ខគម្ពីរពេញនិយមពី Kar. 2

ចែក​រំលែក

Wisha Krístuja̱i̱ krúsnum jákaitjiai. Tuma asamtai yamaikia wikia iwiaaktsujai wi wakeraj nuna túratniun antsu Kristu winí̱ iwiaakui ni wakera nuna túratniun. Tura ju̱ aya̱shnium pujayatan aya Kristu enentáimtakun iwiaakjai. Krístusha Yusa Uchirí̱ntiat winia ti anentuk jarutkamiayi.

Yus tí peṉker asamtai itiurak “Kristu ántar jakamiayi” títiaj. Iis, aya akupkámun umirkan péṉker ajasminiaitkiuiṉkia nuikia Kristu ántar jaka̱a̱yi.

Iikia nekas Israer shuaraitji. Israer shuarcha, tunáa ainia ániuchuitji. Túmaitiatar ju̱ nékaji. Akupkámu umíamuja̱i̱ uwemprachminiaitji antsu Jesukrístu nekas enentáimtakum uwemprattame. Nu nekaar iisha Jesukrístu nekas enentáimtusmaji tunaaja̱i̱nchu atai tusar. Aya Kristu nekas enentáiji̱a̱i̱ enentáimtusar péṉker átatji. Akupkámu takasar umirkarsha tuke nuja̱i̱ péṉker ajaschattaji. Akupkámunka shuar umiktaj táyat, chikichkí shuarkesha nuja̱i̱ péṉker ajaschamniaiti. Nu nekaar antsu péṉker ajastai tusar Jesukrístu nekas enentáimtusmaji.