ខគម្ពីរពេញនិយមពី 1 Pit. 2

ចែក​រំលែក

Tura átumka Yus achikmaitrume. Tura wínian pujurtursarat tusa yajauchinmaya̱ Uunt Yus akantámkaitrume. Yusna asarum péṉker enentáimin ajasurme. Tura sumakma asarum Yúsnaitrume. Nisha winia péṉkerun etserturkarat tusa túraiti. Kame kiritniunmaya̱ jiinkirum ni tsáapnintri̱n wekasatniun achirmákurme.

Kristu imia Niṉki ni aya̱shí̱i̱n ii tunaari̱n entsakí̱ krúsnum jarutramkamiaji. Kame iikia yajauch túrutainmaṉka jákaitji. Túmaitiatar naka péṉkera nuja̱i̱ métek túratniunam iwiaakji. Ántsarik Ni asutniámuja̱i̱ iikia tsuámaruitji. Murik ni pujutái̱ri̱n waketkitniun nékatsna ántsarmek atumsha meṉkaka wekaimiarme. Tura yamaikia atumí wáitmauri̱i̱n waketkintrume. Atumí waitmau Krístuiti atumí enentái̱n wainnia nu.

Yaunchu nusháa shuar áuyarme. Tura antsu yamaikia Yus shuar ajasrum, Niniu ajasurme. Yus shuar ajatsrumni̱ṉ ¿ya waitnentrampramia? Antsu yamaikia Yus waitnentramuitrume.

Antsu Uunt Jesukrístu waitnenkartutairi̱ nekapsa asarum uchi yama akiinia muntsun ti wakeruinia áintsarmek Yusa chichame̱ aya péṉkerkea nu ti wakeruktarum. Yusa chichame̱ja̱i̱ tuke tsawant tsakakrum tuke uwemprami tusarum túratarum.

Yatsurtirmin tájarme Yusna ajasrum ju̱ nuṉkanam írar matsatu asarum atumí aya̱shi̱ wakerana nu tsaṉkatkairap. Aya̱shim wakerana nu túrakmiṉkia ame enentáim nuja̱i̱ yajauch ajastatui. Yus shuarchanum péṉker wekasatarum. Túrakrumni̱ṉkia nisha yamái “Yus shuar yajauch túruiniawai” ántar tuíniayataṉ ukunmaṉka Yusja̱i̱ iṉkiunaiktin tsawant jeamtai péṉker wekarmena nuna enentáimturmasar nú shuarsha Yusan shiir awajsártatui.

Atumsha iwiaaku kaya ántsaṉketrume. Tuma asarum Yus wiji̱a̱i̱ ni je̱e̱n je̱a̱mti tusarum tsaṉkamaktarum. Tura nútiksarmek Jesukrístui̱ atumí iwiaakmari̱ tsaṉkamaktarum Yus wakera nuna túrutati tusarum. Jesukrístuja̱i̱ tura asarum Yus shiir enentáimtikrume.

Tuma asamtai ashí yajauch ana nu iniaisatarum. Anaṉkartin ántar chichamtin átin, chikichna wakeruktin, ashí tsanumpratniusha iniaisatarum.

Ii Uuntri̱ Kristu kaya ántsaṉkete. Tura shuar kayan yajauchin nakitiáinia núnisaṉ Jesukrístun nakitrarmiayi. Tura kayan tí peṉkeran wakeruinia núnisaṉ Yuska “winia Uchir tí peṉkeraiti” tusa Jesukrístun achikmiayi. Atumsha Jesukrístu weantuktarum. Ni iwiaaku káyaiti.

Tunaanumia̱ aṉkant ajasu asarum péṉker wekasatarum. Túrasha wi aṉkant ajaschajak tusarum náṉkamsarum yajauch túrawairap. Antsu Yusna asarum ni wakera nuna umirkátjai tusarum anearum wekasatarum.

Nekas péṉker wekaamurmiji̱a̱i̱ enentáimcha ainia nu netse chichaamuri̱ itiatmamtikiatarum tusa Yus wakerawai.