ខគម្ពីរពេញនិយមពី 2 Kur. 7

ចែក​រំលែក

Nekaatarum. Yus wakerana nútiksaṉ kúntuts katsunteakka ni enentái̱ Yusai̱ yapaji̱áwai. Nuiṉkia ni tunaarí̱ya̱ uwempraiti. Nuka “túrumainchu túraitjiai” tíchamniaiti. Antsu Yusan enentáimtutsuk kúntuts pujakka ni enentái̱ yapaji̱áshtatui, yapají̱tsuk ni tunaarí̱ya̱ uwemtsuk jakattawai.

Tuma asamtai aneamur yatsurtiram, nusha Yus timia nu, iin túramji. Nu tuma asamtai ii aya̱shi̱ tura ii enentái̱sha yajauch ajasá̱i̱ṉ tusar ashí tunáa ana nuyá̱ kanaktiniaitji. Túrar “Yusak nekas ii úuntri̱nti” takur ii aya̱shí̱sha ii enentái̱sha takamtsuk tuke tsawant Yus íktustiniaitji.

Kame kúntuts enentáimprakrumin waraatsjai. Antsu atumí tunaarí̱ nekaarum kúntuts enentáimprarum atumí enentái̱ Yusja̱i̱ yapaji̱á asakrumin nuna nekaan waraajai. Kame Yus wakerana nútiksarmek kúntutsrum katsuntearme. Tuma asamtai iikia nu papiji̱a̱i̱ yajauch awajsachji.