ខគម្ពីរពេញនិយមពី Jir. 2

ចែក​រំលែក

Átum wakeramuk túrawairap. Naṉkamantu ajastaj tiirap. Antsu péejchach ajasrum chíkich shuar atumji̱a̱i̱ naṉkaamas péṉker enentáimtusta. Áya niniak péṉker átatna nunak shuar túrashti. Antsu chíkich shuar yáiṉminia nuna túrati.

Kristu Jesus enentáimpramia núnisrum enentáimpratarum.

Nisha Yúsaitiat ju̱ nuṉkanam winiak tuke Yusja̱i̱ métek átinian emettsuk antsu nuna ikiuak aents ajas péejchach asa ashí aentsu takarin ajasmiayi. Tura aentsu aya̱shi̱n aya̱shímiak tura Yusan umireak jákatniuncha surimiakchamiayi. Maa, imiá tunaarinniua áintsaṉ krúsnum natsanmainium jakamiayi.

Nu asamtai aneamu yatsuru, wi atumji̱a̱i̱ pujakui umirtukmarmena nuna naṉkaamas yamaikia arant pujakuisha umirtuktarum. Iis, Yus atumí enentái̱n takaak ni shiir wakeramu wakeruktinniasha tura umiktinniasha pujurtamprume. Nu asamtai atumsha kakaram ajastarum Yus tí peṉker awajtámsatniun wakera nu túrunati tusarum. Tura péejchach enentáimprarum awajirminiaitjiai tusarum aneara wekasatarum.

Túramtai Yus nekas naṉkamantu awajsámiayi. Ni náari̱ncha ashí naṉkaamas páantin awajsámiayi. Tuma asamtai ashí nayaimpiniam írunna nusha, nuṉká írunna nusha, tura iwiarsamusha Jesusa náari̱n antukar tikishmátrartatui. Tura ashí shuar Jesukrístu ashí akupin ajasman paant nekaawartatui. Núja̱i̱ṉkia Yus Apá kakarmari̱sha paant nekanattawai.

Ashí yajauch tunaitsuk tura jianaitsuk wekasatarum. Túrakrum makuumatsuk tunaaja̱i̱nchu átatrume. Antsu Yusa uchirí̱ átatrume. Ju̱ nuṉkanmasha shuar imiá yajauch túrinji̱a̱i̱sha máatrachu asarum kiritniunam ji keeá áintsaṉketrume

Nu asamtai aneamu yatsuru, wi atumji̱a̱i̱ pujakui umirtukmarmena nuna naṉkaamas yamaikia arant pujakuisha umirtuktarum. Iis, Yus atumí enentái̱n takaak ni shiir wakeramu wakeruktinniasha tura umiktinniasha pujurtamprume. Nu asamtai atumsha kakaram ajastarum Yus tí peṉker awajtámsatniun wakera nu túrunati tusarum. Tura péejchach enentáimprarum awajirminiaitjiai tusarum aneara wekasatarum.