IPESIANG KVDVNG 6
6
Ko:kangkvdv:dc:lang Ancabukvdvng
1Ko:kangkvdvnga, Ru:tumkolo noluk ancabukvdv:dok agomcm tadlangka, kapcnc cdc aincagomc. 2“Nok ba:bomnang owcm mcnggclangka” (Cdc lupongarla pesul lulvgnamdc,) 3“jc cdc nolukkcpc ainampc iycpc odokkc jc nolu mo:pvso bojcrungko turycpc.”
4Abukvdvnga, noluk ommangkvdv:dcm aglvng sa:dopc ge:yoka, cmpige:la bulum Ru:tumkc moyinsunamclang luyirlo ka:sa:mosa:toka.
Pagbokvdvngclang Rutumkvdvng
5Pagbokvdvnga, nolu cdc sc:kobulu mo:pvsok ru:tumcnc agom lukamcm tadtoka, pcsola odokkc jinna, asin atcro:pc mc:la, Kristokolo:pc kapc idonc; 6amigc ka:la du:namkokki gernamo:mang, tani:ycm aipc mc:monammcmpc, cmpige:la Kristokc ager gerya:ncpc, asinkokki Ru:ncpvnckc mcngkampc agercm gerla. 7Ru:ncpvnckc lcgangc agercm gerla odokkc tani:kvdv:dok lcgangc.
8Kinna jc okodcmci aincm atvko akonc idoji, bv Ru:tumkolok cdcmvng pa:yc, bv pagbodaggom cdcmanggom avkc mcngkampc du:daggom. 9Ru:tumkvdvnga, bulum cdcmvng ilangka, odokkc morvdnammcm mentumsulangka, kinna jc sc:kobv buluk Ru:tumclang odokkc nolukkcdc taycng amo:to dung, odokkc jc Bv akonongcm mc:namc
Ru:ncpvnckc Mimag Monanc Attar
10Lcddarpc, Ru:tumkolo kvnggvngtarv:toka odokkc bvk tornamlo ilang gvlangkokki. 11Ru:ncpvnckc mimagmonamlok gcnam attar appv:dcm pvdlvgsutoka, jc nolu uidok yadnampanamdcm dagrasula:ycpc. 12Kapcnc ngolu adinkokkilang odokkc i:kokki moka:mvnsumang, cmpige:la migomdonckvdv:dok biru:di:pc, ilang-gvlangkvdv:dok birudi:dokki, sc mo:pvscm silomclokc kcmolok mo:pvsok migom donckvdv:dok birudi:pc, taycng dungkokvdv:dok aima:n ager gernc yalo igur-gvgurnckvdv:dok birudi:pc. 13Cdcmpidag Ru:ncpvnckc mimag moddom gcnam attar appv:dcm la:toka, jc nolu aima:nc longckvdv:do morasula:ycpc, odokkc appv:dcm ingapgge:la, dagrobpc.
14Dagrobtok cdcmpidag, noluk vgvngkvdv:dcm arokokki yc:rcgsutok gcnamdcm gcge:la, 15odokkc mcngannok tadponc lutaddcm lunamckvdv:dcm noluk alcdo pvdlvgsuge:la. 16Cdc appv:dcm mcge:la:sin, mc:jvgdok barudcm langge:la, okodokki nolu uidok appvng dorradu:nc gvdv:dcm momitla:ycpc. 17Odokkc moturnamdok tornc dumlupdcm gctoka, odokkc Yalodok yogsadcm, okodcm Ru:ncpvnckc agomdc:ji. 18Yalodo appvng ayirlo kumlangka, appvng kumnamclang kumrcnamkokki. Cdc appv:do mentumsula du:namkokki ansuka:sula du:langka, aipc kumnc tani:kvdv:dok appvngkc lcgangc kumrcla kumna, 19odokkc ngok lcgangcsin, jc ngo appvngcm ko:ka:dodo asin pvtala bottapc lula:ycpc tadponc lutaddok mcngapla:ma:nam agomdcm lubidodo, 20okodok lcgangc ngo ikoli:ki yc:nam migom lutad lunncmpc iladung; jc ngo cdcm asin pvtala lugo:bila:ycpc, kapc ngo lupcnammcji.
Lutcragom
21Su:pak jc nolusin kinycpc kapc ngo odokkc okkom ngo idu:ji, Tisiku:bv aipakpc mc:bomsunam bvrodc odokkc Ru:tumkolo mc:jvgjvrvgla ager gerncdc nolum appvngcm lubiycpc. 22Ngo nolukkolo:pc bvm mclvgtung sc mc:namsokpak lcgangc, jc nolu kinycpc ngolu kapc idagji, odokkc jc bv noluk asinkvdv:dcm kvnggv:moycpc.
23Bvrrangkvdv:do:pc mcnganc dungka:langka, odokkc mc:jvgkokki ayangc, Abu Ru:ncpvnckolokkc odokkc Ru:tum Jisu Kristokolokkc. 24Ayangc appvngkolo dungka:langka sc:kobulu cdvlosin yogma:nc aipcmc:namki ngoluk Ru:ncpvncmc aipc mc:dagji.
ទើបបានជ្រើសរើសហើយ៖
IPESIANG KVDVNG 6: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
IPESIANG KVDVNG 6
6
Ko:kangkvdv:dc:lang Ancabukvdvng
1Ko:kangkvdvnga, Ru:tumkolo noluk ancabukvdv:dok agomcm tadlangka, kapcnc cdc aincagomc. 2“Nok ba:bomnang owcm mcnggclangka” (Cdc lupongarla pesul lulvgnamdc,) 3“jc cdc nolukkcpc ainampc iycpc odokkc jc nolu mo:pvso bojcrungko turycpc.”
4Abukvdvnga, noluk ommangkvdv:dcm aglvng sa:dopc ge:yoka, cmpige:la bulum Ru:tumkc moyinsunamclang luyirlo ka:sa:mosa:toka.
Pagbokvdvngclang Rutumkvdvng
5Pagbokvdvnga, nolu cdc sc:kobulu mo:pvsok ru:tumcnc agom lukamcm tadtoka, pcsola odokkc jinna, asin atcro:pc mc:la, Kristokolo:pc kapc idonc; 6amigc ka:la du:namkokki gernamo:mang, tani:ycm aipc mc:monammcmpc, cmpige:la Kristokc ager gerya:ncpc, asinkokki Ru:ncpvnckc mcngkampc agercm gerla. 7Ru:ncpvnckc lcgangc agercm gerla odokkc tani:kvdv:dok lcgangc.
8Kinna jc okodcmci aincm atvko akonc idoji, bv Ru:tumkolok cdcmvng pa:yc, bv pagbodaggom cdcmanggom avkc mcngkampc du:daggom. 9Ru:tumkvdvnga, bulum cdcmvng ilangka, odokkc morvdnammcm mentumsulangka, kinna jc sc:kobv buluk Ru:tumclang odokkc nolukkcdc taycng amo:to dung, odokkc jc Bv akonongcm mc:namc
Ru:ncpvnckc Mimag Monanc Attar
10Lcddarpc, Ru:tumkolo kvnggvngtarv:toka odokkc bvk tornamlo ilang gvlangkokki. 11Ru:ncpvnckc mimagmonamlok gcnam attar appv:dcm pvdlvgsutoka, jc nolu uidok yadnampanamdcm dagrasula:ycpc. 12Kapcnc ngolu adinkokkilang odokkc i:kokki moka:mvnsumang, cmpige:la migomdonckvdv:dok biru:di:pc, ilang-gvlangkvdv:dok birudi:dokki, sc mo:pvscm silomclokc kcmolok mo:pvsok migom donckvdv:dok birudi:pc, taycng dungkokvdv:dok aima:n ager gernc yalo igur-gvgurnckvdv:dok birudi:pc. 13Cdcmpidag Ru:ncpvnckc mimag moddom gcnam attar appv:dcm la:toka, jc nolu aima:nc longckvdv:do morasula:ycpc, odokkc appv:dcm ingapgge:la, dagrobpc.
14Dagrobtok cdcmpidag, noluk vgvngkvdv:dcm arokokki yc:rcgsutok gcnamdcm gcge:la, 15odokkc mcngannok tadponc lutaddcm lunamckvdv:dcm noluk alcdo pvdlvgsuge:la. 16Cdc appv:dcm mcge:la:sin, mc:jvgdok barudcm langge:la, okodokki nolu uidok appvng dorradu:nc gvdv:dcm momitla:ycpc. 17Odokkc moturnamdok tornc dumlupdcm gctoka, odokkc Yalodok yogsadcm, okodcm Ru:ncpvnckc agomdc:ji. 18Yalodo appvng ayirlo kumlangka, appvng kumnamclang kumrcnamkokki. Cdc appv:do mentumsula du:namkokki ansuka:sula du:langka, aipc kumnc tani:kvdv:dok appvngkc lcgangc kumrcla kumna, 19odokkc ngok lcgangcsin, jc ngo appvngcm ko:ka:dodo asin pvtala bottapc lula:ycpc tadponc lutaddok mcngapla:ma:nam agomdcm lubidodo, 20okodok lcgangc ngo ikoli:ki yc:nam migom lutad lunncmpc iladung; jc ngo cdcm asin pvtala lugo:bila:ycpc, kapc ngo lupcnammcji.
Lutcragom
21Su:pak jc nolusin kinycpc kapc ngo odokkc okkom ngo idu:ji, Tisiku:bv aipakpc mc:bomsunam bvrodc odokkc Ru:tumkolo mc:jvgjvrvgla ager gerncdc nolum appvngcm lubiycpc. 22Ngo nolukkolo:pc bvm mclvgtung sc mc:namsokpak lcgangc, jc nolu kinycpc ngolu kapc idagji, odokkc jc bv noluk asinkvdv:dcm kvnggv:moycpc.
23Bvrrangkvdv:do:pc mcnganc dungka:langka, odokkc mc:jvgkokki ayangc, Abu Ru:ncpvnckolokkc odokkc Ru:tum Jisu Kristokolokkc. 24Ayangc appvngkolo dungka:langka sc:kobulu cdvlosin yogma:nc aipcmc:namki ngoluk Ru:ncpvncmc aipc mc:dagji.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.