ខគម្ពីរពេញនិយមពី 1 Korintu 12

ចែក​រំលែក

I kat satu to ta nun ilè knè i Mtiu Tulus di kenen, du gamfye di kdee.

Taman, i kdeeyu ta masasatu di laweh Krayst, na kat satu nun alelan.

Na ku nun tduk i satu alel, sdulê lamyalo i kdeela. Na ku nun gumagdayen i satu alel, lê sdulê magin lehew i kdeela.

Nun dademe, banlé Mtiu Tulus ale kfulung mngewe di katdòla, na nun dademe, banlén ale kfulung faglabat di dale katdò. I dademe, banlé Mtiu Tulus ale bong ksalig, na i dademe, banlén ale gnagan famgulê i dad to nun tduk. Na i dademe, banlén ale gnagan mimò tnikeng, na i dademe, banlén ale gnagan tmulen i ta fgadè Dwata. Na nun dademe, ta banlén ale gnagan dmilè ku nè gumdà i tulus mnè di satu to, ku mdà di Dwata, ku demen ise. Na i dademe, ta banlén ale gnagan talù i mahal talù, na i dademe, ta banlén ale gnagan mubad dun.

Bay lo satu Tulus mimò i kdee ayé, du nalelan i dad sahal gnagan ayé di kat satu to glalò di kenen knayè.

Taman, là masgalel i dad alel di lawehto, bay baling ale masatgal.

Bong dee sahal gnagan gdawat i dad to, bay lo satu Tulus mlé dun. Bong dee kfagu mimò i nimò Dwata, bay lo satu Amu i gumimòto dun. Bong dee alel i nimò, bay lo satu Dwata mlé i kgagan mimò dun.

Di kdeeto ftoo, nun fimò Dwata di kat satu. Yé tnaninan, nalékan i dad to dekan, na di galwen, i dad to tmulen i ta fgadè Dwata, na di gatlun, i dad to tamdò i Tnalùan, kafnge ayé, dad to mimò gamtikeng. Na di gusenan, nun i dad to gmagan famgulê, na i dad to tmabeng, na i dad to malak, na i dad to talù mahal talù.

Du i laweh, ise ku lo satu alelan, bay dee.

Bay di kaglutan, balù i dad alel di laweh i man nawato landè gukmamu dun, baling yé i too bong gukmamuto dun.

Ku i kabal laweh lo slame mata, dét sa kibòan lminge? Na ku i kabal laweh lo slame klinge, dét i kibòan mungaf? Bay ise yé i kibò Dwata mimò i laweh, du di kimòan dun, fansyen kaflasàan i kdee alel mdà di knayèan. Ku lo satu alel di laweh, là fakay tlo dun laweh.