ខគម្ពីរពេញនិយមពី Efeso 4

ចែក​រំលែក

Kundi magmaboot kamo, magin maheherakon saka magpatinawad-tawad kamo, siring na pinatawad man kamo nin Dios diyan ki Cristo.

Magpakumbaba kamo, magin mahuyo asin matinios; magpatinios-tiosan kamo sa pagkamoot.

Dai kamo maggamit nin mga tataramon na makakaraot, gamiton nindo an mga tataramon na makakapakarahay saka tama sa panahon, nganing pakinabangan kan mga makakadangog.

Ontokon na nindo an mga kapaitan, pagkaongis, kaanggotan, pagkurahaw, pakaraot saka mga maraot sa boot.

Kun maanggot kamo, likayan nindo na magkasala; dai nindo pasolnopon an aldaw na dai pa nahale an saindong kaanggotan. Dai nindo pagtawan nin lugar an Diablo.

Kaya hubaon na nindo an daan na pagkatawo na pinaraot kan saindong mga marumpot na kamawotan. Kaipuhan magin bago an saindong puso asin isip. Bagong pagkatawo na an iribay nindo, pagkatawo na linalang sa ladawan nin Dios, pagkatawo na matanos asin banal.

Hingowahon nanggad nindo na mapadanay an pagkasararo sa Espiritu sa paagi kan katoninongan na minabugkos saindo.

Siya an “nagtao nin mga balaog sa mga tawo.” An iba ginibo niyang apostol, an iba propeta, an iba ebanghelista, an iba mga pastor saka mga paratukdo. Ginibo niya ini tanganing andamon sa paglingkod an gabos na banal, asin tanganing magtalubo an hawak ni Cristo. Sa paaging ini kita gabos magkakasararo sa pagtubod asin sa pakamidbid sa Aki nin Dios. Magigin kitang mga tawong may kabatiran, sosog sa sukol kan kadakulaan kan kapanoan ni Cristo.

Dangan bako na kitang arog kan mga aking sadit na madaling ianod saka ipadpad kan katukdoan kan mga tusong tawo na minakabit sa iba sa salang dalan sa paagi kan saindang mga pagdaya asin pagputik. Kundi, huli sa pagtaram kan katotoohan sa espiritu nin pagkamoot, magtalubo kita ki Cristo na iyo an payo.