ខគម្ពីរពេញនិយមពី Exodo 14

ចែក​រំលែក

An KAGURANGNAN an makikipaglaban para sa saindo. Mayo kamong gigibohon maski ano man.”

Nagsimbag si Moises, “Dai kamo matakot! Dai kamo maghiro! Hilingon nindo kun ano an gigibohon nin KAGURANGNAN tanganing iligtas kamo ngunyan; dai na nindo mahihiling an mga Egipciong iyan sagkod pa man.

Iitaas mo an saimong sugkod asin unaton mo an saimong kamot sa tangod kan dagat. An tubig mababanga tanganing makalakaw sa mamarang daga an mga Israelita pasiring sa ibong kan dagat.

Nagkaigwa nin pagkatakot sa KAGURANGNAN an mga Israelita kan mahiling ninda an saiyang dakulang kapangyarihan kan daogon niya an mga Egipcio. Nagkaigwa sinda nin pagtubod sa KAGURANGNAN sagkod ki Moises na saiyang sorogoon.