ខគម្ពីរពេញនិយមពី 2 Kur. 5

ចែក​រំលែក

Tuma asamtai, Krístunu ajasúka yamaram najanamuiti. Yaunchu enentáimtai̱ meṉkakaiti. Antsu núnaka íikias ni enentáimtairi̱ṉkia nekas yamaram ajasuíti yamaikia.

Krístuka peṉké tunaarinchauyayi. Túmanak íi tunaari̱n Yus Krístun makumiayi. Nuna tura Kristui̱ iikia makuchmin Yusa péṉkeri̱ ajasúk tusa túraiti.

Ju̱ nékaji. Ju̱ aya̱shnium pujajnia ju̱i̱ṉkia Uunt Jesusja̱i̱ pujatsji. Tuma asamtai wáinjinia nu ti enentáimtutsuk Yus enentáimtusar tuke shiir enentáimsar wekaaji.

Nunasha Yus túraiti. Iin nawampramkattsa Krístun akuptúrmakuitji. Tura nu etserkatniun iincha ataktamsaitji. Yuska iin tunaarinniutin asutiámatniun nakitiak Krístuja̱i̱ nawampramkamiaji. Tura iincha Yus shuartin nu ujaktinian ataktamsaitji.

Krístunu ataksamu asar Yuska atumín suir íirmarmena nu atsaṉkrarum aṉkant ajasat tusa Krístuja̱i̱ nawamnaikiatarum tusa ii wene̱ja̱i̱ atumín seatmarme. Tuma asakrin Kristu náari̱i̱n túratarum tájarme.

Kristu ashí shuaran jaruk nantarkimiayi. Tuma asamtai Krístunam iisha iwiaaku pujajnia ju̱i̱ iik wararmamtsuk Kristu umirkatniuitji. Tura yamaisha aya ni aya̱shi̱ iirsar “nu shuar péṉkeraiti” tura “nu shuar yajauchiti” títin tujintiaji. Kame yaunchu aya ni aya̱shi̱ iirsar “Kristu yajauchiti” tu enentáimsamiaji. Tura yamaikia yapaji̱ár, esettsar enentáimkiur “Kristu Yusa Uchirí̱nti” taji.

Kame ashí ii túrajnia nu Kristu aneṉkrattairi̱ji̱a̱i̱ túraji. Kame ju̱ nékaji, Kristu ashí shuaran jaruku asamtai Yus íimmianum ashí iisha jaka núnisaitji.