HIBRIUKVDVNG 7
7
1Sok lcgangc Melkijedekbv, Salemdok migomdc, Bottcru:nc Ru:ncpvnckc dormo ager gerncdc, Abrahammc rvgsuto migomkvdv:dok palvgla bikodokkc gvlatdokudo odokkc bvm akirba:dcm bito; 2odokkc bvm Abrahambv appv:lok vyvngdok ornamko bito. Bv ipong gvpongarnc, bv amindcm angupc minnampc ila, dormokanclok migompc ila, odokkc odo bv Salemdoksin migompc ikang, cdcyam, mcngannok migomc. 3Bvkkc anc manggom abbo kamang cdcmanggom ope:ncgvngc kamang, odokkc cdvlosin longc lenrobnammc cdcmanggom turnamlok du:tcrc kamangai, cmpige:la Ru:ncpvnckc Awodcm gcsula Bv lo:dv-longkv lcgangc dormo ager gerncpcidung.
4Ka:tok kapc bv bottcncji! Abraham ope:lok ru:tum tani:pc ila bvm omvg osvgmonckvdv:dok vyvng ornamdcm bito. 5Odokkc cdc Lebi:kc opvn kvdv:dc sc:kobv dormo ager gerncdok ager gerko okumdcm pa:toji lujvglurodo lulvgnamko dung tani: kvdv:dokkcm vyvng ornamko la:dopc, cdcmyam, buluk bvrrang kvdv:dokkcm, cdcbulugom Abraham kolokkc lenncdaggom. 6Cmpige:la sc tani:sc sc:kobv buluk opvnlokkc lenma:ji vyvnglok ako binam Abrahamkolok torvgsuto odokkc akirba:d bito bvm sckkc pesubinam kvdv:dc dunggaji. 7Cdc luker luyermvnsu luppcinammang jc adji:ya:ncdc bottcya:ncdokki akirba:d binamdcm. 8Sido vyvnglok ako lunamdcm sikupcnc tani:yc la:dag; olo, akonckki sc:k agomcm cdc lukanna lubidagjc Bv turdag. 9Akonc scmpcsinci luycpc jc Lebi:bv avdc, sc:kobv vyvngdok ako binamdcm torvgsudagnc, Abrahamki vyvng ornamcm bito, 10kapcnc bv odosinci bvk albiang pongkebv:do dungai cdvlo Melkijedekbv bvm rvgsutoji.
11Cdcmpinamc aiyo:pc ainamc jodi Lebi:kvdv:dok dormo ager gernam kvdv:dokki pa:la:dagmvlo (kapcnc odokki tani:kvdv:dc lujvglurodcm pa:to.) Oko bojcyangko odo lagidagabo:n Melkijedekkc ikamdcmpc lcdudokkc dormo ager gerncko lenpc, Aronkc amin minnamdok lcdudo ako minnamdcmyam? 12Kapcnc cdvlo dormo ager gernamlok anguko du:ji, odo lujvg lurodo:sin anguru:pcnamko idag. 13Kapcnc sc sc:kokc agomcm scmbulum lutu:nc cdc akon opvnlokkc, sckkolokkc cdvlosin sc:kosin palvgkodo agercm gerkvma:daji. 14Kapcnc cdcm ka:begnammcjc ngoluk Ru:tumbv Judahkolokkc lenkang, odokkc odo ope:dok lutc:la Mose:bv dormo ager gernclok agomcm okkomsin lutomang.
Melkijedekkcmpinnc, Dormo Ager Gernc Akonkoda
15Sidc anki bojcya:pc ka:pangkang jc cdvlo Melkijedekkcmpinc dormo ager gernc akonko lenka:ji, sc:kobv dormo ager gerncpc ika:ji 16magodla manamdcmpcmang amvrlok lenncpc cmpige:la ya:mvgma:nc turnamlok ilang-gvlangnam kokkipagc.
17Kapcnc cdcm Bvk agomcm lukanna lubitag. “No lo:dv-longkvlokkcpc dormo ager gernc, Melkijedekkc inamdok lcdudokkc.” 18Alak asongkolo, po:pckc lulvg lunamdcm mc:yotla mctag odok ilang gvla:ma:namdokki odokkc ina-gvnama:namdokki. 19(Kapcnc lujvglurodc okkomsin pv:dopc ila:tomang;) akon alagdo, aiya:nc lulennvgto, okodokki ngolu Ru:ncpvnckc kcra:do gva:doji.
20Odokkc cdcm pesunamko pema:pc imangai, sc:kobulu cdc po:pc dormo ager gerko okumkvdv:dcm pesunamko pema:pc langka, 21cmpige:la scmdan pesunamkokki luka,
“Ru:tumdc pesuto
odokkc Bvk asinc anguma:yc,
‘No lo:dv longkvpc du:nc dormo ager gernc.’ ”
22Sidc Jisumc aiya:nc lugotdok jaminpc modag.
23Po:pckc dormo ager gernckvdv:dc tani: bojcrungkai, kapila:nc sinamkokki ager gerko okumdo du:tvnamdokkcm bulum motumdungai; 24cmpige:la Bv Bvk dormo agerdcm lo:dv longkcm du:dopc gagdag, kapcnc Bv lo:dvlongkcm du:dopc gertvdag. 25Odokkokki ila Bv lo:dcm cdc sc:kobulu Ru:ncpvnckc kcra:lo:pc gva:dagnc Bvkkokki motula:dag, Bv lo:dvscm buluk lcgangc kumbipc turra du: la:yam.
26Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko. 27Bvkkc cdc dormo ager gernckvdv:dcmpc, lo:dvscm palvgcm palvgpc manamko lagimang, biya:danna bvk avkc pa:pkvdv:dok lcgangc odokkc cdc tani:kvdv:dok lcgangc; Bv cdcm lcko biroblo avdcm bingapto. 28Aroru:pc, lujvglurodc tani:kvdv:dok ilang gvlangma:namlo dormo ager gernclok bottcncpc bidag, cmpige:la pesunamdc, okodc lujvglurodok lcdupc lenka:ji, Awoko tolvgto sc:kom lo:dv longkvpc du:yarra du:dopc germotoji.
ទើបបានជ្រើសរើសហើយ៖
HIBRIUKVDVNG 7: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
HIBRIUKVDVNG 7
7
1Sok lcgangc Melkijedekbv, Salemdok migomdc, Bottcru:nc Ru:ncpvnckc dormo ager gerncdc, Abrahammc rvgsuto migomkvdv:dok palvgla bikodokkc gvlatdokudo odokkc bvm akirba:dcm bito; 2odokkc bvm Abrahambv appv:lok vyvngdok ornamko bito. Bv ipong gvpongarnc, bv amindcm angupc minnampc ila, dormokanclok migompc ila, odokkc odo bv Salemdoksin migompc ikang, cdcyam, mcngannok migomc. 3Bvkkc anc manggom abbo kamang cdcmanggom ope:ncgvngc kamang, odokkc cdvlosin longc lenrobnammc cdcmanggom turnamlok du:tcrc kamangai, cmpige:la Ru:ncpvnckc Awodcm gcsula Bv lo:dv-longkv lcgangc dormo ager gerncpcidung.
4Ka:tok kapc bv bottcncji! Abraham ope:lok ru:tum tani:pc ila bvm omvg osvgmonckvdv:dok vyvng ornamdcm bito. 5Odokkc cdc Lebi:kc opvn kvdv:dc sc:kobv dormo ager gerncdok ager gerko okumdcm pa:toji lujvglurodo lulvgnamko dung tani: kvdv:dokkcm vyvng ornamko la:dopc, cdcmyam, buluk bvrrang kvdv:dokkcm, cdcbulugom Abraham kolokkc lenncdaggom. 6Cmpige:la sc tani:sc sc:kobv buluk opvnlokkc lenma:ji vyvnglok ako binam Abrahamkolok torvgsuto odokkc akirba:d bito bvm sckkc pesubinam kvdv:dc dunggaji. 7Cdc luker luyermvnsu luppcinammang jc adji:ya:ncdc bottcya:ncdokki akirba:d binamdcm. 8Sido vyvnglok ako lunamdcm sikupcnc tani:yc la:dag; olo, akonckki sc:k agomcm cdc lukanna lubidagjc Bv turdag. 9Akonc scmpcsinci luycpc jc Lebi:bv avdc, sc:kobv vyvngdok ako binamdcm torvgsudagnc, Abrahamki vyvng ornamcm bito, 10kapcnc bv odosinci bvk albiang pongkebv:do dungai cdvlo Melkijedekbv bvm rvgsutoji.
11Cdcmpinamc aiyo:pc ainamc jodi Lebi:kvdv:dok dormo ager gernam kvdv:dokki pa:la:dagmvlo (kapcnc odokki tani:kvdv:dc lujvglurodcm pa:to.) Oko bojcyangko odo lagidagabo:n Melkijedekkc ikamdcmpc lcdudokkc dormo ager gerncko lenpc, Aronkc amin minnamdok lcdudo ako minnamdcmyam? 12Kapcnc cdvlo dormo ager gernamlok anguko du:ji, odo lujvg lurodo:sin anguru:pcnamko idag. 13Kapcnc sc sc:kokc agomcm scmbulum lutu:nc cdc akon opvnlokkc, sckkolokkc cdvlosin sc:kosin palvgkodo agercm gerkvma:daji. 14Kapcnc cdcm ka:begnammcjc ngoluk Ru:tumbv Judahkolokkc lenkang, odokkc odo ope:dok lutc:la Mose:bv dormo ager gernclok agomcm okkomsin lutomang.
Melkijedekkcmpinnc, Dormo Ager Gernc Akonkoda
15Sidc anki bojcya:pc ka:pangkang jc cdvlo Melkijedekkcmpinc dormo ager gernc akonko lenka:ji, sc:kobv dormo ager gerncpc ika:ji 16magodla manamdcmpcmang amvrlok lenncpc cmpige:la ya:mvgma:nc turnamlok ilang-gvlangnam kokkipagc.
17Kapcnc cdcm Bvk agomcm lukanna lubitag. “No lo:dv-longkvlokkcpc dormo ager gernc, Melkijedekkc inamdok lcdudokkc.” 18Alak asongkolo, po:pckc lulvg lunamdcm mc:yotla mctag odok ilang gvla:ma:namdokki odokkc ina-gvnama:namdokki. 19(Kapcnc lujvglurodc okkomsin pv:dopc ila:tomang;) akon alagdo, aiya:nc lulennvgto, okodokki ngolu Ru:ncpvnckc kcra:do gva:doji.
20Odokkc cdcm pesunamko pema:pc imangai, sc:kobulu cdc po:pc dormo ager gerko okumkvdv:dcm pesunamko pema:pc langka, 21cmpige:la scmdan pesunamkokki luka,
“Ru:tumdc pesuto
odokkc Bvk asinc anguma:yc,
‘No lo:dv longkvpc du:nc dormo ager gernc.’ ”
22Sidc Jisumc aiya:nc lugotdok jaminpc modag.
23Po:pckc dormo ager gernckvdv:dc tani: bojcrungkai, kapila:nc sinamkokki ager gerko okumdo du:tvnamdokkcm bulum motumdungai; 24cmpige:la Bv Bvk dormo agerdcm lo:dv longkcm du:dopc gagdag, kapcnc Bv lo:dvlongkcm du:dopc gertvdag. 25Odokkokki ila Bv lo:dcm cdc sc:kobulu Ru:ncpvnckc kcra:lo:pc gva:dagnc Bvkkokki motula:dag, Bv lo:dvscm buluk lcgangc kumbipc turra du: la:yam.
26Kapcnc cdc kvb-kab cmdagai jc ngolu cdcmpinc dormo ager gernamlok bottcncko pa:pcnammc, angunncko, lugc:ma:nam kancko, koiyang kama:ncko, papi:kvdv:dokkc langgunamko, taycngto la:sa:namko. 27Bvkkc cdc dormo ager gernckvdv:dcmpc, lo:dvscm palvgcm palvgpc manamko lagimang, biya:danna bvk avkc pa:pkvdv:dok lcgangc odokkc cdc tani:kvdv:dok lcgangc; Bv cdcm lcko biroblo avdcm bingapto. 28Aroru:pc, lujvglurodc tani:kvdv:dok ilang gvlangma:namlo dormo ager gernclok bottcncpc bidag, cmpige:la pesunamdc, okodc lujvglurodok lcdupc lenka:ji, Awoko tolvgto sc:kom lo:dv longkvpc du:yarra du:dopc germotoji.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.