ខគម្ពីរពេញនិយមពី Njé gə́ Rɔmə 9

ចែក​រំលែក

Togə́bè ɓa to né gə́ dəw wɔji mée’g el ləm, to né gə́ dəw aḭ ŋgwɔdee el ləm tɔ nɛ to né gə́ ka̰ Ala gə́ njemeekɔrjol lé ya.

Mbata yeḛ ula Moyis pana: Yeḛ gə́ neḛ ndigi kwa səa noji lé ndá n’a kwa səa noji ləm, yeḛ gə́ neḛ ndigi koo kəmtondoo ləa ndá n’a koo kəmtondoo ləa nja ləm tɔ.

Ǝi i yḛ̀ to dəw ɗi to ŋga ɓa mba koma̰ gə Ala wa. See jo ɓan a dəji njekubá pana: See ban ɓa i ubam togə́bè wa. See a dəji njekubá togə́bè ya wa.

Togə́bè ɓa, yeḛ wa noji gə yeḛ gə́ yeḛ ndigi kwa səa noji ləm, dəw gə́ yeḛ ndigi kar mée ndər ɓa yeḛ ar mée ndər to gə́ mée-yeḛ nja ndigi ləm tɔ.

Njekubajo lé see to dəw dɔ a̰ji el wa. Loo gə́ a̰ji to loo-mboḭyee’g loo kára ba lé see njekuba né a kuba gə́ joo gɔrje gə jo baŋgaje ɓəd-ɓəd el wa.