Cottimeja Espíritu Santo ndac̈ho ngain Felipe:
―Tonchienhe tti jí carro jiha co tato tti jidicao carro.
Co are Felipe conchienhe nttiha, coinhi ixin xí mé jitjao xa ẍón que dicjin Isaías. Felipe joanchiangui ngain xa co ndac̈ho:
―¿Attinxin quehe rroc̈ho ẍón que rritjao?
Co xí mé ndac̈ho xa:
―¿Queẍén janha tsianxin, si ẍonhi quensen ndachjenji na quehe rroc̈ho?
Cottimeja joinchetsenhe xa ñao Felipe ixin tsani carro mé co sehe ngaca xa.