Matie 1
1
Dimii nyaanzei Jesu Kirisi ŋa
(Cɔ Luku 3:23-28)
1Dimii nyaanzei Jesu Kirisi ŋa wee. Jesu Kirisii í jɛ tɔkui Davidi, nɔ Davidi mɔ wa jɛ tɔkui Aburahamu.
2Aburahamui í bí Izaaki, Izaaki mɔi í bí Zakɔbu, Zakɔbu mɔi í bí Zudaa do igbãɛ do ifɔɛ ŋa. 3Zudaa mɔi í bí Perɛsi do Zera. Iye nŋai Tamaa. Perɛsi mɔ í bí Hɛsirɔ̃ɔ. Hɛsirɔ̃ɔ mɔ í bí Ramu. 4Ramu mɔ í bí Aminadabu. Aminadabu mɔ í bí Nasɔ̃ɔ. Nasɔ̃ɔ mɔ í bí Salamɔɔ. 5Salamɔɔ do aboɛ Rahabu à bí Boazi. Boazi mɔ do aboɛ Ruutu à bí Obɛdi. Obɛdi mɔ í bí Izai. 6Izai mɔ í bí Davidi iyi í na í jɛ ilaaluu.
Davidiu mɔ í bí Salomɔɔ. Iyei Salomɔɔui í jɛ aboi Urii iyi Davidi í sou. 7Salomɔɔ mɔ í bí Roboamu. Roboamu mɔ í bí Abiya. Abiya mɔ í bí Asa. 8Asa mɔ í bí Zozafati. Zozafati mɔ í bí Yoramu. Yoramu mɔ í bí Oziasi. 9Oziasi mɔ í bí Yotamu. Yotamu mɔ í bí Ahazi. Ahazi mɔ í bí Ezekiasi. 10Ezekiasi mɔ í bí Manasee. Manasee mɔ í bí Amɔɔ. Amɔɔ mɔ í bí Zoziasi. 11Zoziasi mɔ í bí Yekonia do ifɔɛ ŋa si waati iyi ilaalui Babilɔni ilu nlau í jɛ inɛi Izirɛli ŋa igũ í nɛò ŋa si ilɛɛ.
12Si anyii iyi à nɛò ŋa ikpa Babilɔni ŋɔi Zekonia í bí Seatiɛli, nɔ Seatiɛli mɔ í bí Zorobabɛli. 13Nɔ Zorobabɛli mɔ í bí Abiudu. Abiudu mɔ í bí Eliakimu. Eliakimu mɔ í bí Azɔɔ. 14Azɔɔ mɔ í bí Sadɔku. Sadɔku mɔ í bí Akimu. Akimu mɔ í bí Eliudu. 15Eliudu mɔ í bí Eleazaa. Eleazaa mɔ í bí Matani. Matani mɔ í bí Zakɔbu. 16Nɔ Zakɔbu mɔ í bí Zozɛfu mɔkɔi Maari, nɔ Maari mɔi í jɛ iyei Jesu iyi à ya kpe Kirisi.
17Bɛɛbɛi si dimi nŋau hai waatii Aburahamu wa hee ku naa si waatii Davidi, tɔku ikã ikã maatɛ̃ɛi í wɛɛ. Hai bi Davidi má ku naa si waati iyi à nɛò inɛi Izirɛli ŋa ilɛi Babilɔni tɔku ikã ikã maatɛ̃ɛi í wɛɛ. Si anyiɛ, hai waati iyi à nɛò ŋa Babilɔniu ku naa si waati iyi à bí Jesu iyi à ya kpe Kirisi tɔku ikã ikã maatɛ̃ɛi í wɛɛ má.
Kubíi Jesu Kirisi
(Cɔ Luku 2:1-7)
18Yaase bɛi à bíò Jesu Kirisi wee. Hai waati iyi Maari í wɛɛ mudɛ̃ɛi à mua Zozɛfu. Amma hee a maa tɔtɔɔ sɛ̃ɛ Maari í nɛ asĩ do gbugbãi Hundei Ilaaɔ̃. 19Zozɛfu awaasũɛu wee inɛ dee deei. Kù bi nŋu ku dasi Maari anyɔ si bantuma. Na ŋɔi í ce í dasi idɔ nŋu ku kɔ̀siɛ si asii. 20Si bɛi wa lasabu bɛɛbɛ ŋɔi amalekai Ilaaɔ̃ í naa í sɔ̃ɔ si ala í ni, Zozɛfu, awɔ tɔkui Davidi ilaaluu, maà ce njoi i so Maari, mudɛ̃ɛ iyi à muuɛu. Dasiɛ kpasɛ̃. Asĩ iyi í nɛu bɛ, do gbugbãi Hundei Ilaaɔ̃i. 21Á bí ama inɛmɔkɔ nɔ i sɔɔ Jesu. Nŋui á faaba inɛɛ ŋa hai si dulum du ŋa.
22Mii ŋau ihɛ̃ fei í cei ku ba ide iyi Aɔ̃ Lafɛ̃ɛ í tako í sɔ̃ walii Ezai ku sisia inɛ ŋau ku kɔ̃, 23iyi í ni,
mudɛ̃ɛ gɔ iyi kù mà mɔkɔ á na ku nɛ asĩ.
Á bí ama inɛmɔkɔ,
nɔ a kpoo Emanuɛli.#1:23 Cɔ Ezai 7:14.
Yaasei iriui í jɛ Ilaaɔ̃ í wɛɛ do awa.
24Iyi Zozɛfu í jĩ ŋɔi í ce bɛi amalekau í sɔ̃ɔ, í dasi Maari kpasɛ̃ɛ. 25Amma aŋaò a kù tɔtɔɔ sɛ̃ɛ hee í koo í bíò ama inɛmɔkɔɛ. Nɔ Zozɛfu í sɔɔ Jesu.
ទើបបានជ្រើសរើសហើយ៖
Matie 1: MKL
គំនូសចំណាំ
ចែករំលែក
ចម្លង
ចង់ឱ្យគំនូសពណ៌ដែលបានរក្សាទុករបស់អ្នក មាននៅលើគ្រប់ឧបករណ៍ទាំងអស់មែនទេ? ចុះឈ្មោះប្រើ ឬចុះឈ្មោះចូល
2021, SIM International et UEEB