ខគម្ពីរពេញនិយមពី Luka 4

ចែក​រំលែក

É wâgò-o Nyuâa Pwi Ukai. É pitòrigario ; é panuâô pâ , ma go pame Popai Wâdé tà tàpé na ticè kàra. Go inapàpari ê tàrù tà tèpa pwa karapuu; pai niâ kà tèpa bwi; pai tipi tàpé na piirà. Wàéni ê pàara kêe na o inapàpari ê pimeaari; pai wâdé kà Pwi Ukai. Ésaïe 61.1–2

 é tòpi têe wà Iésu pâ: «Jèe nye wii naa na Tii Pwicîri, pâ: Gà ipwamaina Pwi Ukai Pwiduée'gà, â nye wàé co, na gà ipwa âboro kîri kêe. »

 é tòpi têe wà Iésu pâ: «Jèe nye wii naa na *Tii Pwicîri, pâ: Câé caa wâro co goro poloa wà pwi âboro. »

É wâjué côwâ wà Iésu gée nairiwâ Ioridano. Â ê Nyuâaê Pwicîri, âna é tâa gòé, â é popaé pâ naa namaré.

 é tòpi têe wà Iésu pâ: «Bwa. Ba jèe nye wii naa na Tii Pwicîri pâ: Gà cibwaa pigàdà Pwi Ukai Pwiduée'gà. »

Ûna é jèe tacaié diri wà Caatana, â é pâra jiié. Â é tapacîri mwara cè jè tòotù.

 é popaé too kaamwara naanidò [gòrojaa] wà Caatana.  é nye paari têe kaa, na ji pàara bèepwiri, diri ê pâ napô ma mwaciri gòropuu.  é ina têe pâ: «Go o mwa naa tâgà ê muugère kâra diri pâ mwaciri bèeni, bau aupitûâri naa goorà, ba jèe naa tôo.  pâri ma go naa, wiâra câbawâdé kôo.  go mwa cau naa tâgà diri, wiàna gà tùu jùrugà arao ma gà ipwamainaô.»  é tòpi têe wà Iésu pâ: «Jèe nye wii naa na Tii Pwicîri, pâ: Gà ipwamaina Pwi Ukai Pwiduée'gà, â nye wàé co, na gà ipwa âboro kîri kêe. »

 é nye popa Iésu, pâ naa *Iérusaléma.  é popaé too naa gòro pûru *Wâra pwapwicîri.  é ina têe pâ: «Wiàna gà Pwina naî Pwiduée, â gà êgò géeni! Ba jèe wii naa na Tii Pwicîri pâ: Ée mwa tûâri tà tèpa *angela kêe, wà Pwi Ukai Pwiduée, ba na rà wéaarigà. Rà mwa tapigà. O càcaa tanoori âgà naa gòro atü. » Psaume 91.11–12  é tòpi têe wà Iésu pâ: «Bwa. Ba jèe nye wii naa na Tii Pwicîri pâ: Gà cibwaa pigàdà Pwi Ukai Pwiduée'gà. »