ROMANKVDVNG 2
2
Ru:ncpvnckc Kcba:ba:nam
1Cdcmpidag nolum mcma:yc, C:i taniya, no sc:kovcidaggom, cdvlo no sc:koiycm kcbangcm ba:doji; kapila:nc bvm kcbangcm ba:dodcm no avycm avyc aima:nc cmna lukesuto, kapila:nc, kcbang ba:nckvdv:dc, cdc agerv:dcm ila dung. 2Ngolu kindagjc Ru:ncpvnckc kcba:ba:namdc cdc sc:kobulu cdcmpc agercmgerdagji oddarbulu pvnga:dag. 3No mcngkvdagnci c:i taniya, jc cdcmpinc agerkvdv:dcm cdvlo cdcbulu idoji ckvdaggom no avdc idoji, no Ru:ncpvnckc kcba: ba:namdokkc dugsila:ycnci? 4Cdcmanggom no mc:ya-mc:sala mcngka:la ka:donci Bvk cddvkojc ayang-abodcm odokkc mentumsula du:namdcm? No kinma:nci jc Ru:ncpvnckc ayang-abodc nom asin mc:dvrra mc:latsudokupc mc:modag cmna? 5Cmpige:la nok turnc odokkc mentumsula du:la:ma:nc asindokki no aglvngcm mckumsudung avyc avkc lcgangc aglvng longcdokkcpc cdvlo Ru:ncpvnckc dormoki ba:nam kcba:dcm ba:yckuji. 6Kapila:nc Bv tani: appvngcm Bvk ager gerkamdcmpc bipcnammcm biyc: 7ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc; 8cmpige:la cdc sc:kobulu birudi:dagnc odokkc arodcm lukamdcmpc tadma:nc, cmpige:la aima:nc agerdcm lukamdcmpc taddagnc, odo aglvngclang aglv:la ager gernamc lenyc. 9Sc:kobv aisi:ma:nc agercm gerdagji appv: tani:yc aglvngcmnang dcmkosunam pa:yc, Jiwukvdv:dc panga:po:yc odokkc Girik kvdv:dcsin, 10cmpige:la amin gvnamc mcnggcnammc odokkc mc:po mcnganc appvngkcpc iycpc sc:ko ainc agercm gerdagji, Jiwu kvdv:dc panga:po:danna odokkc Girikkvdv:dc:sin. 11Kapila:nc Ru:ncpvncbv akonongcm aipc mc:namcm lcngkanmang.
12Lujvglurodc kama:pc cdc sc:kobulu pa:bcm itonc lujvglurodc kamangv:pc yogpakycku, odokkc sc:kobulu lujvg luro du:dodcm pa:bcm itonc lujvglurodokki kcbangcm ba:yc. 13Kapcnc cdc lujvglurodcm tadncdc:mang Ru:ncpvnckc kcra:lo sc:kobv dormokadagji, cmpige:la lujvglurodcm tadla ager gerncdcmc arodag cmna ludag. 14Cdvlo Ru:ncmc kinma:nc tani:kvdv:dc sckkc lujvg lurodc kama:ji cmmumpci okodcm lujvglurodc madagji idagmvlo, cdc cddv:bulu bulukkcpc lujvglurro, bulukkc lujvglurro kamangcigomsin. 15Bulu ka:to jc lujvg lurodc okodcm madagaji buluk asinkvdv:do adtak, buluk mc:namsagnamcsin lukancm lubidag odokkc buluk luker luyermvnsunam mc:namkvdv:dc aimang cmna lugcdag cdcmanggom bulum mc:yinsuyc odo longcdo, 16ngok tadponc agomdcmpc, Ru:ncpvncbv tani:lok lc:sinam kvdv:dcm kcbangcm Kristo Jisukkokki ba:dag.
Jiwu Kv:dv:dc:lang Lujvglurodc
17Cmpige:la nolu av avyc Jiwu cmna lusumvlo odokkc lujvglurodo kcgc:suyc odokkc nok Ru:ncmc ajon jonnamdcm bottapakpc lusuyc odokkc bv mcngkamdcm kindo odokkc; 18odokkc aipakpc aidagji cdcm aidag cmna tolvgyc, lcga:dc nolum lujvglurodo luyirtag, 19odokkc nolu miglunc kvdv:dok gvkanboncrung cmna mc:sudomvlo, sc:kobulu kcmolo du:ji bulukkcpc pvangcmvlo, 20aima:nc ager gernckvdv:dcm aipc geryirkunnc, ko:kangkvdv:dok poyirnc, lujvg lurodcm kinnamclang arodc du:pumsula– 21nolu cmpcmvlo sc:kobulu ammem poyirdonc, nolu avycm luyirsuma:ycnci? Nolu cdvlo dopso:namdok birudi:pc lutadcm lubido, nolu dopso:donci? 22Nolu sc:kobulu akonc aima:nc agercm geryoka cmna luycnc, no ami nc:ngcm la:bidonci? No sc:kobulu airu:pc ui moimang kvdv:dcm tayumdonc, nolu kumko okum kvdv:dcm rodkutdonci? 23Nolu sc:kobulu lujvglurodo bottapc mansudonc, no lujvglurodcm tadma:pc Ru:ncpvncmc mcnggcma:pc idonci? 24Kapila:nc, cdcm adla lc:namdcmpc, “Ru:ncpvnckc amindcm lugc gcto nolukkokki Ru:ncpvncmc angu tani:kvdv:dok ara:lo.”
25Gadpuknamdc aroru:pc arc kadag no lujvglurodok lukamdcmpc taddu:mvlo; ckvdaggom nolu lujvglurodcm tadka:ma:mvlo nok gadpuknamdc gadpukma:namcmpc idag. 26Cdcmpila, tani: ako bvm gadpukma:namdc lujvg lurodok lukamkvdv:dcm lukamdcmpc taddo, bv gadpukma:namdcm gadpuknammc cmna kvma:yclang? 27Cmpcmvlo cdc sc:kobulu amvr-amopc gadpukma:namcji ckvdaggom lujvglurodcm taddagji nolum aimang cmna luke:yc nolu sc:kobulukkc adla lc:nam lujvgko du:ji odokkc gadpugc dung odokkc lujvglurodcm tadma:ji. 28Kapcnc bv ncrkvg Jiwumang sc:kobv ru:yidok Jiwuycji, cdcmanggom aropc gadpukmang ru:yidoklang amvr-amodok gadpuknamdc. 29Bv Jiwuyc sc:kobv arang arangbokkcji, odokkc aroru:pc gadpuknamdc asin ara:bok agomcmvn, yalodokkc odokkc lukam lukamardcmpcmang. Bvk lubondc tani:kvdv:dokkcmang cmpige:la Ru:ncpvnckolokkc.
ទើបបានជ្រើសរើសហើយ៖
ROMANKVDVNG 2: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
ROMANKVDVNG 2
2
Ru:ncpvnckc Kcba:ba:nam
1Cdcmpidag nolum mcma:yc, C:i taniya, no sc:kovcidaggom, cdvlo no sc:koiycm kcbangcm ba:doji; kapila:nc bvm kcbangcm ba:dodcm no avycm avyc aima:nc cmna lukesuto, kapila:nc, kcbang ba:nckvdv:dc, cdc agerv:dcm ila dung. 2Ngolu kindagjc Ru:ncpvnckc kcba:ba:namdc cdc sc:kobulu cdcmpc agercmgerdagji oddarbulu pvnga:dag. 3No mcngkvdagnci c:i taniya, jc cdcmpinc agerkvdv:dcm cdvlo cdcbulu idoji ckvdaggom no avdc idoji, no Ru:ncpvnckc kcba: ba:namdokkc dugsila:ycnci? 4Cdcmanggom no mc:ya-mc:sala mcngka:la ka:donci Bvk cddvkojc ayang-abodcm odokkc mentumsula du:namdcm? No kinma:nci jc Ru:ncpvnckc ayang-abodc nom asin mc:dvrra mc:latsudokupc mc:modag cmna? 5Cmpige:la nok turnc odokkc mentumsula du:la:ma:nc asindokki no aglvngcm mckumsudung avyc avkc lcgangc aglvng longcdokkcpc cdvlo Ru:ncpvnckc dormoki ba:nam kcba:dcm ba:yckuji. 6Kapila:nc Bv tani: appvngcm Bvk ager gerkamdcmpc bipcnammcm biyc: 7ainc agercm mentumsula du:namki gerla amingvnamcm odokkc mcnggcnammcm odokkc sima:pc du:namcm manckvdv:dcm, Bv turyarla turnamcm biyc; 8cmpige:la cdc sc:kobulu birudi:dagnc odokkc arodcm lukamdcmpc tadma:nc, cmpige:la aima:nc agerdcm lukamdcmpc taddagnc, odo aglvngclang aglv:la ager gernamc lenyc. 9Sc:kobv aisi:ma:nc agercm gerdagji appv: tani:yc aglvngcmnang dcmkosunam pa:yc, Jiwukvdv:dc panga:po:yc odokkc Girik kvdv:dcsin, 10cmpige:la amin gvnamc mcnggcnammc odokkc mc:po mcnganc appvngkcpc iycpc sc:ko ainc agercm gerdagji, Jiwu kvdv:dc panga:po:danna odokkc Girikkvdv:dc:sin. 11Kapila:nc Ru:ncpvncbv akonongcm aipc mc:namcm lcngkanmang.
12Lujvglurodc kama:pc cdc sc:kobulu pa:bcm itonc lujvglurodc kamangv:pc yogpakycku, odokkc sc:kobulu lujvg luro du:dodcm pa:bcm itonc lujvglurodokki kcbangcm ba:yc. 13Kapcnc cdc lujvglurodcm tadncdc:mang Ru:ncpvnckc kcra:lo sc:kobv dormokadagji, cmpige:la lujvglurodcm tadla ager gerncdcmc arodag cmna ludag. 14Cdvlo Ru:ncmc kinma:nc tani:kvdv:dc sckkc lujvg lurodc kama:ji cmmumpci okodcm lujvglurodc madagji idagmvlo, cdc cddv:bulu bulukkcpc lujvglurro, bulukkc lujvglurro kamangcigomsin. 15Bulu ka:to jc lujvg lurodc okodcm madagaji buluk asinkvdv:do adtak, buluk mc:namsagnamcsin lukancm lubidag odokkc buluk luker luyermvnsunam mc:namkvdv:dc aimang cmna lugcdag cdcmanggom bulum mc:yinsuyc odo longcdo, 16ngok tadponc agomdcmpc, Ru:ncpvncbv tani:lok lc:sinam kvdv:dcm kcbangcm Kristo Jisukkokki ba:dag.
Jiwu Kv:dv:dc:lang Lujvglurodc
17Cmpige:la nolu av avyc Jiwu cmna lusumvlo odokkc lujvglurodo kcgc:suyc odokkc nok Ru:ncmc ajon jonnamdcm bottapakpc lusuyc odokkc bv mcngkamdcm kindo odokkc; 18odokkc aipakpc aidagji cdcm aidag cmna tolvgyc, lcga:dc nolum lujvglurodo luyirtag, 19odokkc nolu miglunc kvdv:dok gvkanboncrung cmna mc:sudomvlo, sc:kobulu kcmolo du:ji bulukkcpc pvangcmvlo, 20aima:nc ager gernckvdv:dcm aipc geryirkunnc, ko:kangkvdv:dok poyirnc, lujvg lurodcm kinnamclang arodc du:pumsula– 21nolu cmpcmvlo sc:kobulu ammem poyirdonc, nolu avycm luyirsuma:ycnci? Nolu cdvlo dopso:namdok birudi:pc lutadcm lubido, nolu dopso:donci? 22Nolu sc:kobulu akonc aima:nc agercm geryoka cmna luycnc, no ami nc:ngcm la:bidonci? No sc:kobulu airu:pc ui moimang kvdv:dcm tayumdonc, nolu kumko okum kvdv:dcm rodkutdonci? 23Nolu sc:kobulu lujvglurodo bottapc mansudonc, no lujvglurodcm tadma:pc Ru:ncpvncmc mcnggcma:pc idonci? 24Kapila:nc, cdcm adla lc:namdcmpc, “Ru:ncpvnckc amindcm lugc gcto nolukkokki Ru:ncpvncmc angu tani:kvdv:dok ara:lo.”
25Gadpuknamdc aroru:pc arc kadag no lujvglurodok lukamdcmpc taddu:mvlo; ckvdaggom nolu lujvglurodcm tadka:ma:mvlo nok gadpuknamdc gadpukma:namcmpc idag. 26Cdcmpila, tani: ako bvm gadpukma:namdc lujvg lurodok lukamkvdv:dcm lukamdcmpc taddo, bv gadpukma:namdcm gadpuknammc cmna kvma:yclang? 27Cmpcmvlo cdc sc:kobulu amvr-amopc gadpukma:namcji ckvdaggom lujvglurodcm taddagji nolum aimang cmna luke:yc nolu sc:kobulukkc adla lc:nam lujvgko du:ji odokkc gadpugc dung odokkc lujvglurodcm tadma:ji. 28Kapcnc bv ncrkvg Jiwumang sc:kobv ru:yidok Jiwuycji, cdcmanggom aropc gadpukmang ru:yidoklang amvr-amodok gadpuknamdc. 29Bv Jiwuyc sc:kobv arang arangbokkcji, odokkc aroru:pc gadpuknamdc asin ara:bok agomcmvn, yalodokkc odokkc lukam lukamardcmpcmang. Bvk lubondc tani:kvdv:dokkcmang cmpige:la Ru:ncpvnckolokkc.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.