ខគម្ពីរពេញនិយមពី Gn 32

ចែក​រំលែក

Max yalon Cham tu' bay axca ti': —A tinani' majxa ek Jacob, palta Israelxa ok eka', yujtol max je' oj a teyelen a ba yetok Dios,*fn* c'al yetok anima, ẍi Cham.

Max yalon Cham tu' bay axca ti': —Bek in elok yujtol lananxa sakbi, ẍi. Max yalon Jacob bay axca ti': —C'am chach in bekilok, ta c'am chalcan junok watx' k'anej wiban, ẍi Jacob.

Axa yet max cancan cham Jacob is tx'oklil, max yak'lej owal yetok jun winak masantac'al max sakbi.

Max yak'on yik Jacob Penuel*fn* jun lugar tu' yujtol max yal axca ti': Caw wal max wil sat co Mam Dios, palta ti' wal iquis into, ẍi cham.

Axa jun Cham tu' max yila' tol c'am chi ayc'ay Jacob tu', cax max mak'on is c'ojlub xub Jacob, axa yel weknaj is xub tu' yet chi yak'len eb owal.

—¿Tzet a bi? ẍi Cham tu'. —Jacob in bi, ẍi cham.

—A tinani' al ayin tzet a bi ach ti', ẍi Jacob. Axa yalon Cham tu' axca ti': —¿Tzet yuj xan cha k'anlej in bi? ẍi bay. Cax max yaloncan Cham watx' k'anej yiban bay tu'.

Caw wal man in mojok tol chak' a camc'ulal win, c'al a watx'c'ulal ayc'al oc wetok. Max in ec'tek bay a' aej Jordán yin tol asan ch'an jun in k'okoch ibil oc wuj; axa tinani', cabxa campamentoal chin elocok, caw wal ayxac'al tzet ay ayin.

Yuj tu xin, c'am chi chi' eb yinatil Israel is tx'anil c'ojlub is xub no no', masantac'al yet jun c'ual ti' yujtol a bay is xub cham Jacob tu' max yab yail.

Lajwi tu' max txajli axca ti': Ach Jehová in Diosal, ach ton Diosal ach wichmam Abraham, c'al in mam Isaac, ach max ala' tol chin meltzoj bay in tx'otx'al c'al bay xol eb wican; max aloni tol ayachc'al oc wetok yet watx', watx' chin elocok.

Yuj wal dios, col in el yul k'ab wuẍtak Esaú. Caw wal chin xiwi talaj chi jay nak win, cax chi mak'on cam nak eb ix ix ti' c'al eb unin ti'.