ខគម្ពីរពេញនិយមពី Roma 14

ចែក​រំលែក

Du ise ku yé mabtas di kagot Dwata i kakaan na kinum, bay lo i katluh, i ktanak nawa, na i klehew blé Mtiu Tulus. Na ku salngad ayé klalòto ku Krayst, too lehew Dwata meye gito, na dag i kdee dad to ato.

Du ku mto ato, Dwata mfun gito. Na ku mati ato, lê Dwata mfun gito. Taman, mto ku demen mati, Dwata mfun gito.

Taman, tooto fan-gal mimò i dad gamlé ktanak na kbagal di kat satu.

Taman, ta nang ato sukum. Na yé fye, nangto mimò balù dét gumdà i flanekto gamsalà.

Du man di Tnalù Dwata, “Do i mto Dwata, taman too ti glut, lkuad i kdee dad to, na dnilèla do i Dwata. Taman, kat satu di gito, tnimelan di Dwata i kdee ta nimòan.

Dnawatyu i mlungay di kaftoo, na nangyu san-gil.

Simto mlé ge kdatah mukum di fasak i dademe to? Lo yé nun ktoo mukum kenen i Amun, ku gimòan i dad fimò kenen, ku demen là. Na gtadag kenen, du i Amu i tmabeng dun.