məs dəsklaŋ awra ɓana net mekret asana genegene ndən ɓa sa? Nənahək dabəŋ na: Abraham atafək Maŋgəlva, aŋɗanək ka ɗəf təstəs abani. 10Nadewɗe agəɗ vaskəs di? Daga dəɓəl əskəl awra ɓa sa, walla dərɓaga əskəl awra nani. Kay dərɓagani ɓa, dabəŋ ki əskəl awra agəɗə. 11Dərɓagani Abraham arah əskəl awra va gəla huwa ərbanna Maŋgəlva aɗiyək ka ɗəf təstəs abani vi ətaf nani, daga dəɓəl əskəl awra ɓa. Vaski Abraham asan ka affit ɗii məs dətafaŋ pakə, məs Maŋgəlva aɗi ke ɗii təstəs abani, ko an dəsklaŋ awra ɓa. 12Gesiŋ affit məskəl awreɗeyi. Amma məskəl awreɗe pakəŋ kirtin Abraham ɓa, say ɗii məs dəsbanən wətaf nan daga dəɓəl əskəl awra ɓa.
Va əpel na Maŋgəlva adaknah də wətafa
13Maŋgəlva anah sənək Abraham na, sən əlfa nani adawrəh sən dələv pakə. Wən nan dəde azan vi asban ma henziŋ ɓa, amma vi asan təstəs aba Maŋgəlva vi wətaf nani. 14An ɗəf arəhək zəgas pak vi asban ma henziŋ, asna wətaf atərna wəray əmpa ɓa, əpel na Maŋgəlva bo wakpaŋ zəga ɗarə.
15Zəga tay ma henziŋ adaw ki sit ɗii ɓa, say wəda gədəv na Maŋgəlva kaaka'ə, Va dawka tay ɓa wəzlaɓ bo wasan ɓa. 16Vini Maŋgəlva aziw gən əpel nan aka wətafa, vi dəsan gən ka əvəl nan na mekeleŋ. Əpel tay vaska akpaŋ na ɓa viyit kirtin Abraham pakə, viyit ɗii dərəhaŋ ma henziŋgi kaaka' ɓa, amma dit ɗii məs dəsbanən ətaf na Abraham pakə, Abraham akpaŋgək affəm pakə, 17-18va məver wənnani: Maŋgəlva amna nəɗikuk ka affit ɗii diiɗa, yaŋ Maŋgəlva anah sən əmpa bo: Ma əlfa nok wasan diiɗa va ngirzleɗ na disiŋ. Abraham atafək Maŋgəlva məs dədapsit zeŋgille sit ɗii mimtiti, waɗɗa zəga məs tay lahəŋ ɓa dəgəɗ gəni. Də əgani Abraham ataf Maŋgəlva, zəga tay ataf viyin. Vaski bo asan afit ɗii diiɗa. 19Pay nani wəsva na Abraham tay va səkatə. Asənka aɓapna uwa kirin ɓa. Guluk nan Saratu bo təgalək sawɓa təɓap na wəɗi daway ɓa. 20Də as pak dəgəɗ kuzuŋ amakran aka wəpel na Maŋgəlva ɓa, amma yas dərəŋ adaw gakdakan də wətaf nan də sembe. 21Atafək gesiŋ na, Maŋgəlva tay də sembe naɗɗa zəga məs anah vas pakə. 22Apprəm kana, vini Maŋgəlva aŋɗan Abraham azan ka ɗəf təstəssə, vi wətaf nani. 23Wənnəŋ məvernəŋ na, vi Abraham mi kaaka ɓa, amma viyəm pak məverin. 24An mətafək Maŋgəlva, waŋɗam azan ka ɗii təstəssə, ndəni dəsil gən Ɗəfdaya nam Zezu Krestu səkəti əmta. 25Maŋgəlva apanək amtəka, vi mambray namə. Asil gənək səkəti əmta, ka məsam gən təstəs aba Maŋgəlva vini.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gidar New Testament © Bible Society of Cameroon, 1985.