ខគម្ពីរពេញនិយមពី Kar. 5

ចែក​រំលែក

Ayu, yamaikia Yusa Wakaní̱ kakarmari̱ji̱a̱i̱ túratin enentáimsatai. Yusa Wakaní̱ ii enentái̱n pujak péṉker túratniun nerektinia áintsaṉ neremtikramji. Ju̱ áiniawai, aneatin, shiir enentáimsatin, Yusja̱i̱ tura shuarja̱i̱ nawamnaikiar wekasatin, shiir enentáiji̱a̱i̱ katsuntratin, chíkich shuar shiir awajsatin, wait aneaku átin, tana nuna tímiatrusaṉ umiktin, nekas nékaskea nuja̱i̱ métek enentáimtumastin, iik íimiasar tunáa túrashtin. ¿Ju̱ túratniuncha yaki surimia?

Ju̱na tájarme. Atumí aya̱shi̱ wakerana nu umiki̱a̱i̱j tusarum Yusa Wakaní̱ kakarmari̱ji̱a̱i̱ wekasatarum.

Yusa Wakaní̱ kakarmari̱ji̱a̱i̱ Yus shuar ajasu asar núnisrik Yusa Wakaní̱ kakarmari̱ji̱a̱i̱ṉ wekasatai.

Shuar Jesukrístunu ainia nu, ni aya̱shí̱ wakeramuri̱ncha tura núnisaṉ ni túramuri̱ncha surimiak wekaawai. Ni aya̱shi̱ krúsnum matniua áintsaṉ túraiti.

Wats, aya̱sh túramu ti paant áiniawai. Ju̱ áiniawai, tsanirmatin, wapik túratin, yajauch túratin, najankamu yus ainia nu tikishmátratin, wawekratatin, nemasnaikiatin, katsumnaikiatin, akasmaktin, wari kajektin, naṉkamantu enentáimtumastin, aya niisháa niisháa enentáimsartin, níniunak íistin, yajauch enentáimtunaistin, maṉkartuatin, nampektin, nampernum aya tí yurumin tura tí nampen átin. Chíkich nuja̱i̱ métek áiniawai. Nuik ujakmajrumna núnisnak ataksha tájarme. Shuar nuna túrakka Yusai̱ pujustinian peṉké tujintkiattawai.

Atumniasha yatsuru, Kristu tuke aṉkant awajtámsarme. Tura aṉkant ajasrum “Aya wi wakerajna nuna túramniaitjiai” tu enentáimprairap. Antsu nuamtak aneniakrum péṉker yáiniaiktarum.

Yusa Wakaní̱ wakera nuna ame aya̱shim nakitiawai. Tura ame aya̱shim wakerana núnaka Yusa Wakaní̱ nakitiawai. Mái̱ maanai ajainiawai. Túmaitkiui péṉker wekasataj tukamám tujintiame. Páantchakait.

Ju̱ chichamja̱i̱ ashí akupkámu mash uminkiattawai, ame aya̱shim aneamna áintsamek chíkich shuarsha aneeta.

“Wats, nekapnaisatai. Wi imiá péṉkeraitjiai” nuamtak tunaitsuk yajauch enentáimtunaischatniuiti.

Kristu uwemtikrampramiaji tuke aṉkant átinian. Tuma asamtai kakaram ajasam tuke aṉkant pujusta. Ataksha nu itiurchatnum waketkip.