IPESIANG KVDVNG 4
4
Amvrdok Lckko:nam
1Ngo cdcmpila, Ru:tumkc lcgangc makana:lo tumnamc, kumna ludung nolum gognamdok arckadopc turnamc turra dunggcdopc okolopc nolum gogtoji, 2appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula, 3Yalodo lckolakkopc inamdcm du:tv:la mcnganno lckopc du:dopc. 4Amvr akkongko odokkc Yalo akkongko, kapc nolum mc:tin akkongkolo:pc gogtagaji cd nolum gognamdokkc, 5Ru:tum ako, mc:jvg ako, baptismong ako Ru:ncpvnc ako odokkc ngoluk appvngkc Abbo. 6Sc:kobv appvngcm taycngarya:ngc odokkc appvngkokki, odokkc appv:lo.
7Cmpige:la aya:dcm ngoluk appvngcm bitungai Kristokc amandok kvnamdcmpc. 8Cdcmpila cdcm lutag,
“Cdvlo Bv taycng amo:pc dc:sangkangkunc Bv makana:lo
ycngabla lc:namkvdv:dcm gvbokangku.
Odokkc Bv tani:kvdvngcm amancm bito.”
9“Bv dc:sangkangku” cdcmpc ludodcm, cdc okko cmna ludang cmpige:la jc Bv mo:pvsok kcvgkc atakkvdv:do:pcsin gvitonc? 10Sc:ko Bv gvitonc cdc Bv sc:ko taycng among appvngcmyam owudru:pc mo:tc:pc dc:sangkangku, jc Bv:jen appvng attarcm pvngapmoycpc. 11Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc. 12Aipc kumnc tani:kvdv:dcm mosv:pc ager gernamdok lcgangc, Kristokc amvrdcm mosa:pc. 13Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc. 14Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki. 15Cdcmyam, arodcm aipc mc:la lula, ngolu Bvkkcpc appvng agerlo bottcpcnamc sc:kobv mittukdc:ji. 16Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.
Kristokolo Anupc Turnam
17Su:pak scm ngo kvnggv:pc cdc cmna ludung odokkc Ru:tumkolo lukanbidung, jc nolu Ru:ncmc kinma:nckvdv:dok dungkamdakkampc du:pcru:namma:yc, buluk asin mc:nam-sagnamdok cmmumpc inamkvdv:dcm; 18buluk mc:namdc kcmodag, Ru:ncpvnckol turnamdokkc angudag bulukkolo kinma:pa:ma:pc du:namkvdv:dokki, buluk asinkvdv:do tornamkvdv:dokki. 19Bulu asin torkcng kcrc:ncpc ikang odokkc bulu avkvdv:dc aima:pc yammnc mago-kanggo:ncpc ikang, appvng narc:ma:nc agercm ilvng-gvlvngmole:dag.
20Nolu cdcmpc Kristomc kinmanggai! 21Mc:jvgla jc nolu Bvk agomcm tadtobong odokkc bvkkolo luyirkosuto, kapc arodc Jisukolo:ji. 22Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki. 23Odokkc noluk asinkvdv:dok yalodo anumonamc, odokkc anu scwu-sobabdcm gcdo, 24Ru:ncpvnck dumsimigmoru:pc ru:nam aropc dormokanamki odokkc angukokki.
25Cdcmpidag, lume:agomcm mcge:la, kajc appvngc kumrvko:rcm aro-agomcm lulai, kapila:nc ngolu akonc akonlok adinamvrc. 26Aglvngc sa:langka cmpige:la pa:bcm ima:pcka; do:nyidc owa:ma:dapc nok aglvgcm sangasumolangka. 27Odokkc uidcm okkomsin ido-gvdopc ayircm biyoka. 28Dopso:dcm dopso:moyobongka, cmpige:la cdcmyam bvm agercm germotoka, bvk alakdokki ainc agerko imola, odomvlo jen bv cdc sc:kobulu modagji bisula:ycpc. 29Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc. 30Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc. 31Appvng koncasin gcnam odokkc ku:bclang aglvngc odokkc jc:tak kutagclang agom tadnyi:pc lunamc nolukkolo du:ma:pcka, appvng ncka:mvnsunamki odokkc. 32Akonc akoncm asin ansv:pc mc:mvnsula ansv:n asinkokki, akonc akonc mcyinsula, kapc Ru:ncvbv nolum Kristokolo mcyinsutoji.
ទើបបានជ្រើសរើសហើយ៖
IPESIANG KVDVNG 4: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
IPESIANG KVDVNG 4
4
Amvrdok Lckko:nam
1Ngo cdcmpila, Ru:tumkc lcgangc makana:lo tumnamc, kumna ludung nolum gognamdok arckadopc turnamc turra dunggcdopc okolopc nolum gogtoji, 2appvng adji:sula du:namki odokkc asin ansv:la, mentumsunamki, aipc mc:la akoncm akonc mc:yinmvnsula, 3Yalodo lckolakkopc inamdcm du:tv:la mcnganno lckopc du:dopc. 4Amvr akkongko odokkc Yalo akkongko, kapc nolum mc:tin akkongkolo:pc gogtagaji cd nolum gognamdokkc, 5Ru:tum ako, mc:jvg ako, baptismong ako Ru:ncpvnc ako odokkc ngoluk appvngkc Abbo. 6Sc:kobv appvngcm taycngarya:ngc odokkc appvngkokki, odokkc appv:lo.
7Cmpige:la aya:dcm ngoluk appvngcm bitungai Kristokc amandok kvnamdcmpc. 8Cdcmpila cdcm lutag,
“Cdvlo Bv taycng amo:pc dc:sangkangkunc Bv makana:lo
ycngabla lc:namkvdv:dcm gvbokangku.
Odokkc Bv tani:kvdvngcm amancm bito.”
9“Bv dc:sangkangku” cdcmpc ludodcm, cdc okko cmna ludang cmpige:la jc Bv mo:pvsok kcvgkc atakkvdv:do:pcsin gvitonc? 10Sc:ko Bv gvitonc cdc Bv sc:ko taycng among appvngcmyam owudru:pc mo:tc:pc dc:sangkangku, jc Bv:jen appvng attarcm pvngapmoycpc. 11Odokkc Bvk amankvdv:dc jc akke mclvgla ager gerncpc ipa:do, akke lungor luncpc, akke tadponc do:yv:dcm lubincpc, akke mondoli: kanggurncpc odokkc poyirncpc. 12Aipc kumnc tani:kvdv:dcm mosv:pc ager gernamdok lcgangc, Kristokc amvrdcm mosa:pc. 13Ngolu mc:jvgdok lckko:pc du:namdcm pa:ma:sisscm odokkc Ru:ncpvnckc kinnam agomdcm, tani:pc inamdcm mc:jvsumopc, Kristokc pv:namdok owuddcm kvpc. 14Odomvlo jen ngolu ko:ka:pc itvla du:ma:ycbong, olotolopc dcnggo:bomma:dopc odokkc o:rv:nc agomnok csarro yugo:bomdopc, tani:kvdv:dok aima:namki, bulu aima:n agerkokki yadgo:pc yadnamkokki. 15Cdcmyam, arodcm aipc mc:la lula, ngolu Bvkkcpc appvng agerlo bottcpcnamc sc:kobv mittukdc:ji. 16Kristokolo, sckkolokkc amvr appv:dc, morvgsutagji odokkc morvgsuko appv:dcm morvgsutagji okodokki cdcm mclvgtagji, cdvlo appvng intung kvdv:dc aiyo:pc ager gerdagji, amvrpc sv:sa:modag odokkc aipc mc:namlo avdc avyc mosa:dag.
Kristokolo Anupc Turnam
17Su:pak scm ngo kvnggv:pc cdc cmna ludung odokkc Ru:tumkolo lukanbidung, jc nolu Ru:ncmc kinma:nckvdv:dok dungkamdakkampc du:pcru:namma:yc, buluk asin mc:nam-sagnamdok cmmumpc inamkvdv:dcm; 18buluk mc:namdc kcmodag, Ru:ncpvnckol turnamdokkc angudag bulukkolo kinma:pa:ma:pc du:namkvdv:dokki, buluk asinkvdv:do tornamkvdv:dokki. 19Bulu asin torkcng kcrc:ncpc ikang odokkc bulu avkvdv:dc aima:pc yammnc mago-kanggo:ncpc ikang, appvng narc:ma:nc agercm ilvng-gvlvngmole:dag.
20Nolu cdcmpc Kristomc kinmanggai! 21Mc:jvgla jc nolu Bvk agomcm tadtobong odokkc bvkkolo luyirkosuto, kapc arodc Jisukolo:ji. 22Noluk po:pckc scwu-sobabdcm la:paksuto okolo noluk po:pckc scw-sobabdok ikam-gvkamdokka:ji odokkc aima:pc inamsa:namc yadla yamnc la:lv:namkokki. 23Odokkc noluk asinkvdv:dok yalodo anumonamc, odokkc anu scwu-sobabdcm gcdo, 24Ru:ncpvnck dumsimigmoru:pc ru:nam aropc dormokanamki odokkc angukokki.
25Cdcmpidag, lume:agomcm mcge:la, kajc appvngc kumrvko:rcm aro-agomcm lulai, kapila:nc ngolu akonc akonlok adinamvrc. 26Aglvngc sa:langka cmpige:la pa:bcm ima:pcka; do:nyidc owa:ma:dapc nok aglvgcm sangasumolangka. 27Odokkc uidcm okkomsin ido-gvdopc ayircm biyoka. 28Dopso:dcm dopso:moyobongka, cmpige:la cdcmyam bvm agercm germotoka, bvk alakdokki ainc agerko imola, odomvlo jen bv cdc sc:kobulu modagji bisula:ycpc. 29Noluk nappang kvdv:dokkcm oko aima:nc agomcmsin lenmoyoka, cmpige:la mosa:la:dopc okodc aidagji cdcmpincdok ma:mvlo, ayirdok manamdok aincdcmmong, jc cdc sc:kobulu tadycnc ayangcm mcnga:moycpc. 30Odokkc Ru:ncpvnckc Angunnc Yalodcm mc:nying moyoka, sckkolo nolum muworcm tubjettagji motunam longcdok lcgangc. 31Appvng koncasin gcnam odokkc ku:bclang aglvngc odokkc jc:tak kutagclang agom tadnyi:pc lunamc nolukkolo du:ma:pcka, appvng ncka:mvnsunamki odokkc. 32Akonc akoncm asin ansv:pc mc:mvnsula ansv:n asinkokki, akonc akonc mcyinsula, kapc Ru:ncvbv nolum Kristokolo mcyinsutoji.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.