ROMANKVDVNG 16
16
Atckpc Kumtadsunam
1Ngo nolum lusv:bidung noluk bvrmc Poibi:mc, 2dormo ager gerya:nc ko:ncngkonc Kinkriae rcngamdokkc, jc Ru:ncpvnckolo nolu bvm Ru:tummc kumnc tani:kopc torvgsudopc, bvm okodomci madagnc bidumsulang, kapila:nc bv bojcrung lcgangc ka:dum-idumsunnai odokkc ngomsin avycm cdcmv:pc.
3Priska:mclang Akila:mc aipai cmtadlang, Kristo Jisukolo ngok ajon ager gerjonc, 4sc:kobulu ngok turnamsok lcgangc buluk lv:pongcmci tokanbito, sc:kobulum ngowo:mang cmpige:la Angu-Tani:kvdv:dok mondoli: appv:do aipai bidagji; 5buluk okum cra:dok mondoli:dcmsin kumtadsubilangka.
Ngok aipc mc:bomsunam Ipaenitumcsin kumtadsubilang, sc:kobv Asia:dok Kristokc lcgangc a:pongarncdc:ji. 6Meri:mc kumtadsubilang, sc:kobv ngoluk ara:lo kvnggv:pc ager gertoji. 7Andronikumc odokkc Junia:mc kumtadbilangka, ngok ope:ncgvngc odokkc ngok makana:lo du:jonc; bulu mclvgla ager gernamkvdv:dok amin gvnc tani:yc, odokkc ngokkcmyam po:pc bulu Kristokolo dungai.
8Amplia:tumc kumtadsubilangka, Ru:tumkolo ngok aipc mc:namdcm. 9Urbanumc kumtadsubilang, Kristokolo ngoluk ager gerjondcm, odokkc ngok aipc mc:nam Istaykumc. 10Apelle:mc kumtadsubilang, sc:komc Kristokolo ainc cmna lutoji. Aristobulukc ope:dokkcpc inckvdv:dcm kumtadsubilang. 11Ngok ope:ncgvng Herodionmc kumtadsubilang. Sc:kobulu Ru:tumkcpc du:nc sc:kobulu Narkisukc ope:dokkcpc idagnc cdcmbulum kumtadsubilang. Cdc Ru:tumkolo ager gernckvdv:dcm kumtadsubilang,
12Tripaena:mc odokkc Triposa:mc. Aipc mc:nam Persismc kumtadsubilang, sc:kobv Ru:tumkcpc kvnggv:pc torpc agercm gerkaji. 13Rupu:mc kumtadsubilang, Ru:tumkolo bottcnc tani:pc incdcm, odokkcsin bvk anncla ngok annc. 14Asinkritumc kumtadsulang, Plegonmc, Hermesmc, Patroba:mc, Hermasmc, odokkc bvrokvdv:dcm sc:kobulu buluk lcdulo du:ji. 15Pilologumc kumtadsubilang, Nereumc odokkc bvk bvrmcdcm, odokkc Olimpasmc, odokkc Ru:nckc kumnc ager gernctani: appv:dcm sc:kobulu buluk lcdulo du:ji.
16Akoncm akonc kumtadsubilangka angunnc dosuknamkokki. Kristokc mondoli: appv:dc nolum kumtadsudag.
Lutcr Luyirnam
17Ngo nolum kumna ludung, bvrokvdvnga, cdc sc:kobulu agomcm luyot-lumatla odokkc aima:pc imodagnc bulum kanggablang, nolum lubinam ncrkvg agom kvdv:dcm nolum lu:latpc luyirnamkvdv:dokkcm; bulum mcpaklang. 18Kapila:nc cdcmpinc tani:yc ngoluk Ru:tum Kristokc agercm germang, cmpige:la buluk avkc aki: lcgangc, odokkc tadyumnc agomki odokkc lume:pc lubonna lunam agomki bulu mcngano:pc mc:nc tani:kvdv:dok asincm yaddag. 19Kapila:nc cdvlo noluk lukam tadnamdcm appvngc kinto, cdcmpc imvlo jc ngo ngolukkolo mcpo:lvgyc ngo nolum kinna agamnc tani:kopc pa:ya:pc okodc aidagji odokkc ajcng kama:ji okodc aima:ji; 20odo sakpola du:namdok Ru:ncpvncdc mcna:pc uidcm mokela alcki tumvg-momvgyc. Ngoluk Ru:tum Jisukc aya:dc nolukkolo du:mvnka:langka.
21Timoti:bv, ngok ager gerjonc, nolum kumtadsudag; cdcmv:pc Lusiubv odokkc Jasonbv odokkc Sosipaterbv, ngok ope:ncgv:dc.
22Ngo, Tertiubv, sc do:jvgscm jvgncdc, Rutumkolo nolum kumtadsudung.
23Gaiubv, sc:kobv ngom odokkc rcngam appvngcm mibo boncdc, nolum kumtadsudung. Irastubv, nogor murkong mosv:ya:ncdc, odokkc ngoluk bvro Kuartubv, nolum kumtadsudag. 24Ngoluk Ru:tum Jisu Kristokc ayangc noluk appvngkc lcdulo dungka:langka. Amen.
Kumtcr Aipai bila Kumnam
25Su:pak Bvkkolo:pc sc:kobv nolum ilang-gvla:mola:dagnc ngok tadponc lutaddcmpc odokkc Jisu Kristom lutad lubikamdcmpc okodcm lc:sula dv:tag dv:tagkvdv:dc lc:tagaji. 26Cmpige:la su:pak la:lennvgtoji odokkc lungor lunckvdv:dok adnamkokki appvng opvnkvdv:dcm kinabmotoji, Ru:ncpvnckc lulvgnamdcmpc, mc:jvgdok mcngkampc tadnamdcm langa:pc–
27Kinnc-pa:nc Ru:ncpvnc akko:dokkc aminc gvka:langka Jisu Kristokokki lo:dv-longkvpc! Amen.
ទើបបានជ្រើសរើសហើយ៖
ROMANKVDVNG 16: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
ROMANKVDVNG 16
16
Atckpc Kumtadsunam
1Ngo nolum lusv:bidung noluk bvrmc Poibi:mc, 2dormo ager gerya:nc ko:ncngkonc Kinkriae rcngamdokkc, jc Ru:ncpvnckolo nolu bvm Ru:tummc kumnc tani:kopc torvgsudopc, bvm okodomci madagnc bidumsulang, kapila:nc bv bojcrung lcgangc ka:dum-idumsunnai odokkc ngomsin avycm cdcmv:pc.
3Priska:mclang Akila:mc aipai cmtadlang, Kristo Jisukolo ngok ajon ager gerjonc, 4sc:kobulu ngok turnamsok lcgangc buluk lv:pongcmci tokanbito, sc:kobulum ngowo:mang cmpige:la Angu-Tani:kvdv:dok mondoli: appv:do aipai bidagji; 5buluk okum cra:dok mondoli:dcmsin kumtadsubilangka.
Ngok aipc mc:bomsunam Ipaenitumcsin kumtadsubilang, sc:kobv Asia:dok Kristokc lcgangc a:pongarncdc:ji. 6Meri:mc kumtadsubilang, sc:kobv ngoluk ara:lo kvnggv:pc ager gertoji. 7Andronikumc odokkc Junia:mc kumtadbilangka, ngok ope:ncgvngc odokkc ngok makana:lo du:jonc; bulu mclvgla ager gernamkvdv:dok amin gvnc tani:yc, odokkc ngokkcmyam po:pc bulu Kristokolo dungai.
8Amplia:tumc kumtadsubilangka, Ru:tumkolo ngok aipc mc:namdcm. 9Urbanumc kumtadsubilang, Kristokolo ngoluk ager gerjondcm, odokkc ngok aipc mc:nam Istaykumc. 10Apelle:mc kumtadsubilang, sc:komc Kristokolo ainc cmna lutoji. Aristobulukc ope:dokkcpc inckvdv:dcm kumtadsubilang. 11Ngok ope:ncgvng Herodionmc kumtadsubilang. Sc:kobulu Ru:tumkcpc du:nc sc:kobulu Narkisukc ope:dokkcpc idagnc cdcmbulum kumtadsubilang. Cdc Ru:tumkolo ager gernckvdv:dcm kumtadsubilang,
12Tripaena:mc odokkc Triposa:mc. Aipc mc:nam Persismc kumtadsubilang, sc:kobv Ru:tumkcpc kvnggv:pc torpc agercm gerkaji. 13Rupu:mc kumtadsubilang, Ru:tumkolo bottcnc tani:pc incdcm, odokkcsin bvk anncla ngok annc. 14Asinkritumc kumtadsulang, Plegonmc, Hermesmc, Patroba:mc, Hermasmc, odokkc bvrokvdv:dcm sc:kobulu buluk lcdulo du:ji. 15Pilologumc kumtadsubilang, Nereumc odokkc bvk bvrmcdcm, odokkc Olimpasmc, odokkc Ru:nckc kumnc ager gernctani: appv:dcm sc:kobulu buluk lcdulo du:ji.
16Akoncm akonc kumtadsubilangka angunnc dosuknamkokki. Kristokc mondoli: appv:dc nolum kumtadsudag.
Lutcr Luyirnam
17Ngo nolum kumna ludung, bvrokvdvnga, cdc sc:kobulu agomcm luyot-lumatla odokkc aima:pc imodagnc bulum kanggablang, nolum lubinam ncrkvg agom kvdv:dcm nolum lu:latpc luyirnamkvdv:dokkcm; bulum mcpaklang. 18Kapila:nc cdcmpinc tani:yc ngoluk Ru:tum Kristokc agercm germang, cmpige:la buluk avkc aki: lcgangc, odokkc tadyumnc agomki odokkc lume:pc lubonna lunam agomki bulu mcngano:pc mc:nc tani:kvdv:dok asincm yaddag. 19Kapila:nc cdvlo noluk lukam tadnamdcm appvngc kinto, cdcmpc imvlo jc ngo ngolukkolo mcpo:lvgyc ngo nolum kinna agamnc tani:kopc pa:ya:pc okodc aidagji odokkc ajcng kama:ji okodc aima:ji; 20odo sakpola du:namdok Ru:ncpvncdc mcna:pc uidcm mokela alcki tumvg-momvgyc. Ngoluk Ru:tum Jisukc aya:dc nolukkolo du:mvnka:langka.
21Timoti:bv, ngok ager gerjonc, nolum kumtadsudag; cdcmv:pc Lusiubv odokkc Jasonbv odokkc Sosipaterbv, ngok ope:ncgv:dc.
22Ngo, Tertiubv, sc do:jvgscm jvgncdc, Rutumkolo nolum kumtadsudung.
23Gaiubv, sc:kobv ngom odokkc rcngam appvngcm mibo boncdc, nolum kumtadsudung. Irastubv, nogor murkong mosv:ya:ncdc, odokkc ngoluk bvro Kuartubv, nolum kumtadsudag. 24Ngoluk Ru:tum Jisu Kristokc ayangc noluk appvngkc lcdulo dungka:langka. Amen.
Kumtcr Aipai bila Kumnam
25Su:pak Bvkkolo:pc sc:kobv nolum ilang-gvla:mola:dagnc ngok tadponc lutaddcmpc odokkc Jisu Kristom lutad lubikamdcmpc okodcm lc:sula dv:tag dv:tagkvdv:dc lc:tagaji. 26Cmpige:la su:pak la:lennvgtoji odokkc lungor lunckvdv:dok adnamkokki appvng opvnkvdv:dcm kinabmotoji, Ru:ncpvnckc lulvgnamdcmpc, mc:jvgdok mcngkampc tadnamdcm langa:pc–
27Kinnc-pa:nc Ru:ncpvnc akko:dokkc aminc gvka:langka Jisu Kristokokki lo:dv-longkvpc! Amen.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.