ខគម្ពីរពេញនិយមពី Njé gə́ Rɔmə 12

ចែក​រំលែក

Ndaji kəm dəwje gə́ d’isi dɔ naŋg nee ɓasinè el, nɛ maji kar sí tel toje dəwje gə́ sigi gə goo takə̰ji gə́ sigi gə́ to meḛ sí’g, ɓó gə mba sí kar go̰je ne né gə́ mee Ala wɔji gə́ to maji gə mba ra ləm, gə a ta kəmee ləma, gə a to maji kɔr njal ləm tɔ.

Ŋgakɔmje, m’ndəji sí bər-bər gə mba kar sí unje rɔ sí arje Ala, asəna gə nékinjaməs gə́ to kəmba ləm, gə to gə kəmee doi ləma, gə a taa kəm Ala rəgm ləm tɔ. Yee ɓa gə loo kwá meḛ sí’g gə́ kəm ra ya.

Né gə́ seḭ undaje meḛ sí yel gə́ dɔ’g lé raje rɔlel keneŋ. Aije meḛ sí sam-sam dan némeeko̰’g ləm, ya̰je goo tamaji lə sí yɔgɔ el ləm tɔ.

Ar majel dumi el nɛ maji kari dum majel gə néra gə́ maji gə́ i ra ya.

Undaje na̰ dan kəm na̰’d dana gəd-gəd ləm, ulaje rɔ sí ndubu gə mba kila riɓar dɔ na̰’g ləm tɔ.

Maji kar meenoji lə sí to meenoji gə́ gəd ya. Undaje né gə́ majel ɓad gə́ raŋg nɛ rḛ́je dɔ néra gə́ maji’g rḛ́-rḛ́.

Ɓó lé ooje lée gə́ kəm ra ndá sije lɔm mbuna dəwje’g lai.

Seḭ gə́ ma m’unda sí dan kəm’g lé maji kar sí tel dalje ba̰ né gə́ ra sí el nɛ ya̰je rəw arje oŋg lə Ala ya doŋgɔ doi. Mbata deḛ ndaŋg mee maktub’g pana: Dalba̰ néra lé wɔji dɔ neḛ nja, Neḛ nja ɓa n’a kar bea̰ ɔs ta loo’g. Mbaidɔmbaije lé pa bèe.

Raje kula lə sí gə rɔ sí bura ɓó raje dab dɔ’g el. Arje ndil sí ɔs pər keneŋ jəgəgə ya. Raje né arje Mbaidɔmbaije.

Mbɔl dɔ noji gə́ Ala wa səm lé m’ndəji sí mba kar dəw kára kara mbuna sí’g to gə́ njekəsta kwɔji dɔ rəa-yeḛ el, nɛ maji kar sí-seḭ lai ə̰jije goo kula ra sí gə takə̰jije gə́ as lée ɓa gə goo meekun lə sí gə́ Ala wɔji ar sí lé.

Deḛ gə́ ra sə sí né gə́ majel lé tel raje sə dee majel kəm maree’g el. Saŋje rəw né gə́ maji gə mba ra no̰ dəwje’g lai.

Arje takə̰ji lə sí aw na̰’d kára ba dɔ na̰’g. Jɔgje rɔ sí mba néje gə́ boi-boi el nɛ ar néje gə́ wɔji dɔ kosokul lé ɓa wa meḛ sí. Pidije rɔ sí dɔ kəmkàr’g lə sí el.

Taree pa ya tɔɓəi pana: Ɓó lé ɓoo tɔl njeba̰ ləi ndá aree nésɔ sɔ ləm, Lé kunda tɔlee kara aree mán ai ləm tɔ, Mbata loo gə́ i ra togə́bè lé to asəna gə kɔr pər gə́ i uba ɔm dəa’g tɔ.

Deḛ gə́ d’ula kəm sí ndòo lé tɔrje ndu sí dɔ dee’g gə́ tɔr ɓó ɔrje sə dee el. Raje rɔlel gə deḛ gə́ d’isi dan rɔlel’g ləm, no̰je gə deḛ gə́ d’isi dan no̰’g ləm tɔ.

Laje gə deḛ gə́ to gə kəmee dɔ néje gə́ deḛ d’aw ndòo dee ləm, waje dəwje mbá bur-bur ləm tɔ.

Mbata to gə́ darɔ sí kára ba ya nɛ barkəmeeje ɓa tɔ ɓəd-ɓəd bula ləm, kula ra barkəmrɔ síje lai lé to gə́ ɓəd-ɓəd ɓó to gə́ kára ba el ləm tɔ ndá jeḛ gə́ n’toje bula togə́bè kara jeḛ n’to darɔ gə́ kára ba gin Kristi’g ləm, jeḛ lai n’toje ne barkəmrɔ na̰ ləm tɔ.