KOLOSIANG 1
1
1Poulbv, Ru:ncpvnckc mcngkamdcmpc Kristo Jisukc mclvgla ager gernc, odokkc Timoti:bv ngoluk bvrodc,
2Aipc kumnc tani:kvdv:do:pc odokkc Kolosiangkvdv:dok Kristokolo mc:jvg jvrvgnc bvrokvdv:dc:
Nolukkolo:pc aya:pc mc:namc odokkc ngoluk Abu Ru:ncpvnckolokkc mcnganc.
Aipai Binamclang Kumnamc
3Ngolu lo:dvscm Ru:ncpvncmc aipai bido, ngoluk Ru:tum Jisu Kristokc Abudcm, cdvlo ngolu noluk lcgang kumdoji, 4lcga:dc ngolu taddung noluk Kristo Jisukolo mc:jvgnam odokkc noluk aipc mc:namdcm appvng aipc kumnc tani:kvdv:dok lcgangc. 5Kapila:nc noluk lcgangc taycng amo:to mc:tincm lc:namdokki. Sokkcm nolu arolok agom gomugdcm po:pcbong tatto. 6Tadponc lutaddcm okodc nolukkolo:pc pvngangka:ji, kapc aroru:pc kapc aropakpci mo:pv appv:soi a:yc e:dung odokkc sv:bomna gvdung–cdcmv:pc noluk av-avkvdv:do, noluk taddo longcdokkc odokkc Ru:ncpvnckc aya:dcm tadkintoji arolo. 7Nolu kapc ngoluk aipc mc:bomsunam Pagbo ajon Ipapraskolokkcm kintoji. 8Bv Kristokc mc:jvgjvrvgnc ager gernc migomc ngoluk lcgangc odokkc Yalodo noluk aipc mc:namcm ngolum kinmoto.
9Odokkc cdcmpila, ngolu cdcm tadbegdo longcdokkc, ngolu noluk lcgangc kumngasumang, ngolujen Bvk mcngkamdcmpc kinnamki odokkc mcngkinnamkokki Ru:tumkolo arckanc turnamcm turgcboycpc cmna. 10Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo. 11Nolu appvngc appvng ilang gvlangkokki kvnggvnka:langka, amin gvbu:nc tornamdokki, kapcnc appvng mentumsula du:namclang menya:sula du:namki mc:pobadnamki, 12Abumc aipi bila: bila, sc:kobv ngolum ilang-gvla:ncpc imotoji pva:do dungkupcnc aipc kumnc tani:kvdv:dok lcdulo du:tc:mvndokupc. 13Bv ngolum kcmodok mokomla du:namdokkc mopvto odokkc ngolum Bvk aipc mc:nam Awodok migom dokodo:pc mckonsulvgto, 14sckkolo ngolukkc rcpvtnammc du:ji, pa:plokkcm mcyinsubinammc.
Kristobv Tani:dc:lang Agerdc
15Bv:na ka:begma:nam Ru:ncpvnckc yaloka:begdc, ru:nam appv:dok opo:nam appv:dc; 16Kapcnc bvkkolo appvngcm ru:tungai, taycngamongto:lang mo:pvso, ka:pa:nammcm cdcmanggom ka:pa:ma:namcm, migom dungkom cdcmanggom migom donamcm lc:namcm cdcmanggom migom doko amongcm cdcmanggom migom donc kvdv:ngcm–appvng attarkvdv:dcm Bvkkokki odokkc Bvk legangc ru:tungai. 17Bv appvng attarcmyam po:pcbong lenpo:nc, odokkc Bvkkolo appvng attarc lckkopc gagpumsudag. 18Bv amvrdok mittukdc, mondoli:dokkc; Bv lenpo:dc, sikolokkc opongarnamdc, jc appvngloi Bv bottarya:ncpc iycpc. 19Kapcnc Bvkkolo Ru:ncpvnckc appvng bi:dandopc pv:namdc du:pc mc:lvgsukang, 20Odokkc Bvkkokki appvng attarcm lckomolv:dagku, mo:pvso:daggom cdcmanggom taycngamo:to, Bvk Kurusdok i:dokki mcnganmola.
21Odokkc nolu, lcko angupc mc:rula asinc mc:nc odokkc mirupc mc:dagaji, aima:nc agercm gerla: gerla. 22Bv su:pak Bvk amvrdok adindo Bvk sinamdokki lckomotokubong, nolum angunpc odokkc aima:pc lugcngkama:dopc odokkc aimang cmna luka:la ludopc Bvk kcra:do, 23nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.
Mondoli:dok Ager Gerya:nckoncmpc Poulkc Ager
24Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc, 25cdcyam, mondoli:dc, okodokkcpc ngo migom ager gerncpc ika:ji taycng among migom ager gerkodokkcmpc okodcm ngom noluk lcga:pc bitungaji, Ru:ncpvnckc agomdcm Pv:dandopc kinapmodopc, 26dv:takkvdv:do odokkc opvnkvdv:do mcngapla:ma:nam agomdcm lc:sila lc:namdcm cmpige:la su:pak Bvk aipc kumnc tani:kvdv:dcm lcngkanambito. 27Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc. 28Bvm ngolu lutadgo:bido, appvng tani:ycm lutadno:bila odokkc taycng among kinnam appvngki taniycm luyirbila, jen Kristokolo appvng tani:ycm jv:dopc mca:lvgyc. 29Kapcnc scm ngo du:g gvla gerdung, appvng bo:lki anla ka:dung okodcm bv ngom kvnggv:tarv:dopc mca:lvgla bitu:ji.
ទើបបានជ្រើសរើសហើយ៖
KOLOSIANG 1: MISIBSI
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.
KOLOSIANG 1
1
1Poulbv, Ru:ncpvnckc mcngkamdcmpc Kristo Jisukc mclvgla ager gernc, odokkc Timoti:bv ngoluk bvrodc,
2Aipc kumnc tani:kvdv:do:pc odokkc Kolosiangkvdv:dok Kristokolo mc:jvg jvrvgnc bvrokvdv:dc:
Nolukkolo:pc aya:pc mc:namc odokkc ngoluk Abu Ru:ncpvnckolokkc mcnganc.
Aipai Binamclang Kumnamc
3Ngolu lo:dvscm Ru:ncpvncmc aipai bido, ngoluk Ru:tum Jisu Kristokc Abudcm, cdvlo ngolu noluk lcgang kumdoji, 4lcga:dc ngolu taddung noluk Kristo Jisukolo mc:jvgnam odokkc noluk aipc mc:namdcm appvng aipc kumnc tani:kvdv:dok lcgangc. 5Kapila:nc noluk lcgangc taycng amo:to mc:tincm lc:namdokki. Sokkcm nolu arolok agom gomugdcm po:pcbong tatto. 6Tadponc lutaddcm okodc nolukkolo:pc pvngangka:ji, kapc aroru:pc kapc aropakpci mo:pv appv:soi a:yc e:dung odokkc sv:bomna gvdung–cdcmv:pc noluk av-avkvdv:do, noluk taddo longcdokkc odokkc Ru:ncpvnckc aya:dcm tadkintoji arolo. 7Nolu kapc ngoluk aipc mc:bomsunam Pagbo ajon Ipapraskolokkcm kintoji. 8Bv Kristokc mc:jvgjvrvgnc ager gernc migomc ngoluk lcgangc odokkc Yalodo noluk aipc mc:namcm ngolum kinmoto.
9Odokkc cdcmpila, ngolu cdcm tadbegdo longcdokkc, ngolu noluk lcgangc kumngasumang, ngolujen Bvk mcngkamdcmpc kinnamki odokkc mcngkinnamkokki Ru:tumkolo arckanc turnamcm turgcboycpc cmna. 10Bvm pv:namkopc mc:lvgsudopc, appvng ainc agerlo a:ycm e:mola odokkc Ru:ncpvnckc kinnamlo bojc bojcla gvdo. 11Nolu appvngc appvng ilang gvlangkokki kvnggvnka:langka, amin gvbu:nc tornamdokki, kapcnc appvng mentumsula du:namclang menya:sula du:namki mc:pobadnamki, 12Abumc aipi bila: bila, sc:kobv ngolum ilang-gvla:ncpc imotoji pva:do dungkupcnc aipc kumnc tani:kvdv:dok lcdulo du:tc:mvndokupc. 13Bv ngolum kcmodok mokomla du:namdokkc mopvto odokkc ngolum Bvk aipc mc:nam Awodok migom dokodo:pc mckonsulvgto, 14sckkolo ngolukkc rcpvtnammc du:ji, pa:plokkcm mcyinsubinammc.
Kristobv Tani:dc:lang Agerdc
15Bv:na ka:begma:nam Ru:ncpvnckc yaloka:begdc, ru:nam appv:dok opo:nam appv:dc; 16Kapcnc bvkkolo appvngcm ru:tungai, taycngamongto:lang mo:pvso, ka:pa:nammcm cdcmanggom ka:pa:ma:namcm, migom dungkom cdcmanggom migom donamcm lc:namcm cdcmanggom migom doko amongcm cdcmanggom migom donc kvdv:ngcm–appvng attarkvdv:dcm Bvkkokki odokkc Bvk legangc ru:tungai. 17Bv appvng attarcmyam po:pcbong lenpo:nc, odokkc Bvkkolo appvng attarc lckkopc gagpumsudag. 18Bv amvrdok mittukdc, mondoli:dokkc; Bv lenpo:dc, sikolokkc opongarnamdc, jc appvngloi Bv bottarya:ncpc iycpc. 19Kapcnc Bvkkolo Ru:ncpvnckc appvng bi:dandopc pv:namdc du:pc mc:lvgsukang, 20Odokkc Bvkkokki appvng attarcm lckomolv:dagku, mo:pvso:daggom cdcmanggom taycngamo:to, Bvk Kurusdok i:dokki mcnganmola.
21Odokkc nolu, lcko angupc mc:rula asinc mc:nc odokkc mirupc mc:dagaji, aima:nc agercm gerla: gerla. 22Bv su:pak Bvk amvrdok adindo Bvk sinamdokki lckomotokubong, nolum angunpc odokkc aima:pc lugcngkama:dopc odokkc aimang cmna luka:la ludopc Bvk kcra:do, 23nolu mc:jvgla du:lvmvlo, du:tvla odokkc cngunma:pc du:la, tadponc lutaddok mc:tindokkc mcngcrma:pc nolu okodcm tadtoji, taycngamong kcyvgsok appvng ru:namcm okodcm lutadbitoji, odokkc okodokkcpc ngo, Poulbv, mclvgla ager gernc migom ager gerncpc ika:ji.
Mondoli:dok Ager Gerya:nckoncmpc Poulkc Ager
24Su:pak ngok ipusire: pa:namlo ngo noluk lcgangc mc:pobadusudo, odokkc ngok adinno ngo Kristokc du:g gvnamdo okodc pv:ramdoji pv:modo Bvk amvrdok lcgangc, 25cdcyam, mondoli:dc, okodokkcpc ngo migom ager gerncpc ika:ji taycng among migom ager gerkodokkcmpc okodcm ngom noluk lcga:pc bitungaji, Ru:ncpvnckc agomdcm Pv:dandopc kinapmodopc, 26dv:takkvdv:do odokkc opvnkvdv:do mcngapla:ma:nam agomdcm lc:sila lc:namdcm cmpige:la su:pak Bvk aipc kumnc tani:kvdv:dcm lcngkanambito. 27Bulum Ru:ncpvncbv kinmopc bala la:to cddvko Ru:ncmc kinma:nc tani:kvdv:dok ara:do cddvko Bvk mcngapla:ma:nam amin gvnamkvdv:dc bottadagji, okodc Kristobv noluk ara:do du:ji, amin gvnamdok mc:tindc. 28Bvm ngolu lutadgo:bido, appvng tani:ycm lutadno:bila odokkc taycng among kinnam appvngki taniycm luyirbila, jen Kristokolo appvng tani:ycm jv:dopc mca:lvgyc. 29Kapcnc scm ngo du:g gvla gerdung, appvng bo:lki anla ka:dung okodcm bv ngom kvnggv:tarv:dopc mca:lvgla bitu:ji.
ទើបបានជ្រើសរើសហើយ៖
:
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
Mising New Testament - ANU LUGOD
Copyright © 2001 by The Bible Society of India
Used by permission. All rights reserved worldwide.