اعمالٚ رسولأن ۱۸
۱۸
پولُس، قُرِنتُسٚ میأن
۱ بأزین پولُس آتنَ ترکَ کوده و بوشو قُرِنتُس. ۲ اویه ایتأ یهودی مردأکٚ اَمرأ کی اونٚ نام آکیلا بو و اوستانٚ پونتوسٚ میأن بدونیا بمو بو، آشنا بوبوسته. آکیلا، خو زنأکٚ اَمرأ کی پْریسکیلا نام دأشتی، تازه جٚه ایتالیا بمو بید، چونکی کْلودیوسٚ قیصر فرمان بده‌بو کی تومامٚ یهودیأن وأ جٚه روم بیشید بیرون. پولُس اوشأنٚ ورجأ بوشو ۳ و چون اونم اوشأنٚ مأنستن خیمه‌دوز بو، اوشأنٚ ورجأ بِیسه و مشغول به کار بوبوسته. ۴ اون هر شبّات، کنیسه دورون یهودیأن و غیریهودیأنٚ اَمرأ کله گب زه‌یی و تومامٚ خو سعی‌یَ کودی کی اوشأنَ قانع بوکونه.
۵ وختی سیلاس و تیموتائوس جٚه مقدونیه بموییدی، پولُس تومامٚ خو وجودَ وقفٚ موعظه‌یٚ کلام بوکوده و کنیسه میأن یهودیأنَ شهادت دَیی کی عیسی هو مسیحه. ۶ ولی چون اونٚ اَمرأ مخالفت بوکودیدی و اونَ ناسزا بوگفتیدی، اعتراض کونان خو لیباسٚ خاکَ بتکأنه و اوشأنَ بوگفته: «شیمی خون شیمی گردن دکفه! من اونٚ جأ مبرایم. بأزین غیریهودیأنٚ ورجأ شم تا اوشأنٚ رِه گب بزنم.»
۷ پولُس کنیسه‌یَ ترکَ کوده، بوشو ایتأ غیریهودی ورجأ کی اونٚ نام تیتوس یوستوس بو. اون مردی خوداپرست بو و کنیسه ورجأ هم خانه دأشتی. ۸ کْریسپوس، کنیسه رئیس و تومامٚ اونٚ خانه آدمأن به عیسایٚ خوداوند ایمأن بأوردیدی و خیلی جٚه قُرِنتُسٚ مردوم کی کلامَ بیشنأوسته بید، ایمأن بأوردیدی و غسلٚ تعمید بیگیفتیدی.
۹ ولی ایتأ شب عیسایٚ خوداوند، رویا میأن پولُسَ آشکارَ بوسته و بوگفته: «نوأ ترسئن، تی گبَ بزن و ساکیت نوأ ایسَن! ۱۰ من تی اَمرأیم و هیکس نتأنه ترَ اذیت و آزار بوکونه، چونکی اَ شهرٚ میأن خیلی کسأن به من تعلّق دأریدی.» ۱۱ پس پولُس یک سال و نیم اویه بِیسه و خودا کلامَ اوشأنَ تعلیم بده.
۱۲ وختی کی «گالیو» والی‌یٚ اوستانٚ اَخائیه بو، یهودیأن همدیگرٚ اَمرأ همدس بوبوستیدی، فووُستیدی پولُسٚ سر و اونَ ببردیدی دادگاه، ۱۳ بوگفتیدی: «اَ مرد، مردومَ وادار کونه خودایَ بر خلافٚ شریعت عیبادت بوکونید.»
۱۴ ولی وختی پولُس بمو گب بزنه، گالیو یهودیأنَ بوگفته: «اَی یهودیأن، اگه جرم و جنایتی در کار بو، شیمی شکایتَ ایشتأوستیم. ۱۵ ولی چون شیمی دعوا مرافه، شیمی دین و شریعتٚ وأسی ایسه، شیمی مشکلاتَ خودتأنٚ ورجأ حَل بوکونید. من نخوأیم دخالت بوکونم.» ۱۶ تومامی اوشأنَ جٚه تختٚ داوری اوسه کوده بیرون. ۱۷ همه‌یٚ اوشأن، کنیسه رئیسَ کی اونٚ نام سوسْتِنِس بو، حمله بوکودیدی و اونَ والی چومٚ جُلُو بزه‌ییدی. ولی گالیو اوشأنَ هیچی نوگفته.
پولُس وأگرده به اَنطاکیه
۱۸ پولُس ایتأ مدت قُرِنتُسٚ میأن بِیسه. بأزین ایماندارأنٚ اَمرأ خوداحافظی بوکوده و پْریسکیلا و آکیلا اَمرأ جٚه دریا رأ بوشو سوریه. اون کِنخْریه میأن فأرسه، چونکی خو اَمرأ عهد دٚوٚسته‌بو به خودا نزدیکتر ببه، خو سرٚ مویَ بترأشته. ۱۹ وختی پولُس خو همسفرأن، پْریسکیلا و آکیلا اَمرأ به اَفِسُس فأرسه‌ییدی، اوشأنَ ترکَ کوده، خودش بوشو کنیسه میأن کی یهودیأنٚ اَمرأ گب بزنه. ۲۰ یهودیأن اونٚ جأ خوأهش بوکودیدی ایتأ پیچه ویشتر اوشأنٚ ورجأ بِیسه ولی پولُس قوبیل نوکوده. ۲۱ اوشأنٚ اَمرأ خوداحافظی بوکوده، بوگفته: «اگه خودا اراده ببه، وأگردم اَیم شیمی ورجأ.» بأزین کشتی‌یَ سوارَ بوسته و اَفِسُسَ ترکَ کوده. ۲۲ قیصریه کی فأرسه، جٚه کشتی بیجیر بمو، بوشو اورشلیمٚ کلیسا ایماندارأنَ بیدینه و جٚه اویه بوشو به اَنطاکیه. ۲۳ چن روزی اویه بِیسه و دوواره رأ دکفته و سرتاسرٚ غَلاطیه و همه‌یٚ مناطقٚ فریجیه جأ دوأرستی و او منطقه تومامٚ ایماندارأنَ تقویتٚ روحانی کودی.
۲۴ او روزأن، ایتأ یهودی مردای کی اسکندریه شین بو و آپولُس نام دأشتی بمو به اَفِسُس. اون ایتأ ماهرٚ سخنور بو و جٚه خودا کلام خیلی دأنستی. ۲۵ آپولُس رأ و روشی کی ایتأ مسیحی وأ بدأنسته‌بی، تعلیم بیده‌بو و روح‌القدسٚ هیدایتٚ اَمرأ گب زه‌یی. دقّتٚ اَمرأ در موردٚ عیسایٚ خوداوند تعلیم دَیی، هر چند کی فقط جٚه یحیی تعمید آگاهی دأشتی. ۲۶ اون شجاعتٚ اَمرأ کنیسه میأن مردومأنٚ‌ره بشارت دَیی، ولی وختی پْریسکیلا و آکیلا اونٚ گبأنَ بیشتأوستید، اونَ خوشأنٚ خانه ببردید تا خودا کلامَ بهتر اونَ یاد بدید.
۲۷ چون آپولُس تصمیم بیگیفته کی به اَخائیه سفر بوکونه، ایماندارأنٚ اَفِسُس، اونَ تشویق بوکودیدی و اوشأن ایماندارأنٚ او منطقه رِه نامه بینیویشتیدی کی اونٚ جأ به گرمی پذیرایی بوکونید. وختی آپولُس اویه فأرسه، اوشأنی‌یَ کی به واسطه‌یٚ خودا فیض ایمأن بأورده‌بید خیلی کومک بوکوده، ۲۸ چونکی همه‌تأنٚ ورجأ، یهودیأنٚ اَمرأ گفتگو کودی، اوشأنٚ عقایدَ، دلایلٚ قوی اَمرأ ردَ کودی و کیتاب موقدّسٚ اَمرأ ثابت کودی کی عیسی، هو مسیح ایسه.
ទើបបានជ្រើសរើសហើយ៖
اعمالٚ رسولأن ۱۸: گیلکی (رشتی)
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2010-2019 Gilak Media
اعمالٚ رسولأن ۱۸
۱۸
پولُس، قُرِنتُسٚ میأن
۱ بأزین پولُس آتنَ ترکَ کوده و بوشو قُرِنتُس. ۲ اویه ایتأ یهودی مردأکٚ اَمرأ کی اونٚ نام آکیلا بو و اوستانٚ پونتوسٚ میأن بدونیا بمو بو، آشنا بوبوسته. آکیلا، خو زنأکٚ اَمرأ کی پْریسکیلا نام دأشتی، تازه جٚه ایتالیا بمو بید، چونکی کْلودیوسٚ قیصر فرمان بده‌بو کی تومامٚ یهودیأن وأ جٚه روم بیشید بیرون. پولُس اوشأنٚ ورجأ بوشو ۳ و چون اونم اوشأنٚ مأنستن خیمه‌دوز بو، اوشأنٚ ورجأ بِیسه و مشغول به کار بوبوسته. ۴ اون هر شبّات، کنیسه دورون یهودیأن و غیریهودیأنٚ اَمرأ کله گب زه‌یی و تومامٚ خو سعی‌یَ کودی کی اوشأنَ قانع بوکونه.
۵ وختی سیلاس و تیموتائوس جٚه مقدونیه بموییدی، پولُس تومامٚ خو وجودَ وقفٚ موعظه‌یٚ کلام بوکوده و کنیسه میأن یهودیأنَ شهادت دَیی کی عیسی هو مسیحه. ۶ ولی چون اونٚ اَمرأ مخالفت بوکودیدی و اونَ ناسزا بوگفتیدی، اعتراض کونان خو لیباسٚ خاکَ بتکأنه و اوشأنَ بوگفته: «شیمی خون شیمی گردن دکفه! من اونٚ جأ مبرایم. بأزین غیریهودیأنٚ ورجأ شم تا اوشأنٚ رِه گب بزنم.»
۷ پولُس کنیسه‌یَ ترکَ کوده، بوشو ایتأ غیریهودی ورجأ کی اونٚ نام تیتوس یوستوس بو. اون مردی خوداپرست بو و کنیسه ورجأ هم خانه دأشتی. ۸ کْریسپوس، کنیسه رئیس و تومامٚ اونٚ خانه آدمأن به عیسایٚ خوداوند ایمأن بأوردیدی و خیلی جٚه قُرِنتُسٚ مردوم کی کلامَ بیشنأوسته بید، ایمأن بأوردیدی و غسلٚ تعمید بیگیفتیدی.
۹ ولی ایتأ شب عیسایٚ خوداوند، رویا میأن پولُسَ آشکارَ بوسته و بوگفته: «نوأ ترسئن، تی گبَ بزن و ساکیت نوأ ایسَن! ۱۰ من تی اَمرأیم و هیکس نتأنه ترَ اذیت و آزار بوکونه، چونکی اَ شهرٚ میأن خیلی کسأن به من تعلّق دأریدی.» ۱۱ پس پولُس یک سال و نیم اویه بِیسه و خودا کلامَ اوشأنَ تعلیم بده.
۱۲ وختی کی «گالیو» والی‌یٚ اوستانٚ اَخائیه بو، یهودیأن همدیگرٚ اَمرأ همدس بوبوستیدی، فووُستیدی پولُسٚ سر و اونَ ببردیدی دادگاه، ۱۳ بوگفتیدی: «اَ مرد، مردومَ وادار کونه خودایَ بر خلافٚ شریعت عیبادت بوکونید.»
۱۴ ولی وختی پولُس بمو گب بزنه، گالیو یهودیأنَ بوگفته: «اَی یهودیأن، اگه جرم و جنایتی در کار بو، شیمی شکایتَ ایشتأوستیم. ۱۵ ولی چون شیمی دعوا مرافه، شیمی دین و شریعتٚ وأسی ایسه، شیمی مشکلاتَ خودتأنٚ ورجأ حَل بوکونید. من نخوأیم دخالت بوکونم.» ۱۶ تومامی اوشأنَ جٚه تختٚ داوری اوسه کوده بیرون. ۱۷ همه‌یٚ اوشأن، کنیسه رئیسَ کی اونٚ نام سوسْتِنِس بو، حمله بوکودیدی و اونَ والی چومٚ جُلُو بزه‌ییدی. ولی گالیو اوشأنَ هیچی نوگفته.
پولُس وأگرده به اَنطاکیه
۱۸ پولُس ایتأ مدت قُرِنتُسٚ میأن بِیسه. بأزین ایماندارأنٚ اَمرأ خوداحافظی بوکوده و پْریسکیلا و آکیلا اَمرأ جٚه دریا رأ بوشو سوریه. اون کِنخْریه میأن فأرسه، چونکی خو اَمرأ عهد دٚوٚسته‌بو به خودا نزدیکتر ببه، خو سرٚ مویَ بترأشته. ۱۹ وختی پولُس خو همسفرأن، پْریسکیلا و آکیلا اَمرأ به اَفِسُس فأرسه‌ییدی، اوشأنَ ترکَ کوده، خودش بوشو کنیسه میأن کی یهودیأنٚ اَمرأ گب بزنه. ۲۰ یهودیأن اونٚ جأ خوأهش بوکودیدی ایتأ پیچه ویشتر اوشأنٚ ورجأ بِیسه ولی پولُس قوبیل نوکوده. ۲۱ اوشأنٚ اَمرأ خوداحافظی بوکوده، بوگفته: «اگه خودا اراده ببه، وأگردم اَیم شیمی ورجأ.» بأزین کشتی‌یَ سوارَ بوسته و اَفِسُسَ ترکَ کوده. ۲۲ قیصریه کی فأرسه، جٚه کشتی بیجیر بمو، بوشو اورشلیمٚ کلیسا ایماندارأنَ بیدینه و جٚه اویه بوشو به اَنطاکیه. ۲۳ چن روزی اویه بِیسه و دوواره رأ دکفته و سرتاسرٚ غَلاطیه و همه‌یٚ مناطقٚ فریجیه جأ دوأرستی و او منطقه تومامٚ ایماندارأنَ تقویتٚ روحانی کودی.
۲۴ او روزأن، ایتأ یهودی مردای کی اسکندریه شین بو و آپولُس نام دأشتی بمو به اَفِسُس. اون ایتأ ماهرٚ سخنور بو و جٚه خودا کلام خیلی دأنستی. ۲۵ آپولُس رأ و روشی کی ایتأ مسیحی وأ بدأنسته‌بی، تعلیم بیده‌بو و روح‌القدسٚ هیدایتٚ اَمرأ گب زه‌یی. دقّتٚ اَمرأ در موردٚ عیسایٚ خوداوند تعلیم دَیی، هر چند کی فقط جٚه یحیی تعمید آگاهی دأشتی. ۲۶ اون شجاعتٚ اَمرأ کنیسه میأن مردومأنٚ‌ره بشارت دَیی، ولی وختی پْریسکیلا و آکیلا اونٚ گبأنَ بیشتأوستید، اونَ خوشأنٚ خانه ببردید تا خودا کلامَ بهتر اونَ یاد بدید.
۲۷ چون آپولُس تصمیم بیگیفته کی به اَخائیه سفر بوکونه، ایماندارأنٚ اَفِسُس، اونَ تشویق بوکودیدی و اوشأن ایماندارأنٚ او منطقه رِه نامه بینیویشتیدی کی اونٚ جأ به گرمی پذیرایی بوکونید. وختی آپولُس اویه فأرسه، اوشأنی‌یَ کی به واسطه‌یٚ خودا فیض ایمأن بأورده‌بید خیلی کومک بوکوده، ۲۸ چونکی همه‌تأنٚ ورجأ، یهودیأنٚ اَمرأ گفتگو کودی، اوشأنٚ عقایدَ، دلایلٚ قوی اَمرأ ردَ کودی و کیتاب موقدّسٚ اَمرأ ثابت کودی کی عیسی، هو مسیح ایسه.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
© 2010-2019 Gilak Media