Ekihsatahs 6
6
1KaaTipencikenitc itahsh okii'ikoon, “Miitahsh i'i noonkom ciwaapantaman aaniin waahtootawak Peroo. Niin hsa piko nimashkawisiiwinink ninka onci tootawaa cipakitinaatc cimaacaanitc, otahkiimink kaye cionci saakitaama'waatc Isriyala',” okii'ikoon.
Kishemanitoon Kii'antomikotc Moosihs
2 #
Gen 17.1; 28.3; 35.11; Exo 3.13-15. Miitahsh Moosihs (Moses) kaa'ikotc Kishemanitoon, “Niin hsa kaaTipenciketc! 3Ninkii naakosiihtawaak hsa Eparahaam (Abraham), Aaisik (Isaac), a'a kaye Cekap (Jacob) ekii ishi waapamiwaatc ehtinowiwak KaaMaawaci mashkawisiinitc Kishemanitoon. Kaawiin ninkiih kihkenimikohsiik eshinihkaasowak ehTipencikewak. 4Miitahsh kaye kaakii aayiici ahshotamawakwaa, Kenan (Canaan) ahkiini ewii miinakwaapan, kaakii ishi piiwitewentaakosiwaahpan mekwaa weti kii‑ishitaawaahpan. 5Shaakooc itahsh keyaapi ninoontawaak Isriyalak (Israel) emoohkonewaatc. Iicip (Egypt) kaa‑ayaanitc itahsh i'i kaatootaakowaatc ehkakwaatakanohkii'ikowaatc, nimaamihkawiwaan hsa nintahshotamaakewin kaakii oshihsitamawakwaapan. 6Miitahsh o'o ke'inatwaa Isriyalak: ‘Niin hsa kaaTipenciketc kaawiih saakisi'inakook eshi mamaancikwahpininekwaa Iicip kaa‑ayaawaatc, ewii aapa'oninakook i'imaa kaashi tetako mihtanohkii'ikooyek. Kika naatamawininim hsa ewii aapacihtooyaan nimashkawisiiwin cikihci sanakaahkonakwaa kaye iki Iicipahkiink kaa‑ayaawaatc. 7Niin hsa ko kika opimaatisiimininim, niin cioKishemanitoomimiyek. Miitahsh cikihkentamek niin kaaTipenciketc kiKishemanitoomiwaa ehtinowiyaan, ekiih saakiciwininakook i'imaa eshi kakwaataki mihtanohkii'inekwaa iki Iicipahkiink kaa‑ayaawaatc. 8Miihsh ci‑ishiwininakook weti ahkiink kaakii aayiici ahshotamawakwaapan ewii miinak Eparahaam, Aaisik, Cekap kaye. Kika miinininim hsa kiinawaa piko citipinawewisiyek; niin ohsha kaaTipencikeyaan,’ kika'inaak,” okii'ikoon. 9Miitahsh Moosihs kaakii wiintamawaatc Isriyala' aaniin kaaihkitonitc kaaTipencikenitc. Kaawiin itahsh okiih pisintaakohsii', wiinke aaniihsh kiiaanihsentamoo' piincaya'ii kaa‑ahpiihci kakwaataki mihtanohkii'imintc.
10Miihsh kaaTipencikenitc kaa'ikotc, 11“Maacaan, awi kanoosh Peroo kehciokimaawitc o'omaa Iicipahkiink cipakitinaatc Isriyala' otahkiimink cionci maacaanitc,” okii'ikoon.
12Miihsh Moosihs kaaishi nahkwehtank, “Isriyalak iitok kaawiin awaac niwiih pisintaakohsiik, aaniin itahsh inaa Peroo keshi pisintawihpan, kaawiin iitok ninihtaa kaakiikitohsii,” okii'inaan.
13KaaTipencikenitc itahsh okii'ikowaan Moosihs, a'a Eran (Aaron), “Wiintamaw Isriyalak, a'a kaye Peroo kihciokimaa Iicipahkiink, kiinawaa eanooninakook cisaakisi'ekwaa Isriyalak i'imaa Iicipahkiink,” okii'ikowaan.
Moosihs, Eran Tahsh Kaye Aanti Kaakii'ontahkaanesiwaatc
14O'o hsa kii‑ishinihkaasowa' kaakiih pi niikaanentaakosinikopanen. Nihtam kaakii nihtaawikitc Oroopan (Reuben) kaakii otetetc Cekapoon (Jacob) okosihsa' Henahk (Hanoch), Paloo (Pallu), Hiisiran (Hezron), Kaarmii (Carmi) kaye. 15Mii hsa 'oweni Simiyan (Simeon) okosihsa' kaaishinihkaasonitc, Ciimiyowel (Jemeul), Cemin (Jamin), Oohaat (Ohad), Cekin (Jakin), Soohaar (Zohar), Sheyol (Shaul) kaye. 16#1Ch 6.16-19. Mii hsa 'oweni kaaishinihkaasonitc Liipaai (Levi) okosihsa' eshi oshipii'ikaasonitc, Kershan (Gershon), Koohat (Kohath), Miireraai (Merari). Liipaai ninkotwaahk nihsimitanashiniishwaahso (137) tahso pipoon minihk ekiih pimaatisitc. 17O'o hsa Kershan kii‑ishinihkaasowa' okosihsa', Lipnaai (Libni), Shimiaai (Shimei) kaye. 18Koohat okosihsa' hsa kii‑ishinihkaasowa', Amram (Amram), Ihsaar (Izhar), Hiiparan (Hebron), Yoosaayel (Uzziel) kaye. 19Miireraai okosihsa' kii‑ishinihkaasowa', Mahlaai (Mahli), Mooshsaai (Mushi) kaye, miiwak iitok oko kaye Liipaaink kaakii onci tipentaakosiwaatc.
20Amram (Amram) hsa kiiwiiwi Cahkapet (Jochebed) eshinihkaasonitc otoosihsan. Miihsh i'imaa kaaonciiwaatc Eran (Aaron), a'a kaye Moosihs (Moses). Amram hsa ninkotwaahk nihsimitanashiniishwaahso (137) tahso pipoon minihk kiihpimaatisi. 21Ihsaar (Izhar) okosihsa' hsa kii‑ishinihkaasowa', Koora (Korah), Nehpek (Nepheg), Sikarii (Zichri) kaye. 22Yoosaayel (Uzziel) hsa kii‑ishinihkaasowa' okosihsa', Misheyal (Mishael), Elsahpan (Elzaphan), Sihtaraai (Sithri) kaye.
23Miihsh Eran kaakii wiiwitc Iilihshiipa (Elisheba) eshinihkaasonitc Aminataapan (Amminadab) wetetenitc, Nahshan (Nahshon) itahsh tipinawe kaakii owiicihkwemaanitc. Miiwak ihsa 'o kaaokosihsiwaatc Netaap (Nadab) Apaaihoo (Abihu), Eli'esar (Eleazar), Ihtamaar (Ithamar) kaye eshinihkaasonitc. 24Koora (Korah) hsa okosihsa' o'o kii‑ishinihkaasowa', Aaser (Assir), Elkena (Elkanah), Apaaisap (Abiasaph) kaye, miiwak hsa oko Koorahaank kaakii ontahkaanesiwaatc. 25A'a hsa Eli'esar wetetetc Eranoon kiiwiiwi peshik Piyoohtiyelan (Putiel) otaanihsini. Miihsh i'imaa Pineyahsan (Phinehas) kaaonci nihtaawikinitc. Miiwak hsa oko kaakii niikaanentaakosiwaatc otaawiniwaank Liipaaink kaakii onci tatipentaakosiwaatc.
26Mii hsa wa'a peshikwan Eran a'a kaye Moosihs kaakii'ikowaatc kaaTipencikenitc, “Saakiciwinihkwak Isriyalak (Israel) i'imaa onci Iicipahkiink (Egypt) eshi pepaahtiinowaatc,” ekii'ikowaatc. 27Miiwak hsa iki kaakiih kanoonaawaatc Peroon (Pharaoh) kihciokimaan pisaan cipakitinaanitc cisaaka'aminitc Isriyala' (Israel) i'imaa Iicipahkiink. Mii hsa wa'a peshikwan Eran shikwa Moosihs.
Moosihs, Eran Kaye Kaakii'inaahkonikowaatc KaaTipencikenitc Citootamowaatc
28Ahpii hsa Moosihs kaahkanoonikotc kaaTipencikenitc i'imaa Iicipahkiink, 29o'o okii'ikoon, “Niin hsa kaaTipenciketc. Wiintamaw Peroo (Pharaoh) kaakihciokimaawitc i'imaa Iicipahkiink kahkina kekoon kaa'ininaan,” okii'ikoon.
30Miihsh o'o Moosihs kaaishi nahkwehtank, “Kaawiin iitok ninihtaa kiikitohsii, aaniin itahsh inaa keshi pisintawihpan kihciokimaa Peroo?” kii‑ihkito.
ទើបបានជ្រើសរើសហើយ៖
Ekihsatahs 6: OJBR
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ojibwe Shorter Bible (Roman Script) © 2008 Canadian Bible Society
Ekihsatahs 6
6
1KaaTipencikenitc itahsh okii'ikoon, “Miitahsh i'i noonkom ciwaapantaman aaniin waahtootawak Peroo. Niin hsa piko nimashkawisiiwinink ninka onci tootawaa cipakitinaatc cimaacaanitc, otahkiimink kaye cionci saakitaama'waatc Isriyala',” okii'ikoon.
Kishemanitoon Kii'antomikotc Moosihs
2 #
Gen 17.1; 28.3; 35.11; Exo 3.13-15. Miitahsh Moosihs (Moses) kaa'ikotc Kishemanitoon, “Niin hsa kaaTipenciketc! 3Ninkii naakosiihtawaak hsa Eparahaam (Abraham), Aaisik (Isaac), a'a kaye Cekap (Jacob) ekii ishi waapamiwaatc ehtinowiwak KaaMaawaci mashkawisiinitc Kishemanitoon. Kaawiin ninkiih kihkenimikohsiik eshinihkaasowak ehTipencikewak. 4Miitahsh kaye kaakii aayiici ahshotamawakwaa, Kenan (Canaan) ahkiini ewii miinakwaapan, kaakii ishi piiwitewentaakosiwaahpan mekwaa weti kii‑ishitaawaahpan. 5Shaakooc itahsh keyaapi ninoontawaak Isriyalak (Israel) emoohkonewaatc. Iicip (Egypt) kaa‑ayaanitc itahsh i'i kaatootaakowaatc ehkakwaatakanohkii'ikowaatc, nimaamihkawiwaan hsa nintahshotamaakewin kaakii oshihsitamawakwaapan. 6Miitahsh o'o ke'inatwaa Isriyalak: ‘Niin hsa kaaTipenciketc kaawiih saakisi'inakook eshi mamaancikwahpininekwaa Iicip kaa‑ayaawaatc, ewii aapa'oninakook i'imaa kaashi tetako mihtanohkii'ikooyek. Kika naatamawininim hsa ewii aapacihtooyaan nimashkawisiiwin cikihci sanakaahkonakwaa kaye iki Iicipahkiink kaa‑ayaawaatc. 7Niin hsa ko kika opimaatisiimininim, niin cioKishemanitoomimiyek. Miitahsh cikihkentamek niin kaaTipenciketc kiKishemanitoomiwaa ehtinowiyaan, ekiih saakiciwininakook i'imaa eshi kakwaataki mihtanohkii'inekwaa iki Iicipahkiink kaa‑ayaawaatc. 8Miihsh ci‑ishiwininakook weti ahkiink kaakii aayiici ahshotamawakwaapan ewii miinak Eparahaam, Aaisik, Cekap kaye. Kika miinininim hsa kiinawaa piko citipinawewisiyek; niin ohsha kaaTipencikeyaan,’ kika'inaak,” okii'ikoon. 9Miitahsh Moosihs kaakii wiintamawaatc Isriyala' aaniin kaaihkitonitc kaaTipencikenitc. Kaawiin itahsh okiih pisintaakohsii', wiinke aaniihsh kiiaanihsentamoo' piincaya'ii kaa‑ahpiihci kakwaataki mihtanohkii'imintc.
10Miihsh kaaTipencikenitc kaa'ikotc, 11“Maacaan, awi kanoosh Peroo kehciokimaawitc o'omaa Iicipahkiink cipakitinaatc Isriyala' otahkiimink cionci maacaanitc,” okii'ikoon.
12Miihsh Moosihs kaaishi nahkwehtank, “Isriyalak iitok kaawiin awaac niwiih pisintaakohsiik, aaniin itahsh inaa Peroo keshi pisintawihpan, kaawiin iitok ninihtaa kaakiikitohsii,” okii'inaan.
13KaaTipencikenitc itahsh okii'ikowaan Moosihs, a'a Eran (Aaron), “Wiintamaw Isriyalak, a'a kaye Peroo kihciokimaa Iicipahkiink, kiinawaa eanooninakook cisaakisi'ekwaa Isriyalak i'imaa Iicipahkiink,” okii'ikowaan.
Moosihs, Eran Tahsh Kaye Aanti Kaakii'ontahkaanesiwaatc
14O'o hsa kii‑ishinihkaasowa' kaakiih pi niikaanentaakosinikopanen. Nihtam kaakii nihtaawikitc Oroopan (Reuben) kaakii otetetc Cekapoon (Jacob) okosihsa' Henahk (Hanoch), Paloo (Pallu), Hiisiran (Hezron), Kaarmii (Carmi) kaye. 15Mii hsa 'oweni Simiyan (Simeon) okosihsa' kaaishinihkaasonitc, Ciimiyowel (Jemeul), Cemin (Jamin), Oohaat (Ohad), Cekin (Jakin), Soohaar (Zohar), Sheyol (Shaul) kaye. 16#1Ch 6.16-19. Mii hsa 'oweni kaaishinihkaasonitc Liipaai (Levi) okosihsa' eshi oshipii'ikaasonitc, Kershan (Gershon), Koohat (Kohath), Miireraai (Merari). Liipaai ninkotwaahk nihsimitanashiniishwaahso (137) tahso pipoon minihk ekiih pimaatisitc. 17O'o hsa Kershan kii‑ishinihkaasowa' okosihsa', Lipnaai (Libni), Shimiaai (Shimei) kaye. 18Koohat okosihsa' hsa kii‑ishinihkaasowa', Amram (Amram), Ihsaar (Izhar), Hiiparan (Hebron), Yoosaayel (Uzziel) kaye. 19Miireraai okosihsa' kii‑ishinihkaasowa', Mahlaai (Mahli), Mooshsaai (Mushi) kaye, miiwak iitok oko kaye Liipaaink kaakii onci tipentaakosiwaatc.
20Amram (Amram) hsa kiiwiiwi Cahkapet (Jochebed) eshinihkaasonitc otoosihsan. Miihsh i'imaa kaaonciiwaatc Eran (Aaron), a'a kaye Moosihs (Moses). Amram hsa ninkotwaahk nihsimitanashiniishwaahso (137) tahso pipoon minihk kiihpimaatisi. 21Ihsaar (Izhar) okosihsa' hsa kii‑ishinihkaasowa', Koora (Korah), Nehpek (Nepheg), Sikarii (Zichri) kaye. 22Yoosaayel (Uzziel) hsa kii‑ishinihkaasowa' okosihsa', Misheyal (Mishael), Elsahpan (Elzaphan), Sihtaraai (Sithri) kaye.
23Miihsh Eran kaakii wiiwitc Iilihshiipa (Elisheba) eshinihkaasonitc Aminataapan (Amminadab) wetetenitc, Nahshan (Nahshon) itahsh tipinawe kaakii owiicihkwemaanitc. Miiwak ihsa 'o kaaokosihsiwaatc Netaap (Nadab) Apaaihoo (Abihu), Eli'esar (Eleazar), Ihtamaar (Ithamar) kaye eshinihkaasonitc. 24Koora (Korah) hsa okosihsa' o'o kii‑ishinihkaasowa', Aaser (Assir), Elkena (Elkanah), Apaaisap (Abiasaph) kaye, miiwak hsa oko Koorahaank kaakii ontahkaanesiwaatc. 25A'a hsa Eli'esar wetetetc Eranoon kiiwiiwi peshik Piyoohtiyelan (Putiel) otaanihsini. Miihsh i'imaa Pineyahsan (Phinehas) kaaonci nihtaawikinitc. Miiwak hsa oko kaakii niikaanentaakosiwaatc otaawiniwaank Liipaaink kaakii onci tatipentaakosiwaatc.
26Mii hsa wa'a peshikwan Eran a'a kaye Moosihs kaakii'ikowaatc kaaTipencikenitc, “Saakiciwinihkwak Isriyalak (Israel) i'imaa onci Iicipahkiink (Egypt) eshi pepaahtiinowaatc,” ekii'ikowaatc. 27Miiwak hsa iki kaakiih kanoonaawaatc Peroon (Pharaoh) kihciokimaan pisaan cipakitinaanitc cisaaka'aminitc Isriyala' (Israel) i'imaa Iicipahkiink. Mii hsa wa'a peshikwan Eran shikwa Moosihs.
Moosihs, Eran Kaye Kaakii'inaahkonikowaatc KaaTipencikenitc Citootamowaatc
28Ahpii hsa Moosihs kaahkanoonikotc kaaTipencikenitc i'imaa Iicipahkiink, 29o'o okii'ikoon, “Niin hsa kaaTipenciketc. Wiintamaw Peroo (Pharaoh) kaakihciokimaawitc i'imaa Iicipahkiink kahkina kekoon kaa'ininaan,” okii'ikoon.
30Miihsh o'o Moosihs kaaishi nahkwehtank, “Kaawiin iitok ninihtaa kiikitohsii, aaniin itahsh inaa keshi pisintawihpan kihciokimaa Peroo?” kii‑ihkito.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Ojibwe Shorter Bible (Roman Script) © 2008 Canadian Bible Society