Wəza net Masləŋɗe 18
18
Pol arbanək wən a Korintus
1Pol asilik sə Ateena, ambatək a Korintus. 2Adaki arəh Yahudiyen məs adawyaŋ na Akilas, sə Pontus ade, fari ade sə Italiya dət ɗak nan məs adawyaŋ na Piriskilla ɓa, vi məlĩ na Roma məs adawyaŋ na Kalawdiyus arɓehetik Yahudiyenɗe sə Roma pakə. Pol ambatək azeti. 3Asanək dənɗaŋ tayəɗɗaŋ wəza matakə vi wəza net məs takayi, ndəni wərmah gəla na gabaga. 4Də pay naffet* pakə, Pol tay bay ma dit Yahudiyenɗe gəm Grekɗe adəv gəla nawpel wənnet Yahudiyenɗe. Vi aŋgəl dətafən gən Zezu.
5Adan Silas də Timote azoŋ sə Makedoniya, Pol apanək wərmah gəla na gabaga, vi karban wənna Maŋgəlva pay pakə. Arban sitik Yahudiyenɗe na Zezuwi Messiya*. 6Yas dətafən wənnan ɓa. Say wəranəni, atu'uk hologodo səza lukut nan aketi, apel sitik də gəgay, apsit na: An kəzaŋka munokum kəsənəni. As wənnawi əmpa ɓa. Kakaŋ na naw wanəmbat azet ɗii məs Yahudiyenɗeŋ ɓa. 7Yas kan apeti ambat wəsan eŋgil ana Titus də Zustus da, ɗəf məzu zuli sən Maŋgəlvayi. Gəla nan amaŋgava gəla na zuliyi. 8Kirispus məlĩ na gəla vani atafək Ɗəfdaya də gəla nan pakə. Ɗii na Korintus apprəmənək wənnani, məgəɗ siti baptem.
9Dəfəɗ maɓɓani, Pol asilke, pay ada sine vanni, Ɗəfdaya apsən na: Kədaw geslne' ɓa, kədapan wəpel wənnəŋ ɓa, kədapan wəza nok ɓa. 10Intat də isi. Ɗəf tay naw rəŋguk ɓa, vi ɗii naw tahəŋ diiɗa awalaŋ gəlaŋka. 11Pol asanək adak wəsva taka də mani, tayərban wənna Maŋgəlva sit ɗiiyi.
12Pay sən Galliyo asan ngomna aka dələv na Akaya, Yahudiyenɗe akkalaŋka, armanənək Pol, akanənək aka kita. 13Aɓɗaŋ na ɗəffəŋka, tay reket ɗii vi dəzuliyaŋ sənən gən Maŋgəlva, məza də tive na ma henziŋ nam ɓa!
14Pol aŋgəl kawpele, amma Galliyo apsit Yahudiyenɗe na: An mambray maɓɓani, walla zəga mbrayen temme agəɗə, wanətaf uwəli nani, munokum Yahudiyenɗe. 15Amma adan wənnan aka wəbay ma aka wəpele, də iya, gəm aka ma henziŋ nokum, say munokum sən kikum mətaw kita nani. 16Yaŋ arɓehet sətəki na kita. 17Ndəɗaŋ pak armanənək Sostenes məs dələv na gəla nawpel wənna, avərənək karet ɗii pak atəki na kita. Amma aza Galliyo wənnan dəssan ɓa.
Pol amilik a Antakiya
18Dərɓaga as bo Pol avoŋguk a Korintus diiɗa dit milmiŋgiɗin, yaŋkan apeti, atoŋ adəv bəlay dət Piriskilla, gəm Akilas, ambataŋgək a Siriya. Amma, daga dəɓlaŋ wəmbataŋ tagay ɓa, afaɗək kiyən a Keŋkeriya, vi aɗɗak wənnan lahəŋ na afaɗna kiyən ɓa. 19Agapaŋgək awalaŋ gəla na Efesus. Adaki kan Pol awɗak dət Piriskilla gəm də Akilas. Nan ambatək adəv gəla nawpel wənnet Yahudiyenɗe. Abayək ma dənɗaŋ. 20Akkamanənək dəvoŋ gən diiɗa anet da, amma dəŋgəm ɓa. 21Amma adan adadani, anah sitik na: An Maŋgəlva aŋgəmək na, wanimil anokum da. Yas atoŋ adəv bəlay, ambatə.
22Adan agap a Kaysariya, ambatək a Zerusalem wədasɗet kretiyenɗe. Yas kan ambat a Antakiya. 23Yas avoŋ adak suɗike, ambat kana. Abalək aka dələv na Galatiya də Firigiya, asɓetik ɗii na Maŋgəlva pakə.
Apollos arbanək wənna Maŋgəlva a Efesus gəm a Korintus
24Yahudiyen maɓɓan tay məs dəde sə Aleksandiriya, iya nan na Apollos, adek a Efesus. Ɗəf nan asənək wəpele də ɗerewel na Maŋgəlva pakə. 25Asənək tive na Ɗəfdaya diiɗa, apelik wənnani, arbanək wənna Zezu də tive nani, amma say wənna baptem na Zaŋ kaaka asənə. 26Atəŋgək wəpel məza də geslne ɓa, adəv gəla nawpel wənnet Yahudiyenɗe. Adan Piriskilla də Akilas apprəmən an məs adawpele, akinənək eŋgil anet da, arban sənənək tive na Ɗəfdaya an kotak nani. 27Yaŋ Apollos aɗum nawmbat aka dələv na Akaya kretiyenɗe na Efesus abaahaŋ sənənka də wəver ɗerewel azet milmiŋgiɗin nadaka, vi dətafən gəni. Adan agap adaka, anah sitik kretiyenɗe mbəlembəle na Maŋgəlva məs apsəni. 28Anah sitik Yahudiyenɗe karet ɗii pakə, ha dəɓapən wəbayən man ɓa. Arban sitik adəv ɗerewel na Maŋgəlva na, Zezu ndəni Messiya* gesiŋ.
ទើបបានជ្រើសរើសហើយ៖
Wəza net Masləŋɗe 18: GDRNT85
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gidar New Testament © Bible Society of Cameroon, 1985.
Wəza net Masləŋɗe 18
18
Pol arbanək wən a Korintus
1Pol asilik sə Ateena, ambatək a Korintus. 2Adaki arəh Yahudiyen məs adawyaŋ na Akilas, sə Pontus ade, fari ade sə Italiya dət ɗak nan məs adawyaŋ na Piriskilla ɓa, vi məlĩ na Roma məs adawyaŋ na Kalawdiyus arɓehetik Yahudiyenɗe sə Roma pakə. Pol ambatək azeti. 3Asanək dənɗaŋ tayəɗɗaŋ wəza matakə vi wəza net məs takayi, ndəni wərmah gəla na gabaga. 4Də pay naffet* pakə, Pol tay bay ma dit Yahudiyenɗe gəm Grekɗe adəv gəla nawpel wənnet Yahudiyenɗe. Vi aŋgəl dətafən gən Zezu.
5Adan Silas də Timote azoŋ sə Makedoniya, Pol apanək wərmah gəla na gabaga, vi karban wənna Maŋgəlva pay pakə. Arban sitik Yahudiyenɗe na Zezuwi Messiya*. 6Yas dətafən wənnan ɓa. Say wəranəni, atu'uk hologodo səza lukut nan aketi, apel sitik də gəgay, apsit na: An kəzaŋka munokum kəsənəni. As wənnawi əmpa ɓa. Kakaŋ na naw wanəmbat azet ɗii məs Yahudiyenɗeŋ ɓa. 7Yas kan apeti ambat wəsan eŋgil ana Titus də Zustus da, ɗəf məzu zuli sən Maŋgəlvayi. Gəla nan amaŋgava gəla na zuliyi. 8Kirispus məlĩ na gəla vani atafək Ɗəfdaya də gəla nan pakə. Ɗii na Korintus apprəmənək wənnani, məgəɗ siti baptem.
9Dəfəɗ maɓɓani, Pol asilke, pay ada sine vanni, Ɗəfdaya apsən na: Kədaw geslne' ɓa, kədapan wəpel wənnəŋ ɓa, kədapan wəza nok ɓa. 10Intat də isi. Ɗəf tay naw rəŋguk ɓa, vi ɗii naw tahəŋ diiɗa awalaŋ gəlaŋka. 11Pol asanək adak wəsva taka də mani, tayərban wənna Maŋgəlva sit ɗiiyi.
12Pay sən Galliyo asan ngomna aka dələv na Akaya, Yahudiyenɗe akkalaŋka, armanənək Pol, akanənək aka kita. 13Aɓɗaŋ na ɗəffəŋka, tay reket ɗii vi dəzuliyaŋ sənən gən Maŋgəlva, məza də tive na ma henziŋ nam ɓa!
14Pol aŋgəl kawpele, amma Galliyo apsit Yahudiyenɗe na: An mambray maɓɓani, walla zəga mbrayen temme agəɗə, wanətaf uwəli nani, munokum Yahudiyenɗe. 15Amma adan wənnan aka wəbay ma aka wəpele, də iya, gəm aka ma henziŋ nokum, say munokum sən kikum mətaw kita nani. 16Yaŋ arɓehet sətəki na kita. 17Ndəɗaŋ pak armanənək Sostenes məs dələv na gəla nawpel wənna, avərənək karet ɗii pak atəki na kita. Amma aza Galliyo wənnan dəssan ɓa.
Pol amilik a Antakiya
18Dərɓaga as bo Pol avoŋguk a Korintus diiɗa dit milmiŋgiɗin, yaŋkan apeti, atoŋ adəv bəlay dət Piriskilla, gəm Akilas, ambataŋgək a Siriya. Amma, daga dəɓlaŋ wəmbataŋ tagay ɓa, afaɗək kiyən a Keŋkeriya, vi aɗɗak wənnan lahəŋ na afaɗna kiyən ɓa. 19Agapaŋgək awalaŋ gəla na Efesus. Adaki kan Pol awɗak dət Piriskilla gəm də Akilas. Nan ambatək adəv gəla nawpel wənnet Yahudiyenɗe. Abayək ma dənɗaŋ. 20Akkamanənək dəvoŋ gən diiɗa anet da, amma dəŋgəm ɓa. 21Amma adan adadani, anah sitik na: An Maŋgəlva aŋgəmək na, wanimil anokum da. Yas atoŋ adəv bəlay, ambatə.
22Adan agap a Kaysariya, ambatək a Zerusalem wədasɗet kretiyenɗe. Yas kan ambat a Antakiya. 23Yas avoŋ adak suɗike, ambat kana. Abalək aka dələv na Galatiya də Firigiya, asɓetik ɗii na Maŋgəlva pakə.
Apollos arbanək wənna Maŋgəlva a Efesus gəm a Korintus
24Yahudiyen maɓɓan tay məs dəde sə Aleksandiriya, iya nan na Apollos, adek a Efesus. Ɗəf nan asənək wəpele də ɗerewel na Maŋgəlva pakə. 25Asənək tive na Ɗəfdaya diiɗa, apelik wənnani, arbanək wənna Zezu də tive nani, amma say wənna baptem na Zaŋ kaaka asənə. 26Atəŋgək wəpel məza də geslne ɓa, adəv gəla nawpel wənnet Yahudiyenɗe. Adan Piriskilla də Akilas apprəmən an məs adawpele, akinənək eŋgil anet da, arban sənənək tive na Ɗəfdaya an kotak nani. 27Yaŋ Apollos aɗum nawmbat aka dələv na Akaya kretiyenɗe na Efesus abaahaŋ sənənka də wəver ɗerewel azet milmiŋgiɗin nadaka, vi dətafən gəni. Adan agap adaka, anah sitik kretiyenɗe mbəlembəle na Maŋgəlva məs apsəni. 28Anah sitik Yahudiyenɗe karet ɗii pakə, ha dəɓapən wəbayən man ɓa. Arban sitik adəv ɗerewel na Maŋgəlva na, Zezu ndəni Messiya* gesiŋ.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Gidar New Testament © Bible Society of Cameroon, 1985.