ខគម្ពីរពេញនិយមពី Rom 8

ចែក​រំលែក

Maim amamaga ma'i meatagamapai, bu'wami awami hiami, God nanda'am manda' maol atom migiambama ape' epes ukup maimaila anani. Ape' epes nofalapa ea' ma monda' maol Ananinai mila okom Ananinai.

Ae' egawa endilisi ina anom amamaga la'ifima anona nemaf melefatapa ma okom lu'unai Godi, owa'etin. Nemaf anama ape' moga' o mope, anan okom nainailapa la'ela'ef. Amam ensel maloma amamaga la'ifimi mamumami mape mumafi etapi, opa'wagufeh, ma'akw, naoh, ambagof awami mamumami wapoti' amamaga dei' mapani ea' anom anona nemaf migi' meatagai, amamaga la'ifimi awami, amamaga pepel aonai nape ilif etap owini, anom amamaga migi' meafi'i, amamaga amama hiami ina anona nemaf la'ifima melefatapa ma okom lu'unai Godi, owa'etin. Anan okom nainailapa la'ela'ef nihi'ambapa amama ma Krais Jisas Dembinai ape'inai.

Ea' Ambal Bu'unai Godi wapoti' nafi'i nagiambama ape' owa' la'ifipai nanda'apa la'ifipa. Maina nemaf ape' ukup owa' la'ifima mogawa basef amama mahali'anami, Ambal Ananinai nanda' beten nagiambamapa. Anan nanda' beten ea' anan ina nanda' beten nahali'ana ma anom basef, owa'. Nawal nalef etin nanda' beten. Ea' God nogawa ukup epesi hi'alam nogawa okom Ambal Ananinai wapoti'. Dei' main, nemaf anama Ambal Ananinai nanda' beten na'ama, Anan naila okom Godi nanda' betena ape' epes Ananipai.

Ape' mame' basefa amamaga amama bu'wami God nanda'mapami dei' muwataniam mi'imama? I'i God nagiambamapa, dei' anona nemaf ina enis la'ifisa sohambombagapa, owa'etin.

Basef amama mali'i ofagema amama. Ape' amam nematawa mape la'ifipa maloma Krais Jisas, ina ata' anom basef dei' ma God nonda'mapa basef lu'wami mofa' nimanimi ma waf aonai ape' manda'anai, owa'etin.

I'i ukup epes isima mapoma amamaga awami ma opalef apimi asasimi, amama mawalapai ga' higililas. Ea' emi egafis ukup asasimi la'ifim mopoma amamaga Ambal Godi, epes isima dei' nape ambal namunai opalef mape awanem.

Ea' amamaga amama hapaimi. Krais anan okom nainailapa endilisi ea' la'ela'ef nanda'apa la'ifipa mikila' amamaga amama endilisi.

Ae' okom na'i pe anama bu'unai anona nemaf notaga nondawalapa ape' gani ilif heven, anama anona nemaf nikila' endilisi nimanimi amama ape' dei' mefa'am nogota anae'.

Anona nemaf main de'im melefatapa ma mokwaha okom Kraisi nainailapai? I'i nimanimi motagamapa ma mofa' nimanimi ma nolomohapa, klos luwaguf maim a'apa o enis sohapa sonda'apa awepa ma i'i amamaga awami mi'i mohambombagapa, ma enis sohapa moga', anona nemaf amamaga amami melefatapa ma okom Kraisi nainailapa? Owa'etin.

Ea' Ambal Bu'unai Godi wapoti' nafi'i nagiambama ape' owa' la'ifipai nanda'apa la'ifipa. Maina nemaf ape' ukup owa' la'ifima mogawa basef amama mahali'anami, Ambal Ananinai nanda' beten nagiambamapa. Anan nanda' beten ea' anan ina nanda' beten nahali'ana ma anom basef, owa'. Nawal nalef etin nanda' beten. Ea' God nogawa ukup epesi hi'alam nogawa okom Ambal Ananinai wapoti'. Dei' main, nemaf anama Ambal Ananinai nanda' beten na'ama, Anan naila okom Godi nanda' betena ape' epes Ananipai.

Emi egafis saila wafa Ambal Bu'unai Godi, isima dei' sape awasi Godi wambota ananinai.

Epes saila waf opalef apimi safi'i, ukup asasimi mape la'ifim maila amamaga amama opalef apimi maimailami. Ea' epes emi egafis safe' saila Ambal Bu'unai Godi, ukup asasimi mape la'ifim maila amamaga okom Ambal Bu'unai na'iami.

Anan ina umbamahanama nase'apai Nogalomana ananinai, owa'. Anan nasapa'anai nafi'i ma nagiambama ape' hiapai. Na'ama dei' anona nemaf Anan nose'apai anom amamaga hiami wapoti' moloma anan.

Ambal Bu'unai Godi atona nape la'ifina ma ape' nagiambama ambagof ape'imi ea' dei' mawalapa basef ma'iam alihim, mape awasi Godi. Ape' mape awasi Godi. Ea' anona nemaf mofa' amamaga bu'wami Ahalomapai moloma amamaga anan nambe'ama Krais numafiami mofa'am moloma Krais. I'i dei' ape' mofa' nimanimi molomana, anona nemaf mofa' pe bu'unai endilisi nonda'apa mififil molomana.

Emi egafis ukup mila waf apinai, isima sataga naumbih Godi. Dei' main, esis ina sape owina mi'uli hianai Godi, owa'. Ina la'ifisa sila mi'uli anama, owa'.

Amamaga hiami lu'wami so'umi God nanda'ami maloma ape' epes wapoti' maniga mati endilisi ea' mape mohafa nogota ape'inai ma awasi Godi anona nemaf sotaga sondawalap alihis.

Ape' mogawa amamaga hiami lu'wami so'umi God nanda'ami mame' nimanimi si'i nemata'w kwa'i kola awani. Ea' amamaga amama malef kwapete' mape mafi'i mataga dei'.