ខគម្ពីរពេញនិយមពី Romanos 12

ចែក​រំលែក

Cutur gunliꞌ laꞌ tuz ca tun bunách dza ni zoaruꞌ naꞌa, san gul‑gác bunách cub le nucubëꞌ Dios icj ládxiꞌdauꞌliꞌ. Gul‑gún cni quië gac gnö́ziliꞌ le nac dxiꞌa rëꞌnnëꞌ Dios gunliꞌ, lë naꞌ rdzag ladxëꞌë, len le nac gdu.

Böchiꞌ lzaꞌadauꞌ. Ruhuechiꞌ ladxëꞌë rëꞌu Dios. Qui lë ni naꞌ rátaꞌyuaꞌ lauliꞌ udö́d cuinliꞌ lu nëꞌë Dios, gacliꞌ ca tu le nac ban rguꞌruꞌ lu nëꞌë Dios, quië gacliꞌ quizi queëꞌ, le gac tu le gdzag ladxëꞌë Dios. Lë ni ral‑laꞌ gunliꞌ, le rajlö́z le rej ládxiꞌruꞌ‑nëꞌ Dios.

Gul‑dziji le zoa le runliꞌ löz. Gul‑cö́z zxön ladxiꞌ catiꞌ bi rzacaꞌ rguiꞌliꞌ. Gul‑lídzteczëꞌ Dios.

Cutu guꞌu latj uxícj liꞌ le cunác, san buxícj le cunác naꞌ, ugunuꞌ dxin le nac dxiꞌa.

Gul‑dxíꞌi‑cnëꞌ lzaꞌliꞌ ca nadxíꞌigacliꞌ‑nëꞌ bö́chiꞌczliꞌ. Ca runliꞌ‑nëꞌ ba laꞌn lzaꞌliꞌ ral‑laꞌ gunliꞌ ga gacrëꞌ blau lzaꞌliꞌ ca nacliꞌ laꞌ cuinzliꞌ.

Ral‑laꞌ gdxiꞌiliꞌ lzaꞌliꞌ gdu ládxiꞌliꞌ. Gul‑cuasi le cunác. Gul‑güíꞌ ládxiꞌliꞌ gunliꞌ le nac dxiꞌa.

Chquiꞌ huac, tsca sáquiꞌliꞌ, gul‑cö́z dxiꞌa len yúguꞌtë bunách.

Böchiꞌ lzaꞌadauꞌ, cutu uzíꞌ laliꞌ bunách laꞌ lbiꞌizliꞌ, san gul‑güíꞌ latj ubiꞌë Dios quegac bunách naꞌ, le nayúj lu guich laꞌy le rna: “Nédaꞌczaꞌ uzíꞌ laꞌ. Nedaꞌ ubiꞌa quegac bunách.” Cni gnëꞌ Xanruꞌ Dios.

Gul‑tiptecz ládxiꞌliꞌ len cutu gacliꞌ zxhuëd. Gul‑gún xchinëꞌ Xanruꞌ gdu ládxiꞌliꞌ.

Naꞌa, le zoa le buzáꞌ ladxëꞌë quiaꞌ Dios, rëpaꞌ yúguꞌtëliꞌ: Cutu gun ba zxön cuinliꞌ, le cural‑laꞌ gunliꞌ, san ral‑laꞌ gacliꞌ nöxj ladxiꞌ ca rbequi icjliꞌ, tsca nac yöl‑laꞌ rejlëꞌ queëliꞌ Dios le bennëꞌ qui queëliꞌ.

Nutu nu ubiꞌiliꞌ qui, cu guaꞌliꞌ döꞌ qui nu ruaꞌ döꞌ queëliꞌ. Gul‑gún dxiꞌa quegac yúguꞌtë bunách.

Gul‑gác tuz len lzaꞌliꞌ. Cutu gun ba zxön cuinliꞌ, san gul‑gún‑quëꞌ tsazxö́n bönniꞌ nöxj ladxiꞌ. Cutu gáquiliꞌ chnadél‑liꞌliꞌ yöl‑laꞌ rejniꞌi gdu.

Lëzcaꞌ cni rna: “Chquiꞌ zoëꞌ bönniꞌ curdzaguëꞌ liꞌ dxiꞌa len rdunëꞌ, bëꞌë le gahuëꞌ. Chquiꞌ rbidxëꞌ nis, bëꞌë le guiꞌjëꞌ.” Catiꞌ gunuꞌ cni, gunuꞌ ga utuiꞌnëꞌ bönniꞌ naꞌ.

Gul‑náb‑nëꞌ Dios gunëꞌ dxiꞌa quegac nup taꞌbía ládxiꞌgac lbiꞌiliꞌ. Gul‑náb gac dxiꞌa quequëꞌ, len cutu udxialiꞌ lequëꞌ döꞌ. Gul‑dzíjilen nup tuꞌdziji. Gul‑cödxlen nup taꞌbö́dx.

Gul‑nö́dzj quegac bunách queëꞌ Cristo tsca nayadzjcnëꞌ. Gul‑güíꞌ latj ga laꞌcuáꞌ nup taꞌdxín queëliꞌ.

Ca naꞌ nac tuz gdu ca nayáꞌ nabinruꞌ, zal‑laꞌ zian le nagudiꞌ dzáglenruꞌ, len clëg tuz dxin tun yúguꞌtë le zian naꞌ nagudiꞌ dzáglenruꞌ, lëzcaꞌ cni nac queëruꞌ. Zal‑laꞌ zianruꞌ zoaruꞌ, nacruꞌ ca tuz le nayáꞌ nabinruꞌ le nacruꞌ tuz len Cristo, atiꞌ qui lë ni naꞌ yúguꞌtëruꞌ nacruꞌ tuz turuꞌ len yeturuꞌ.