ខគម្ពីរពេញនិយមពី Mak 13

ចែក​រំលែក

Anona nemaf epes hiesi wambel hiagoma opalef aoma ipe' endilisi. Esis sati ipe' paila basef ae'ami na'ama dei' sahepa. Ea' emi egafis sembale'efa Ae' situ la'ifis sotaga nemaf akutainai, isima anona nemaf God nefa'as sotanimani.

Ipe' ina pegawa amamaga amama nambai' motaga, owa'. Na'ama pindumafuma, ukup motamea andeande' pepan.

Nemaf anama esis sowalapepa sofa'epa pefe'ma kot, ipe' ina umbamehepa pi'i, ‘Atuwasi afa' wi'i maim basef?’ Owa'. Maim basef God niesi'ipami ma nogota anama atona, amama ipe' pewalapam. Amama ina basef ipe'imi atom, owa'. Ambal Bu'unai Godi atona nowalapama ipe' pi'iam.

Otaga noloma etap hiagoma anona nemaf hegililam hi'ilam, ea' basef Ae'ami ina anona nemaf hi'ilam, owa'etin. Mope la'ela'ef hihif.

Owa' enin epen negawa nemaf anama amamaga amama meataganai, owa'. Amam ensel mape heveni maloma ae' Nogalomana Ananiwei ina ogawa, owa'. God atona nogawa nemaf anama.

Anona nemaf peme'asa basefa wandaf lu'unai hianai notaga ea' ipe' ina umbamehepa, owa'. Amamaga amama anona nemaf motaga ea' nemaf akutainai ata' owa'.

Ea' ipe' pindumafuma andeande'. Ipe' ina pegawa nambei' Dembinai numafi ipati niefi'i. Nambimb nifi'i wambomota o amaneta o kwafolimbuta awatagw meada'am o kuhimbita atona, ipe' ina pegawam, owa'. Na'ama Anan nifi'i mehip niti ipe' ata' pe'eh etin. Basef amama ae' ase'epam ipe'i amama ae' a'ipa amam nematawa hiesi. Ipe' pindumafuma andeande' pepe ma amamaga ae' a'ipipami meataga.”

Enis epes sape anama etap hiagoma kantri sofela wandaf sopa' soloma anona kantri. Anona king nohafel no'wa enis wambel hiagoma ananisi sopa' soloma anona king no'wa ananisi wambel hiagoma. Enis epes wambel hiagoma atona etin etap bol etin nope, ea' enis epes hiesi sape wambel hiagoma nolomohas sope. Amamaga amama hiami ata' muli' motaga si'i nimanimi mali'i ma nemata'w kwa'i kola awani. Ea' nimanimi anona nemaf migi' meatagai lu'um endilisi mikila' amama mali'i.

Alupisi ae'asi ata' sili' sofe' wambel hiagoma si'ipa amam nematawa hiesi some' basef bu'wami Godi mili'.

Dei' main, amam hiami anona nemaf mifi'i mombaso'mepa mi'i agel ae'anai mi'i, ‘Ae' ma'uwi ae' Krais, God nandandepe nasapa'e afi'i.’ Ea' anona nemaf amam mombaso'ma amam nematawa hiesi some' basef amamumi si'i endilisimi silam.

Ipe' pindumafuma andeande'. Anona nemaf sonda' kotimipa ma gavman dambami asasimi. Ea' sehepa nomon ifagw esis Juda sa'i basef sapeimi. Ipe' pame' basef ae'ami paila ae'i amama atom dei' sondaiwa'mepa sonda'epa pitu naep kingi moloma gavman dambami ma peawalapa basef ae'ami bu'wami pi'ipasam.

Anona nemaf anom amam mombaso'am mi'i amam Kraisi o mi'i amam profeti, motaga monda' ikwaf la'ifinai naninani hianai si'i God atona nanda'anai. Endilisi i'i amam la'ifim, mombaso'ma amam nematawa God nasahe'as ea' mohambombagas. Owa'.

Nimanimi amama hiami ma nogota anama hi'ilam ea', mehip etin ‘aon alipunai netaga owamb, ea' aon owambunai wa na'ef ina molo, owa'. Ea' ondowa mowai otaga ilif, amamaga hiami la'ifimi mape otagai ea' bol etin mope.’