ខគម្ពីរពេញនិយមពី San. 3

ចែក​រំលែក

Antsu Yusai̱ya̱ enentáin takakua nuka jú̱nisaiti, ashí naṉkaamas emka eseeratin nuyá̱ nawamkartin, shiir ajá, péṉker anturnain, waitneṉkratin, ashí métek enentáimias yáiṉtin tura anaṉkartutsuk naka chichamtin.

Shuar ti neka enentái takakna nu, péṉker túrattawai. Nekas nékaitkiuṉka péejchachia núnis tuke péṉker ana nuna túrattawai.

Eseera enentáimsatniusha shiir takaawai ashí shuar péṉker ana nuna túrawarti tusa.

Shuarsha yajauch enentáimtunairar tura niṉki enentáimtumainiakui nuja̱i̱ ashí meseawai tura ashí yajauch ti awai.

Nu iniai̱ji̱a̱i̱ Yus Apa shiir awajeaji tura nu iniai̱ji̱a̱i̱ṉ aentsti yajauch chicharnaiyaji. Aentsun Yus Niji̱a̱i̱ métek taku najanamaitiatar yajauch chicharnaiyaji. Nu iniai̱ji̱a̱i̱ṉ péṉkersha tura yajauchisha chichaaji. Yatsuru, nuka peṉké atsutniuiti.

Ii iniai̱sha jiji̱a̱i̱ métekete. Ashí tunáa piákuiti. Tura ii aya̱shí̱i̱n tunáa túratniun útsutmaji. Túṉkuruanmaya̱ jiji̱a̱i̱ ikiapármaiti tura ashí ii wekaajnia nui̱ émeseawai.

Tura iniai̱kia peṉké nawamkachminiaiti. Ti yajauch asa peṉké nupetkachminiaiti. Iniai̱kia ti tará tseasaiti.

Átum untsurí jintinkiartin ajastin wakerukairap. Yus iin, jintinkiartin ájinia núnaka, naṉkaamas neka asakrin awajiakriṉkia núna naṉkaamas Yus iin seatmattaji.