ខគម្ពីរពេញនិយមពី Isr. 5

ចែក​រំលែក

Apatuk kátsurman aya uunt yuámniaiti. Uunt ainia nuka péṉkernasha tura yajauchincha apatkar paant nékainiawai.

Átumka yaunchu mash nekamaintrume. Túmaitiatrum ataksha yaitias Yúsnan jintintruat tusarum atsumarme. Warí kuirchia núniniaitrume. Kátsuram yútsuk muntsu muntsúatniuitrume. Kuírchikia uwempratin chichaman áujenak péṉker unuimiainiatsui. Tiṉkiamnumia̱ ásar tujintiainiawai.

Nuja̱i̱ Kristu Yusa Uchirí̱ntiat ni wáitsatniuja̱i̱ umirkatniun unuimiármiayi. Tura imiá peṉker awajnas nekas Uwemtikin ajasmiayi. Nin enentáimtuinia nuna uwemtikiar tuke iwiaaku apujsatnium nérentin ajasmiayi.

Kristu jú̱ nuṉkanam pujak kakantar úutuk Yusan ti seamiayi. Nin jákatniunmaya̱ uwemtikramnia asamtai seamiayi. Tura Yusa wakeramuri̱n tuke enentáiji̱a̱i̱ enentáimtakui Yus anturak ti yáiṉmiayi.