ខគម្ពីរពេញនិយមពី Mak 2

ចែក​រំលែក

Ea' Jisas name'am na'ama na'ipam na'i, “Epes bu'wasi ina safe'ma dokta, owa'. Isima awes nanda'asi etis safe'ma dokta. Ae' ina afi'i ma efala epes isima bu'wasi, owa'. Ae' afi'i ma efala isima sanda' waf aonai.”

Nogota anama Jisas nati biamibiam nagawa amam mombale'efana ma'i anan la'ifinai ma nigiambama aman anama notaga bo'ona. Ea' na'ipa aman anama na'i, “Ine' epen ae'inai. Waf aonai ine' nanda'anai Ae' akwahomenana ea'.”

Ea' Jisas na'ipa amam Farisi wapoti' na'i, “God nali' nanda' epes ea' nagi' na'ipasa nemaf sapoma noma'wanai Sabat ama nigiambamas. Ina nanda' epesa sagi'ma basefa Sabat, owa'.

Ipat asi'inama amam nematawa hiesi saitu sili'akw, ea' ina anagona mofa'ana muwis mofe' felefele'ma Jisas, owa'. Ea' malata ipat ilif ande'ana mapisila bogwan ilif mala aman anama awes nanda'anai naloma lahis nowala nomon Jisas naituma.

Ae' a'i ipe' pegawa ae' ataga epen endelisiwei, la'ifiwei ma ekwahomasa waf aonai hianai amam nematawa sape etap anae' sanda'anai. Ae' a'i ihi'ambepa ae' la'ifiwei ma enda' amamaga amama.” Ea' na'ipana na'i, “Ae' a'ipina, ine' hafel fela lahis ine'imi fo'o ipat ine'inai.”

Dei' amamaga maim ipe' pa'i ahifima Ae'? Ae' la'ifiwei ma i'ipa aman anama awesinai, i'i ‘Ae' ekwahomena waf aonai ine' nanda'anai’, o i'ipana, i'i, ‘fela lahis ine'imi nehafel nefe'.’ Ipe' pa'i maim ahifima ae'?

Ea' esis saitu satolona sati anan nohafel mehip nafela lahis ananimi nefa'am nafe'. Ea' amam nematawa hiesi gegelalasis kwapete'as, safela agel Godi lu'una sa'i, “Fowa' ape' ina mati anom amamaga si'i na'ama, owa'etin.”