Wəza net Masləŋɗe 28
28
Pol tayaka mətuwəra na Malta
1Yaŋ məgap aka mətuwəra zamə, məpprəmək iya na mətuwəra nan na Malta. 2Ɗii nadak bo, ataf mənək eŋgil anet da mogon sawɓa. Yaŋ buwən bo atəŋgək wəziya, səmnya bo tayda sawɓa, armanənək offo, aɗimən amani. 3Pol andek seseme kawziyit aka offo, yaŋ təki kakaah na offo agil gən doho sədəvət seseme neki, yaŋ ahar Pol. 4Adan ɗii diiɗa adawlanən doho aktəm aka va Pol, aɓɗaŋ na: Wəbay ma tay ɓa sam ɗəffəŋ məs garzlaw məbay ɗiiyi. Vi akoh sə məlpa zlaŋ maŋgəlvak nam məs adawyaŋ na təstəssə təppan dəsan gən madaran ɓa. 5Amma yaŋ Pol asgan doho aka offo. Dəssan ko suɗike ɓa. 6Azet na van wanslə walla wamtə gu'u. Amma adan anziyaŋ dulanən an məs dəgəɗ azan ɓa, aɗumoŋguk maɓɓan əmpa, aɓɗaŋ na: Mbarakana maŋgəlvaki!
7Guli na Publiyus ɗəf metiŋ na mətuwəra van tay faraɗa də təki nan ɓa. Azəm gəmək sawɓa, məsamək ananda wəvoŋ hoku. 8Affən Publiyus tay də gbəgba' na gamba gəm gədəviya, Pol ambatək azani azulika, aɗiyək van akani, ambəlka. 9Dərɓaga ambəl gən ɗəffəska, məs gbəgbaɗe na mətuwəra pak azoŋguk aza Pol, ambəlgitike. 10Aɗɗaŋ səmənək gakdak də tive temtem diiɗa. Adan mədawtoŋ adəv bəlay vi kawmbata, apsəmənək zəga məs wəray nam azan aka tive na malaka pakə.
Pol asilik sə Malta ambatək a Roma
11Dərɓaga təla hoku agəɗə məmbatək də bəlay məs dəde sə Aleksandiriya, məs adawyaŋ na maŋgəlveɗ meseŋɗe. Ndəni məs dəzəv aka mətuwəra nani. 12Məgapək awalaŋ gəla na Sirakus, məsamək adak wəvoŋ hoku. 13Məsilik sədaka məgapək awalaŋ gəla na Regiyus. Vit pumpum nani, səmnya na dohoŋ atəŋgək wəɓla. Pay sula agəɗə, ndəni məgap atəki na prike net bəlayɗe a Potiyoli. 14Mərahək ɗii na Maŋgəlva adaka, assohomənək məgəɗ gən walaŋ lumo taka anetda. Vaski məgap a Roma. 15Adan milmiŋgiɗəm na Roma apprəmən labara nam na, azoŋguk a Lumo-na-Appiyus gəm Atəki-Naw-Ziw-Hoku. Vi kalmaŋ də mənamə. Adan Pol awle, agəɗək soko sən Maŋgəlva makran bo anneke.
Pol taya Roma
16Adan məgap a Roma, apsənənək tive sən Pol dəsan gən adəv gəla nani, amma sozeɗ bo dəganən gəni.
17Yaŋ agəɗ pay hoku ni, Pol ayek ɗii gugiriɗ net Yahudiyenɗe na Roma, akkalaŋka, yaŋ apsit na: Milmiŋgiɗwa, nəgəɗ sit mbrayen sit ɗii nam ɓa, walla aka matuya net ɓa, amma arəmwənək sə Zerusalem, apsuwənək sit ɗii na Roma. 18Net bo assohowənka, mi nəgəɗ di, yaŋ aŋglaŋ wəppawəni vi awlanənək na nəgəɗ mbrayen ko suɗike gala nawbayu akan ɓa. 19Amma adan Yahudiyenɗe dəŋglaŋ dəppawən gən ɓa, yaŋ nula wənnan na dewleyi azaw nəŋgəl gən kita naw aza məlĩ na Roma. Vi ko əntat də wənna wəli ɗii naw ɓa. 20Vini nəyukum, vi kawlukum, kawpel sukum bo. Aka wənna ɗəf məs Israyelɗe agaŋ, ndəni aynawən dit ngiyamɗe aka wənnani. 21Apsənən na: Mərah ɗerewel sə Zude aka wən nok ɓa, ɗəf nam tay dəde sədak aŋ nawnah səm məs dəgəɗ akok ɓa. 22Amma mamaka wəpprəm an kədaɗum sən ɗa, vi ko aŋga pak tahəŋ wəzelenən wənnet ɗii məs kəsok aretiŋki.
23Yaŋ aɗiyən pay məs adakkalaŋ əmpa. Yaŋ kan pay nan agapə, ɗii məs dəkkalaŋ atəki məs Pol asani, adayək ki laŋka də diiɗa net ɗiiyi. Pol asɓətək aka wəpprəman sit gabba wənnani, də wərban sit wənna məlĩ na Maŋgəlva. Agayək də wərban sit goŋga na wənna Zezu də wəpprəmansit wənna dəv ɗerewel na ma henziŋ də wənnet məs kleŋɗe. 24Ɗii meɓɓet atafənək an Pol adawpele, amma ɗii meɓɓet dətafən wənnan ɓa. 25Yaŋ daga ada tərayaŋ, tahəŋ wəbayaŋ ma awalaŋ ziti daga dəɓəlaŋ wətərayaŋ tagay ɓa. Yaŋ Pol anah sit wən taka: An məs Əmpəs Salala anah sit dəhiŋgiɗkum də ma məs kleŋ Ezay agəɗək gesiŋ kakaŋka. 26Maŋgəlva amna:
Doku nah sit ɗii naw na:
Wakəpprəmən lewlewi amma kəsənən na gabban ɓa.
Wakulanən lewlewi, amma kəsəŋgəna ɓa.
27Ɗiiyiŋki kiyit ɓəlli,
asukunək sləmeti, aɗəpunək hereti,
va vas ɓana heret wawələ, sləmet wapprəmə,
makret wasən gabbani wakpaŋgaŋ azawa,
wanəmbəl giti vaski Maŋgəlva anahə.
28Yaŋ Pol anah əmpa na: Say kəsənən gən na Maŋgəlva aslənək labara na koh nan azet ɗii məza Yahudiyenɗeŋ ɓa. Net na wapprəməni! 29[Səza abay ma wəpel nani, Yahudiyenɗe ambataŋka, tahəŋ wəbayaŋ ma awalaŋ zit də sembe aka wənnani.]
30Wəsva sula Pol asan adəv gəla nawfaɗ akani. Tay taf ɗiiyen dədazoŋ azan pakə. 31Arbanək wənna məlĩ na Maŋgəlva, arbanək wənna Zezu Ɗəfdaya, apelik də zən soksoku, ɗəf tay dədatakən ɓa.
ទើបបានជ្រើសរើសហើយ៖
Wəza net Masləŋɗe 28: GDRNT85
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gidar New Testament © Bible Society of Cameroon, 1985.
Wəza net Masləŋɗe 28
28
Pol tayaka mətuwəra na Malta
1Yaŋ məgap aka mətuwəra zamə, məpprəmək iya na mətuwəra nan na Malta. 2Ɗii nadak bo, ataf mənək eŋgil anet da mogon sawɓa. Yaŋ buwən bo atəŋgək wəziya, səmnya bo tayda sawɓa, armanənək offo, aɗimən amani. 3Pol andek seseme kawziyit aka offo, yaŋ təki kakaah na offo agil gən doho sədəvət seseme neki, yaŋ ahar Pol. 4Adan ɗii diiɗa adawlanən doho aktəm aka va Pol, aɓɗaŋ na: Wəbay ma tay ɓa sam ɗəffəŋ məs garzlaw məbay ɗiiyi. Vi akoh sə məlpa zlaŋ maŋgəlvak nam məs adawyaŋ na təstəssə təppan dəsan gən madaran ɓa. 5Amma yaŋ Pol asgan doho aka offo. Dəssan ko suɗike ɓa. 6Azet na van wanslə walla wamtə gu'u. Amma adan anziyaŋ dulanən an məs dəgəɗ azan ɓa, aɗumoŋguk maɓɓan əmpa, aɓɗaŋ na: Mbarakana maŋgəlvaki!
7Guli na Publiyus ɗəf metiŋ na mətuwəra van tay faraɗa də təki nan ɓa. Azəm gəmək sawɓa, məsamək ananda wəvoŋ hoku. 8Affən Publiyus tay də gbəgba' na gamba gəm gədəviya, Pol ambatək azani azulika, aɗiyək van akani, ambəlka. 9Dərɓaga ambəl gən ɗəffəska, məs gbəgbaɗe na mətuwəra pak azoŋguk aza Pol, ambəlgitike. 10Aɗɗaŋ səmənək gakdak də tive temtem diiɗa. Adan mədawtoŋ adəv bəlay vi kawmbata, apsəmənək zəga məs wəray nam azan aka tive na malaka pakə.
Pol asilik sə Malta ambatək a Roma
11Dərɓaga təla hoku agəɗə məmbatək də bəlay məs dəde sə Aleksandiriya, məs adawyaŋ na maŋgəlveɗ meseŋɗe. Ndəni məs dəzəv aka mətuwəra nani. 12Məgapək awalaŋ gəla na Sirakus, məsamək adak wəvoŋ hoku. 13Məsilik sədaka məgapək awalaŋ gəla na Regiyus. Vit pumpum nani, səmnya na dohoŋ atəŋgək wəɓla. Pay sula agəɗə, ndəni məgap atəki na prike net bəlayɗe a Potiyoli. 14Mərahək ɗii na Maŋgəlva adaka, assohomənək məgəɗ gən walaŋ lumo taka anetda. Vaski məgap a Roma. 15Adan milmiŋgiɗəm na Roma apprəmən labara nam na, azoŋguk a Lumo-na-Appiyus gəm Atəki-Naw-Ziw-Hoku. Vi kalmaŋ də mənamə. Adan Pol awle, agəɗək soko sən Maŋgəlva makran bo anneke.
Pol taya Roma
16Adan məgap a Roma, apsənənək tive sən Pol dəsan gən adəv gəla nani, amma sozeɗ bo dəganən gəni.
17Yaŋ agəɗ pay hoku ni, Pol ayek ɗii gugiriɗ net Yahudiyenɗe na Roma, akkalaŋka, yaŋ apsit na: Milmiŋgiɗwa, nəgəɗ sit mbrayen sit ɗii nam ɓa, walla aka matuya net ɓa, amma arəmwənək sə Zerusalem, apsuwənək sit ɗii na Roma. 18Net bo assohowənka, mi nəgəɗ di, yaŋ aŋglaŋ wəppawəni vi awlanənək na nəgəɗ mbrayen ko suɗike gala nawbayu akan ɓa. 19Amma adan Yahudiyenɗe dəŋglaŋ dəppawən gən ɓa, yaŋ nula wənnan na dewleyi azaw nəŋgəl gən kita naw aza məlĩ na Roma. Vi ko əntat də wənna wəli ɗii naw ɓa. 20Vini nəyukum, vi kawlukum, kawpel sukum bo. Aka wənna ɗəf məs Israyelɗe agaŋ, ndəni aynawən dit ngiyamɗe aka wənnani. 21Apsənən na: Mərah ɗerewel sə Zude aka wən nok ɓa, ɗəf nam tay dəde sədak aŋ nawnah səm məs dəgəɗ akok ɓa. 22Amma mamaka wəpprəm an kədaɗum sən ɗa, vi ko aŋga pak tahəŋ wəzelenən wənnet ɗii məs kəsok aretiŋki.
23Yaŋ aɗiyən pay məs adakkalaŋ əmpa. Yaŋ kan pay nan agapə, ɗii məs dəkkalaŋ atəki məs Pol asani, adayək ki laŋka də diiɗa net ɗiiyi. Pol asɓətək aka wəpprəman sit gabba wənnani, də wərban sit wənna məlĩ na Maŋgəlva. Agayək də wərban sit goŋga na wənna Zezu də wəpprəmansit wənna dəv ɗerewel na ma henziŋ də wənnet məs kleŋɗe. 24Ɗii meɓɓet atafənək an Pol adawpele, amma ɗii meɓɓet dətafən wənnan ɓa. 25Yaŋ daga ada tərayaŋ, tahəŋ wəbayaŋ ma awalaŋ ziti daga dəɓəlaŋ wətərayaŋ tagay ɓa. Yaŋ Pol anah sit wən taka: An məs Əmpəs Salala anah sit dəhiŋgiɗkum də ma məs kleŋ Ezay agəɗək gesiŋ kakaŋka. 26Maŋgəlva amna:
Doku nah sit ɗii naw na:
Wakəpprəmən lewlewi amma kəsənən na gabban ɓa.
Wakulanən lewlewi, amma kəsəŋgəna ɓa.
27Ɗiiyiŋki kiyit ɓəlli,
asukunək sləmeti, aɗəpunək hereti,
va vas ɓana heret wawələ, sləmet wapprəmə,
makret wasən gabbani wakpaŋgaŋ azawa,
wanəmbəl giti vaski Maŋgəlva anahə.
28Yaŋ Pol anah əmpa na: Say kəsənən gən na Maŋgəlva aslənək labara na koh nan azet ɗii məza Yahudiyenɗeŋ ɓa. Net na wapprəməni! 29[Səza abay ma wəpel nani, Yahudiyenɗe ambataŋka, tahəŋ wəbayaŋ ma awalaŋ zit də sembe aka wənnani.]
30Wəsva sula Pol asan adəv gəla nawfaɗ akani. Tay taf ɗiiyen dədazoŋ azan pakə. 31Arbanək wənna məlĩ na Maŋgəlva, arbanək wənna Zezu Ɗəfdaya, apelik də zən soksoku, ɗəf tay dədatakən ɓa.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gidar New Testament © Bible Society of Cameroon, 1985.