ខគម្ពីរពេញនិយមពី خُروج 3

ចែក​រំលែក

وَ الرَّبّ قَالْ لَيَّهْ: «أَنَا بَسْ هُو، مَعَنَاتَهْ أَنَا اللّٰهْ الدَّايِمْ. مِثِلْ دَا بَسْ تُرُدّ لِبَنِي إِسْرَائِيلْ. تُقُولْ: ‹اللّٰهْ الدَّايِمْ بَسْ رَسَّلَانِي لَيْكُو.›»

وَ الرَّبّ قَالْ: «أَنَا نُكُونْ مَعَاكْ وَ دِي هِي الْعَلَامَةْ التِّوَصِّفْ لَيْك كَدَرْ أَنَا بَسْ رَسَّلْتَكْ. وَ وَكِتْ إِنْتَ تَمْرُقْ بَنِي إِسْرَائِيلْ مِنْ مَصِرْ، إِنْتُو كُلُّكُو تَجُوا تَعَبُدُونِي فِي الْجَبَلْ دَا.»

وَ هُو قَالْ لَيَّهْ: «مَا تَجِي قَرِيبْ. سِلّ نِعْلَيْك مِنْ رِجِلَيْنَكْ أَشَانْ الْبَكَانْ الْإِنْتَ وَاقِفْ فَوْقَهْ دَا أَرْض مُقَدَّسَةْ.

وَ اللّٰهْ قَالْ بَتَّانْ: «أَنَا شِفْت تَمَامْ التَّعَبْ هَنَا شَعَبِي الْقَاعِدِينْ فِي مَصِرْ. وَ سِمِعْت صِرَاخْهُمْ قِدَّامْ النَّاسْ الْقَاعِدِينْ يِتَعُّبُوهُمْ. وَ حَسَّيْت بِعَذَابْهُمْ. أَشَانْ دَا، أَنَا جِيتْ لِنِنَجِّيهُمْ مِنْ إِيدْ الْمَصْرِيِّينْ وَ نِوَدِّيهُمْ فِي بَلَدْ آخَرَةْ وَ هِي سَمْحَةْ وَ وَسِيعَةْ. وَ الْبَلَدْ دِي مَلَانَةْ بِاللَّبَنْ وَ الْعَسَلْ. وَ هَسَّعْ، النَّاسْ السَّاكْنِينْ فَوْقهَا هُمَّنْ الْكَنْعَانِيِّينْ وَ الْحِتِّيِّينْ وَ الْأَمُورِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

وَ فِي الْبَكَانْ دَا، مَلَكْ اللّٰهْ بَانْ لَيَّهْ فِي نَارْ فِي لُبّ شِدَيْرَةْ. وَ مُوسَى شَافْ وَ دَاهُو، نَارْ قَمَّتْ فَوْق الشِّدَيْرَةْ دِي لَاكِنْ هِي مَا قَاعِدَةْ تَحْرَقْ.

أَشَانْ دَا، يَا مُوسَى! نِرَسِّلَكْ هَسَّعْ لِفِرْعَوْن مَلِكْ مَصِرْ. أَمْشِي وَ أَمْرُقْ شَعَبِي بَنِي إِسْرَائِيلْ مِنْ مَصِرْ!»