ខគម្ពីរពេញនិយមពី Joani 15

ចែក​រំលែក

“Ki na kota ya veine. Mina mu mitai. Mutu kaufela ya ina ku na, ni na ku yena, yo u beya miselo ye miñata, kakuli kwand'a ka ha ku na se mu kona ku eza.

Mu ine ku na, sina na, ha ni inzi ku mina. Sina mutai ha u sa koni ku beya miselo ili ona, ha u siyo kwa kota, ku cwalo ni ku mina ha mu sa ini ku na.

Haiba mu ina ku na, mi manzwi a ka a ina ku mina, mu kupe se mu lata kaufela, mi mu ka si fumana.

Ha si mina mu ni ketile. Kono ki na, ni mi ketile ni ku mi supa kuli mu y'o beya miselo ye miñata, miselo ye ka ina. Mi Ndate u ka mi fa se mu ka kupa ku yena kaufela ka libizo la ka.

Lilato le lituna ka ku fitisisa l'a ka ba ni lona mutu, ki h'a ka fa bupilo bwa hae kwa balikani ba hae.

U kola mitai ye ku na kaufela ye sa beyi miselo, mi ye beya miselo wa i kolela kuli i beye hahulu.

Mulao wa ka ki wo. Mu latane sina mo ni mi latela.

Ki mona mo i bonahalela kanya ya Ndate, ha mu beya miselo ye miñata, mi mu bonisa cwalo kuli mu balutiwa ba ka.

“Ki na kota ya veine luli, mi Ndate ki yena mulimi.

Mutu ya sa ini ku na kaufela, u ka latelwa kwande sina mutai, a ome. Mitai ye omile ya yakwaniwa, i latelwa mwa mulilo, mi ya ca.

“Ni mi bulelezi zeo kuli tabo ya ka i be ku mina, ni kuli mu be ni tabo ye tezi.

Haiba mu buluka milao ya ka, mu ka ina mwa lilato la ka, sina mo ni bulukezi milao ya Ndate, mi ni inzi mwa lilato la hae.

Se, he, ki sona se ni mi laela. Mu latane!”

Kambe ne mu li ba lifasi, fohe ne li ka mi lata sina ba lona. Kono ni mi ketile ku mi zwisa mwa lifasi mo, mi ha mu sa li ba ku lona. Kikabakaleo lifasi ha li mi toile.