ខគម្ពីរពេញនិយមពី Ma‸htehˍ li‸ 10

ចែក​រំលែក

Nawˬ hui yawˬ hkʼe hpeh‸ leh, veˬ awˬ moˍ awˬ hkʼaw lo ngaˬ nawˬ hui hta‸ kʼai tcuh ve yoˬ. Hkʼe te leh, vuiˬ hkʼa shuˍ shuˍ, cuˇ yiˍ cawˬ leh, aˉ pui kʼaˍ hkʼa shuˍ shuˍ, shu hta‸ maˇ ya‸ puiˉ ve chaw hpeh‸ piˇ-oˆ.

A shu yawˇ ve a sha‸ hta‸ gʼa ve chaw teˇ gʼaˇ lehˬ, a sha‸ shonˇ tuˬ yoˬ. Ngaˬ awˬ pon a shu yawˇ ve a sha‸ hta‸ shonˇ ve chaw teˇ gʼaˇ lehˬ, a sha‸ hta‸ kʼaw‸ gʼa tuˬ yoˬ.

Awˬ to hta‸ tiˇ pehˍ gʼa ve htawˇ, co ha hta‸ tiˇ pehˍ maˇ gʼa ve pa taw, chaw yaˇ hui hta‸ taˇ kawˆ. Ya‸ hkʼaˇ, co ha hta‸ ka‸ awˬ to hta‸ ka‸ moˬ naˆ ho‸ awˬ hkʼaw lo te luˬ gʼa shehˍ hpaˇ hta‸ kawˆ loˬ.

A shu yawˇ ve la‸ ka hta‸ taˆ leh ngaˬ hkʼaˇ suh maˇ laˬ ve chaw teˇ gʼaˇ lehˬ, ngaˬ hta‸ maˇ keunˍ.

Hkʼaˬ ve chaw teˇ gʼaˇ maˇ kʼoˆ, chaw yaˇ mehˆ gʼuˇ suhˍ ngaˬ hta‸ hkanˍ yuˬ ve kʼo, mvuhˇ naw ma hkʼoˆ lo chehˇ ve ngaˬ ve Awˬ pa mehˆ gʼuˇ suhˍ ngaˬ htawˇ yawˇ hta‸ hkanˍ yuˬ tuˬ yoˬ. Hkʼaˬ ve chaw teˇ gʼaˇ maˇ kʼoˆ, chaw yaˇ mehˆ gʼuˇ suhˍ ngaˬ hta‸ chiˇ baˬ ve kʼo, mvuhˇ naw ma hkʼoˆ lo chehˇ ve ngaˬ ve Awˬ pa mehˆ gʼuˇ suhˍ ngaˬ htawˇ yawˇ hta‸ chiˇ baˬ tuˬ yoˬ.

Naˬ ve chaw hui hta‸ gu na-e piˇ-oˆ. Suh ve chaw hui hta‸ kʼaw‸ te‸ tu la piˇ-oˆ. Hkiˬ tu‸ keuˆ ve chaw hui hta‸ da‸ la kehˬ la piˇ-oˆ. Neˇ teˇ hpaˍ hta‸ gʼa‸ kʼoˬ-o‸. Nawˬ hui hkʼe leˇ gʼa ve hkʼa shuˍ shuˍ, shu hta‸ hkʼe leˇ kʼaw‸ piˇ-oˆ.

Hkʼe te leh, taˇ kawˆ. Jaˍ meuˇ teˇ hpaˍ a‸ kehˉ nawˬ hui awˬ hpfuhˇ hkʼaˆ jaˇ ve yoˬ.

Miˬguiˬ hkʼoˆ lo cawˇ da‸ hui da‸ te tuˬ awˬ pon ngaˬ laˬ ve teh‸ taˇ dawˇ. Cawˇ da‸ hui da‸ te tuˬ awˬ pon ngaˬ laˬ ve maˇ heˆ. Aˉ htaw hta‸ ngaˬ yuˬ laˬ ve yoˬ.