ខគម្ពីរពេញនិយមពី Luk 5

ចែក​រំលែក

Anan na'ipas ea' na'ipa Saimon na'i, “Ine' sapa' bot nofo'o walemb embel laogoma ea' pekwaha anemb mowala pewafai anom agof.”

Ea' Saimon nagwa basef na'i, “Dembinai, do'ok owamb laona afa' wanda' maol lu'unai ea' ina wagi anom agof, owa'. Ea' na'ipa ae' na'ama, dei' ekwaha anemb mowala.” Ea' mokwaha anemb mowala mowafai agof hiami. Ea' anemb ma'i pele'etama agof hiami endilisi.

Ea' nimeguf hiami Jisas nafe' anama wafiguma epes a'agoma ma nape nanda' beten.

Ae' ina afi'i ma efala epes sape andeande'i somboma opalef, owa'. Ae' afi'i ma efala epes sanda' waf aonai etis somboma opalef sokwaha waf aonai sefe'ma God.”

Saimon Pita nati na'ama, ea' nindiwa nembawa natawa felefele'ma bo'wagah Jisasi na'ipana na'i, “Dembinai, ine' kwaha ae', fo'o. Ae' aman aowei, anda' waf aonai!”

Ea' Jisas nagwamam na'ipam na'i, “Isima awes a'asi ina safe'ma dokta, owa'. Esis bu'wasi. Ea' isima awes nanda'asi etis safe'ma dokta.

Ea' amam manda' bogw mafe' bandagoma, makwaha amamaga amamumi hi'alam ma'oh, ea' mailana mafe'.

Nogota anama Jisas nape anona taun, anona aman awesinai alop nambu'anai nape. Anan nati Jisas nafi'i, nande' nembawa natawa etap na'ipana mehip na'i, “Dembinai, i'i ine' ni'i awi, nenda' ae' etaga bo'owe.” Ea' Jisas nasa lagel alop aman anamai na'ipana na'i, “Ae' a'i a'e ma ine' netaga bo'wena.” Ea' dei' atef awes anama aonai nakwahona ea' nataga bo'ona.

Owa'etin. Diga basefa amamaga amama Jisas nanda'manam aman anama gatom mafe' ganigani. Fowa' ina hiesi same' basef amama, owa'. Dei' hiesi endilisi. Amama atom dei' epes hiesi safi'i ma some' anona nonda eses awes nanda'as setaga bo'wes.