ខគម្ពីរពេញនិយមពី 1 Tim. 6

ចែក​រំលែក

Yusna nu túrunat tusam kakaram ajasta. Tuke amuicha iwiaakma emetata. Nu túratniun Yus anaitiamkaiti tura ame Yus nekas enentáimtamu untsurí shuar iruntramunam etserkaitme.

Kame kuit aneatniuka ashí tunaanum útsutmakminiaitji. Chíkich shuar nuna wakerukar Yus enentáimtustinian iniaisar ti itiurchatja̱i̱ yajauch awajmámsarai.

Shuar takakna núja̱i̱ṉ warakka Yusna ana núja̱i̱sha warak ju̱ nuṉkanmasha tura nayaimpinmasha nekas kuítrinniuiti.

Iis, ju̱ nuṉkanam misuk támaji núnisar misuk jiinkittiaji.

Jú̱ nuṉkanam kuítrintin ainia nusha naṉkamantu enentáimtumascharti. Kuitcha yúpichuch meṉkakamnia asamtai kuítniak enentáimtusar pujuscharti. Antsu iwiaaku Yus ashí iin ti peṉkeran núkap súramaj nuna nekas enentáimtusarti.

Antsu kuítrintin ajastaj tuinia nu, tunaanum awaṉkemkar iniainiawai. Tura antra nuna wakerukar itiurchatan wainiainiawai. Nuja̱i̱ emesratniunmasha jeainiawai.

“Péṉker túratarum” tiartá. Tákumin nisha shiir enentáiji̱a̱i̱ ni takakman ajamsarti. Nuyá̱ nú péṉker túramuja̱i̱ Yusai̱ ikiauṉkarti. Nuna túruiniak kuítriniawartatui. Núnisaṉ tuke iwiaaku átinian wáinkiartatui.