ខគម្ពីរពេញនិយមពី Ma‸htehˍ li‸ 12

ចែក​រំលែក

Ngaˬ nawˬ hui hta‸ kʼoˆ laˇ ve, suhˉ jehˬ ve awˬ nyi htaˇ chaw yaˇ lehˬ, awˬ bon maˇ cawˬ ve tawˇ hkʼa yaw ve teˇ hpaˍ awˬ lawn gʼa kʼaw‸ kʼaoˍ maˍ piˇ tuˬ yoˬ. Awˬ lawn kʼo, nawˬ ve tawˇ hkawˇ hta‸ pa taw, nawˬ venˇbaˆ taˍ ve hta‸ gʼa ponˬ tuˬ yoˬ. Peuˬ leh, nawˬ ve tawˇ hkawˇ hta‸ pa taw, nawˬ ciˍ yanˍ ve hta‸ gʼa hkanˍ tuˬ yoˬ.

Vuiˬ haiˬ awˬ ceuˬ teˇ hpaˍ-oˬ, nawˬ hui chaw haiˬ hpeh‸ ve pa taw da‸ ve tawˇ hkʼaˬ hkʼe te yaw hpeh‸ le. Awˬ lawn kʼo, nyi ma awˬ hkʼaw lo hkʼa biˇ cawˬ ve hkʼe, maw‸ kʼaw yaw tawˆ la ve yoˬ.

Da‸ ve chaw lehˬ, a shu yawˇ da‸ ve awˬ ceuˬ doˆ taˍ kuiˬ awˬ hkʼaw lo da‸ ve awˬ ceuˬ hta‸ yuˬ tawˆ la ve yoˬ. Haiˬ ve chaw lehˬ, a shu yawˇ haiˬ ve awˬ ceuˬ doˆ taˍ kuiˬ awˬ hkʼaw lo haiˬ ve awˬ ceuˬ hta‸ yuˬ tawˆ la ve yoˬ.

Hkʼe te leh, ngaˬ nawˬ hui hta‸ kʼoˆ laˇ ve, chaw yaˇ hui te ve venˇbaˆ teˇ ceuˬ le le leh maˇ shawˍ maˇ caˆ kʼoˆ ve teˇ ceuˬ le le hta‸ hpehˇ piˇ tuˬ yoˬ. Ya‸ hkʼaˇ, Awˬ ha hpu hta‸ maˇ shawˍ maˇ caˆ kʼoˆ ve teˇ ceuˬ hta‸ hpehˇ piˇ tuˬ maˇ heˆ.

Awˬ cehˬ da‸ ve kʼo, awˬ shiˍ htawˇ da‸ ve yoˬ teh‸ kʼoˆ loˬ. Maˇ heˆ kʼo, awˬ cehˬ maˇ da‸ ve kʼo, awˬ shiˍ htawˇ maˇ da‸ ve teh‸ kʼoˆ loˬ. Awˬ lawn kʼo, awˬ shiˍ hta‸ pa taw awˬ cehˬ hta‸ shiˍ hpeh‸ ve yoˬ.