ខគម្ពីរពេញនិយមពី Ma‸htehˍ li‸ 18

ចែក​រំលែក

Awˬ lawn kʼo, chaw nyiˇ gʼaˇ shehˆ gʼaˇ ngaˬ ve awˬ meh hta‸ cuˇ leh hpawnˬ da‸ ve kʼo, oˇ kaˬ yawˇ hui awˬ kʼaw ji lo ngaˬ chehˇ tuˬ yoˬ teh‸ kʼoˆ ve yoˬ.

Peuˬ leh ngaˬ nawˬ hui hta‸ kʼaw‸ kʼoˆ laˇ ve, miˬguiˬ hkʼoˆ lo nawˬ hui awˬ hkʼaw lo chaw nyiˇ gʼaˇ nyi ma hawˍ da‸ leh teˇ ceuˬ ceuˬ lawˬ ve kʼo, mvuhˇ naw ma hkʼoˆ chehˇ ve ngaˬ ve Awˬ pa lehˬ, yawˇ huiˉ maˬ lawˬ ve hkʼe te piˇ tuˬ yoˬ.

Oˇ htaˇ yawˇ yaˇ ehˉ teˇ gʼaˇ hta‸ kuˬ yuˬ leh, yaˇ ehˉ oˇ ve yawˇ hui awˬ kʼaw ji lo taˍ leh kʼoˆ ve, Ngaˬ nawˬ hui hta‸ awˬ tehˬ awˬ na kʼoˆ laˇ ve, nawˬ hui nyi ma maˇ pa leh yaˇ ehˉ hkʼe maˇ hpeh‸ la ve kʼo, mvuhˇ naw ma mvuhˇ miˬ awˬ hkʼaw lo nawˬ hui maˇ gʼa lo‸-e taˬ.

A shu teˇ gʼaˇ maˇ kʼoˆ, yaˇ ehˉ chi hkʼa shuˍ shuˍ nyi ma nehˬ lehˍ taˍ ve chaw lehˬ, mvuhˇ naw ma mvuhˇmiˬ awˬ hkʼaw lo shu a‸ kehˉ uiˍ ve chaw teˇ gʼaˇ hpeh‸ ve yoˬ.

Yaˇ ehˉ chi hkʼe ve teˇ gʼaˇ hta‸ ngaˬ ve awˬ meh awˬ hkʼaw lo ha‸ yuˬ ve chaw hkʼaˬ ve teˇ gʼaˇ maˇ kʼoˆ, ngaˬ hta‸ ha‸ yuˬ ve yoˬ.

Ngaˬ nawˬ hui hta‸ awˬ tehˬ awˬ na kʼoˆ laˇ ve, miˬguiˬ hkʼoˆ lo nawˬ hui hkʼa hpeh taˍ ve teˇ hpaˍ hta‸ mvuhˇ naw ma hkʼoˆ lo htawˇ hpeh taˍ tuˬ yoˬ. Miˬguiˬ hkʼoˆ lo nawˬ hui hkʼa hpui hkʼa ve teˇ hpaˍ hta‸ mvuhˇ naw ma hkʼoˆ lo htawˇ hpui hkʼa tuˬ yoˬ.

Nawˬ hui teˇ gʼaˇ le le htawˇ, a shu yawˇ ve awˬ viˉ awˬ nyi te ya‸ laˇ ve teˇ hpaˍ hta‸ nyi ma awˬ tawˬ hkʼa gaˬ maˇ hpehˇ piˇ ve kʼo, mvuhˇ naw ma hkʼoˆ chehˇ ve ngaˬ ve Awˬ pa htawˇ nawˬ hui hta‸ chi hkʼe te laˇ tuˬ yoˬ teh‸, Yeˍsuˆ yawˇ hui hta‸ kʼoˆ piˇ ve yoˬ.

Ya‸ hkʼaˇ, ngaˬ hta‸ yonˍ ve yaˇ ehˉ teˇ gʼaˇ hta‸ ya‸ kʼai tuˬ te ve chaw hkʼaˬ ve teˇ gʼaˇ maˇ kʼoˆ, yawˇ ve kʼawˍ peˍ hta‸ haˉ pui mawˍ lonˉ hpeh kʼu leh naˉ jaˇ ve laˇ tsuhˇ gʼuiˬ awˬ hkʼaw lo yawˇ hta‸ ce peu ve kʼo, yawˇ awˬ pon da‸ leuˉ ve yoˬ.

Nawˬ hui hkʼaˬ hkʼe dawˇ le. Chaw teˇ gʼaˇ gʼaˇ, yawˬ teˇ ha hkeh cawˬ ve awˬ hkʼaw lo teˇ hkeh mehˉ kʼai ve kʼo, kʼawˇ chi kʼawˇ hkeh hta‸ hkʼaw hkʼoˆ lo teh taˉ leh mehˉ kʼai ve teˇ hkeh hta‸ yawˇ ca nyi tuˬ yoˬ maˇ heˆ laˇ.