ខគម្ពីរពេញនិយមពី 2 Kur. 12

ចែក​រំលែក

Tuma ai̱ṉ Uunt winia turutmiayi “Atsá. Jaa pujayatmek winia waitnenkartutairja̱i̱ shiir pujame. Shuar kakarmachun winia kakarmarun Wi súakui ashí aents nu shuara aya̱shi̱i̱n winia kakarmarun wainiainiawai.” Tuma asamtai Kristu kakarmari̱ winia aya̱shrui̱ paant ati tusan kakarmachuitiatnak araantatsjai.

Tuma asamtai wi Krístun aneakui shuar katsekruiniakuisha, kajertuiniakuisha, winia kuítrusha, kakarmarsha atsa̱i̱ṉ waraajai. Kame ashí itiurchat ana nui̱ kakarmachuitiatnak kakaram nekapeajai.

Naṉkamakuitjiai túmamtiaj tusan wakeraknaka nekas tíminiaitjiai ántran tíchaintjiai. Túrasha túratsjai. Winia túramuruk wainkiarum winia chichampruk antukrum waritia enentáimsarum nuja̱i̱ métek enentáimtursatarum tusan wakerajai. Wi nayaimpiniam wainkiamajna nu timiá peṉker asamtai ántar waantu enentáimtumaschatniun jaṉki mesertinia núnisaṉ winia aya̱shrui̱ najaimiatniun sunasmiajai. Nuka wi wáitsatin Satanásnumia̱ akupkámuiti.