ខគម្ពីរពេញនិយមពី Mateo 5

ចែក​រំលែក

Jaꞌ yet chi cu tzejon cu tzejtebꞌal, tumi taꞌ jaꞌ yalan junoj caanteꞌ chi kaoctoj, cꞌamaj, jaꞌ yibꞌan junoj tzetyetal naat bꞌatxan aoj, jatuꞌ chi kaatoj, yet watxꞌ chi tzejtenele masanil ebꞌ eyecꞌ yul na yu. Jaxca junoj tzejtebꞌal tuꞌ, quey jex ojabꞌ tuꞌ xin, txeclo ojabꞌ el je sajkꞌinal sattaj ánima. Chi yal yeloc apnoj, jaꞌton je watxꞌ bꞌeybꞌal, yet watxꞌ chi yal watxꞌ kꞌane ebꞌ yin cu Mam Dios eyecꞌ bꞌey satcan.

Jaxca junoj tzejtebꞌal, quey jex tuꞌ bꞌey yul yibꞌankꞌinal tiꞌ. Kꞌinaloj ta ey junoj conobꞌ eyoc sjolom junoj wonan, caw miman txequel sicꞌlebꞌil, cꞌam chi skeꞌ smajchelei.

Jaꞌ ebꞌ cꞌam chi ẍaꞌ apnoj niꞌoj spenail bꞌey spixan, caw watxꞌ yet ebꞌ, yutol oj yiloc yin Dios ebꞌ.

Jaꞌ ebꞌ chi yoche chi waꞌxi oc sbꞌeybꞌal yin masanil scꞌul, caw watxꞌ yet ebꞌ, yutol oj oc Dios yetoj ebꞌ yin swaꞌxi oc ebꞌ.

Asan xin, jain chi wal ey jex an, sowalil che camcꞌulne ebꞌ chi jowi oc je yin. Jaꞌ ebꞌ chi kꞌanontej sjowal scꞌul Dios je yibꞌan, jaꞌ ojabꞌ swatxꞌcꞌulal Dios tuꞌ che kꞌantej yibꞌan ebꞌ. Akꞌwej watxꞌcꞌulal tet ebꞌ chi jowi oc je yin. Txalanwej yu ebꞌ chex bꞌuchoni, cꞌal ebꞌ chex etneni.

Jaꞌ ebꞌ chi yotajne el sbꞌa tol man watxꞌoj ebꞌ sattaj Dios, caw watxꞌ yet ebꞌ, yutol eyxa oc Naj Syaawil satcan Yaawiloj ebꞌ.

Jaꞌ ebꞌ akꞌom tan jowal, caw watxꞌ yet ebꞌ, yutol oj al-le ebꞌ yuninal oj Dios.

Jaꞌ ebꞌ chi cus scꞌul yu spenail, caw watxꞌ yet ebꞌ, yutol oj mimancꞌulnele ebꞌ yu Dios.

Jaꞌ ebꞌ chi yil syaꞌilal, yu cꞌal tol watxꞌ sbꞌeybꞌal ebꞌ, caw watxꞌ yet ebꞌ, yutol oj oc Naj Yaaw a satcan, Yaawiloj ebꞌ.

Jaꞌ ebꞌ chi okꞌ scꞌul yin yet animail, caw watxꞌ yet ebꞌ, yutol oj okꞌ pax scꞌul Dios yin ebꞌ.

Jal jex jaex tiꞌ xin, ta jin yaꞌiloj yuxan chex bꞌuchlei, ta jin yaꞌiloj chex etnelei, catuꞌ chi naꞌle a kꞌane je yin, caw watxꞌ je yet. Tzalaanwej sicꞌlebꞌil, yutol caw miman swatxꞌilal oj je chaꞌ spaj oj bꞌey satcan. Jaxca chi yun je yilon syaꞌilal tiꞌ, queytuꞌ jix yun yilon syaꞌilal ebꞌ ẍejabꞌ Dios yet peyxa.

Jaꞌ ebꞌ yeynajil chi yute sbꞌa, caw watxꞌ yet ebꞌ, yutol oj yiꞌ ebꞌ jun yul yibꞌankꞌinal tiꞌ.

Jaxca chi yun atzꞌam yin cu loꞌbꞌe, queytuꞌ che yun yul yibꞌankꞌinal tiꞌ. Kꞌinaloj ta chi qꞌuey scꞌachiꞌal niꞌoj atzꞌam, ¿tzet to wal oj yun scꞌachiꞌbꞌi junelxa? Cꞌamxa yopiso, tuxa cꞌal chi kꞌojle eloj catuꞌ chi tecꞌletoj yu ánima.

Tzꞌajaji ojabꞌ che yun yin masanil tzetyetal watxꞌ xin, jaxca cu Mam eyecꞌ bꞌey satcan, tzꞌajan yin masanil tzetyetal watxꞌ.

Jaꞌ yet chex kꞌanabꞌ xin, “ye,” je chi. “Cꞌamaj,” je chi. Ma skeꞌ je locontej yal cꞌal tzet bꞌieal, yutol jaꞌ bꞌey naj diablo chi tit wan tuꞌ.

Ey bꞌey jix kabꞌ tzet albꞌilcan yet peyxa, yet chi yal jaxca tiꞌ: “Ta ey mac chi smakꞌ poꞌo sbꞌakꞌ sat yet animail, makꞌle ojabꞌ pax poꞌo yet jun tuꞌ. Ta ey mac chi makꞌon eltej yee yet animail, makꞌle ojabꞌ pax eltej yet jun tuꞌ,” ẍi. Asan xin, jain chi wal ey jex an, Manche je pajtze penacꞌulal tet je yet animail. Jaꞌ tiꞌ je yet, ta ey mac chi makꞌontoj jun pacꞌoj je tiꞌ, che jacbꞌatoj jun pacꞌxa tet ebꞌ.

Kꞌinaloj jaex, ta chex akꞌle eyqꞌuey yu sbꞌakꞌ je sat bꞌey je watxꞌ, catuꞌ chi etex el je naꞌbꞌal yu, yel xacꞌal watxꞌ tol che yiꞌeltej jun sbꞌakꞌ je sat tuꞌ, catuꞌ che kꞌojon eloj. Yutol yel watxꞌ ta jaꞌ junoj tujan je mimanil chi qꞌueyeloj, yintaj pax tol masanil je mimanil chi kꞌojletoj bꞌey infierno.* Kꞌinaloj ta jaex, jaꞌ je watxꞌ kꞌabꞌ chex akꞌon eyqꞌueyoj, catuꞌ chi etex el je naꞌbꞌal yu, yel xacꞌal watxꞌ tol che tzokꞌel jun je watxꞌ kꞌabꞌ tuꞌ, catuꞌ che kꞌojon eloj. Yutol yel watxꞌ je yet ta junoj tujan je mimanil chi qꞌueyeloj, yintaj pax tol masanil je mimanil chi kꞌojletoj bꞌey infierno.