ខគម្ពីរពេញនិយមពី 1 Kur. 12

ចែក​រំលែក

Yusak túratin súam Yusa Wakaní̱ kakarmari̱ paant átatui nu takasmanum. Tura ashí shuar ní takatrí̱ji̱a̱i̱ yáiniaiktin áiniawai.

Núniskete Kristu aya̱shí̱ji̱a̱i̱ aya̱shímkiajⁱ nu. Tura chíkich chíkich ni muchitmari̱ aji.

Chikichik muchitmiaram najaimiakum ashí aya̱shnium wáitiatsmek. Núnisaṉ chikichik muchitmiaram ayap ajakum ashí aya̱shnium shiir átsumek.

Jú̱naka Yus takamtikeawai. Nékana nu shuarnasha, unuimiárua nunasha Yúsnan ujaktinian suawai. Tura mái̱ shuaran Yusa Wakaní̱ kakarmari̱ji̱a̱i̱ nuna túratniun súsaiti. Chikichnasha Yusan áujenak Yusan ti enentáimtusar nekas itiurchat ana nuna iwiaratniun suawai. Nincha Yusa Wakaní̱ kakarmari̱ji̱a̱i̱ nuna takastinian súsaiti. Chikichnasha jaan tsuártinian suawai. Chikichnasha aents niṉki túrachminian túratniun suawai. Chikichnasha Yúsnan etserkatniun suawai. Chikichnasha shuar wari yajauch wakannia péṉker wakanniasha apatka nekaatniun suawai. Chikichnasha niisháa chichaman chichastinian suawai. Chikichnasha niisháa chichasman jintíatniun suawai.

Tura ashí shuara enentái̱n nu Wakanik takaawai. Tura Ni wakera nuna takastinian aṉkant aṉkant suawai.

Núja̱i̱ṉkia aya̱shí̱ muchitmari̱ mánaitsuk métek yáiniainiawai.

Yusa takatri̱ íruntsuk. Tura Yusa Wakaní̱ṉᵏⁱ ashí nuna takastinian súsaiti. Tura shuar Yus shuara uuntri̱ chikichik ai̱ṉ ashí Yusa takatrí̱n métek takaatsui. Antsu chikichkin ashí naṉkaamas péṉker takaawai. Yusa Wakaní̱sha nuna shiir takasat tusa suawai. Tura Ni wakera nuna Niṉki ni shuari̱n chikichik chikichik niisháa niisháa suawai. Yúskete ashí ni shuari̱n niisháa takamtikna nu. Niṉki ashí ni shuari̱ enentái̱n takaak takatnasha shiir takamtikeawai.

Aya̱shnium muchitma írunna áintsaṉ Yus ni shuari̱n untsurí takatan súsaiti. Emka Yus akatrámu nuyá̱ ni chichame̱n etserin nuyá̱ jintinkiartin nuyá̱ aents túrachminian túrin nuyá̱ tsuákratin, nuyá̱ yáiṉkratin, nuyá̱ akupin, nuyá̱ niisháa chichamja̱i̱ chicharin, mash írunui.

Aya̱shi muchitmari̱ aya chikichkichuiti.

Antsu ii muchitmiari̱ ishichik enentáimtajnia nu atsakuiṉkia ti atsumawaintji.

Wátsek winia aya̱shur aya jí̱i̱kitkiuiṉkia ¿itiurak antukaintiaj? Winia aya̱shrusha aya kuíshkitkiuiṉkia ¿wariji̱a̱i̱ṉ nekapsaintiaj? Nu asamtai Yus winia aya̱shru muchitmari̱ ni wakeramunam ikiusuiti. Chikichik muchitmaja̱i̱ṉ ¿aya̱sh áminkiait?