ខគម្ពីរពេញនិយមពី رَوْمَا 14

ចែក​រំលែក

أَشَانْ الْمُهِمّ فِي مَمْلَكَةْ اللّٰهْ مَا الْأَكِلْ وَ الشَّرَابْ، لَاكِنْ هُو الْعَدَالَةْ وَ السَّلَامْ وَ الْفَرْحَةْ فِي الرُّوحْ الْقُدُّوسْ. النَّادُمْ الْيِتَابِعْ الْمَسِيحْ مِثِلْ دَا، اللّٰهْ يَرْضَى بَيَّهْ وَ النَّاسْ كُلَ يِكَرُّمُوهْ.

كَنْ نِعِيشُوا، نِعِيشُوا فِي شَانْ رَبِّنَا وَ كَنْ نُمُوتُوا، نُمُوتُوا كُلَ فِي شَانْ رَبِّنَا. وَ مِثِلْ دَا، كَنْ أَنِحْنَ حَيِّينْ وَلَّا مَيْتِينْ كُلَ، أَنِحْنَ هَنَا رَبِّنَا.

بِمِثِلْ دَا، خَلِّي نِجَاهُدُوا أَشَانْ نِسَوُّوا الشَّيّءْ الْيِثَبِّتْ السَّلَامْ أَمْبَيْنَاتْنَا وَ الْيِقَوِّينَا كُلِّنَا.

أَشَانْ دَا، خَلِّينَا مَا نُلُومُوا أَخْوَانَّا. أَخَيْر نِشِيلُوا نِيَّةْ أَشَانْ أَبَداً مَا نِسَوُّوا شَيّءْ الْيِوَدِّي أَخُونَا لِلذَّنِبْ، لَحَدِّي يَمُرْقَهْ مِنْ الدَّرِبْ.

أَشَانْ دَا مَكْتُوبْ فِي الْكِتَابْ: <اللّٰهْ قَالْ: «أَنَا حَلَفْت بِنَفْسِي كَدَرْ كُلَّ رُكْبَةْ تَبْرُكْ قِدَّامِي وَ أَيِّ لِسَانْ يَشْهَدْ كَدَرْ أَنَا اللّٰهْ.»> وَ بِمِثِلْ دَا فِي يَوْم الْحِسَابْ، أَيِّ وَاحِدْ مِنِّنَا مَسْؤُولْ قِدَّامْ اللّٰهْ فِي الشَّيّءْ الْهُو سَوَّاهْ.

أَقْبَلَوْا الْمُؤمِنْ الضَّعِيفْ فِي إِيمَانَهْ وَ مَا تِغَالُطُوهْ فِي فِكْرَهْ.

إِنْتَ يَاتُو التُّلُومْ الْخَدَّامْ الْإِنْتَ مَا سِيدَهْ؟ سِيدَهْ بَسْ يُقُولْ كَنْ يَنْجَحْ أَوْ يَفْشُلْ. وَ أَكِيدْ هُو يَنْجَحْ أَشَانْ رَبِّنَا بَسْ يِنَجِّحَهْ.