ខគម្ពីរពេញនិយមពី Rom 6

ចែក​រំលែក

Waf aonai nagwamasa awami ma isima sanda' maola waf aonai. Awami amama. Esis anona nemaf soga' etin higililas. Ea' God dei' nase'apai presen bu'unai etin, anama ambal namunai nape la'ela'efi ma mope la'ifipa moloma Krais Jisas.

Ipe' pegawa waf aonai ina ata' nape lu'unama ipe' wapoti', owa'. Dei' main, ipe' dei' ina ata' pape owina mi'uli anama God fowa' naso' Mosesanai ma pilana, owa'. Ipe' pape owina waf Godi atona okom nainailapa ma nandahomapa.

Baptais anama ape' la'ifipa maloma ga' Jisasi, God nawapa maloma Krais hi'agif. Pepel bu'unai Ahalomanai atona nafela Krais nohafel hi'agif. Ea' na'ama etina ape' mohafel wapoti' mape la'ifipa manda' waf dambainai ma ambal namunai etap anae'.

Ipe' ina pese' lagof bo'wagah ipe'imi mefe'ma penda' waf aonai, owa'. Pese' ipe' pefe'ma God atona moloma ukup ipe'imi hi'ilama anan atona si'i epes sotanima sohafel hi'agif wapoti' sape namisi. Ipe' pese'ana alop wa'ana hi'ilana Goda penda' waf bu'unai.

Ape' mogawa opalef apimi ape'imi maga' mail lawag usi'inai tu'wanainai maloma Krais ea' God natofa waf aonai nanda' maol nape alop ape'inai. Amama atom dei' ape' ina mape owina waf aonai wapoti', owa'.

Ea' na'ama etina ipe' wapoti' ukup mopoma ipe' pakwaha waf aonai si'i epes saga'i. Ipe' ukup mopoma ipe' pape la'ifipa paloma Krais Jisas pape namipei paloma God.

Enis epes sambaso'mas sa'i na'ama. Sa'i ape' monda' waf aonai la'ela'ef ma waf God nandahomapanai notaga lu'una. Ape' mi'iam na'ama o owa'? Owa'etin. Waf aonai atotona, dei' ape' maga'. Dei' maina ape' ata' monda' waf aonai atona? Owa'etin, hapainai.

I'i ipe' pese' ipe' etipa penda' maol pepe owina aman emi, ipe' la'ifipa ma pilana. I'i ipe' pese' opalefa waf aonai, ipe' pape owina waf anama nonda'epa pega'. Ea' i'i ipe' pese' opalefa waf bu'unai pepe owina God petaga bu'upei ma naep ananimi.

Endilisi, fowa' ipe' pape owina waf aonai nanda'epa panda'ana. Ea' God nanda'epa pape owina basef ananimi pailam ea' pase'ana opalef hi'alama paila basef amama ipe' pefa'ami. Ea' ape' manifela God. Anan natagahepa ma pepel waf aonai, dei' pataga epes panda' maol pape owina waf bu'unai natagahepa ma waf aonai.