ខគម្ពីរពេញនិយមពី Marko 6

ចែក​រំលែក

Komo tabatin hopi hende ta kana bai bini, Hesus ku su disipelnan ni sikiera a haña chèns pa kome. P'esei Hesus a bisa e disipelnan: ‘Ban un lugá solitario kaminda nos so por sosegá un poko.’

El a deklará: ‘Ta honra un profeta tur kaminda, ménos den su mes stat, serka su mes hendenan i den su mes kas.’

Ora Hesus a sali for di e boto, El a mira un multitut grandi i a haña duele di nan, pasobra nan tabata manera karné sin wardadó. El a kuminsá siña nan mashá hopi kos.

P'esei Hesus no por a hasi niun milager einan; riba un par di hende malu so El a pone man i kura nan. Nan falta di fe a strañ'É. Hesus a hasi un rekorido serka e pueblonan den bisindario i tabata siña e hendenan.

E ora ei Hesus a kohe e sinku pannan i e dos piskánan; El a hisa su kara na shelu i gradisí Dios. Despues El a kibra e pannan i duna su disipelnan pa nan parti ku e hendenan. Tambe El a parti e piskánan ku tur hende. Tur hende a kome yena barika. E disipelnan a yena diesdos makutu yen yen ku loke a sobra na pan i piská.