ខគម្ពីរពេញនិយមពី Luk 3

ចែក​រំលែក

Jon napisi'a amam nematawa hiesi ma ea', napisi' Jisas wapoti'. Jisas nofa' baptais ea', anan ata' nanda' beten etin ea', heven uta nandausi'. Ea' Ambal Bu'unai Godi nisila'i si'i amil mai'una nufia' nisilamanai. Ea' anona malogel na'i natagai heven ilif na'i anom basef na'i, “Ine' Nogalome ae'inai. Ae' okom nohafel nainailina endilisi. Okom ae'inai bo'ona ma ine'.”

Ea' Jon nagwamasa basef na'ipas na'i, “Ae' apisi'ipa embel atom. Ea' anona aman nambimb niefi'i, anan la'ifinai nikila' ae'. Ae' ina aman bu'uwei ma eatagaha mandelefa su ananimi, owa'etin. Nambimb anan nese'epa Ambal Bu'unai Godi nope opalef ipe'imi nomon ea' nese'epa nif wapoti'.

Ea' dei' a'ipipa. Penda' waf bu'unai ma pihi'ambas ipe' pamboma opalef endilisi paila waf bu'unai. Ipe' ina ukup mondanda' mi'i, ‘Abraham anan ahalomapa ape'inai’, owa', hapaimi. Ae' a'ipipa endilisi, God anan la'ifinai ma nonda' otamba amama motaga epes si'i awasi Abrahami.

Tamia'w nandandombol na'oh neatopa' lawah ofagem nombalefima. Maim lawah owa' mil mola su'utip bu'wami, amama anona nemaf solam sokwahom mefe'ma nif.”

Anon nawalapa basef amama Godi si'i profet Aisaia fowa' gani nawalapam nanda'am mail buk Baibeli ma'i, “Anona etap wafiguma fatauguma, malogel anona amani anona nemaf noga ni'i, ‘Pendondomba eaf Dembinai, penda' ana nefe' usi'ina. Pewam gambiwah asiasinuguma ma si'igin dondo' etin, petopa' halalef laumi bandami hiami ma mowala dondo'am. Dilindila'ma penda'agon usi'igin. Ea' ufiawa amama manda' lotasila'ma sonda'am andeande'. Ea' amam nematawa hiesi hi'ilas anona nemaf siti God nagiambama enis amam nematawa nofa'as sotanimani.’ ”