ខគម្ពីរពេញនិយមពី 1 Co 14

ចែក​រំលែក

qa'a Dios ja 'yamaqaten ta'le ja niyamaĝa ga'me uetaue joga'me yema'a't, dite da'me 'nemaĝac. Naq'aeta ga'me p'etaqadaiquipi jo'ne c'oqo'tepi ñe'me Dios.

Oqui'tegue da'me noqopich'i ladic, nataq'aen 'noota qom auepichiya'a da'me jetaque anaviquila't ga'me jo'ne Dios Lepaqal yanegue, qaedi auaqanachichi ta'le a'uaĝachetac da'me 'laqataĝanaĝac ñe'me Dios.

Qalaĝaja ga'me jo'ne 'yaĝa'tape naa'me 'naqataqa 'me chiyoqodo'ot ñe'me Dios, joga'me dojetapegue'to ena'uaque jogaa'me laqaya'olqa, qaedi 'yañaqate'tape, nataq'aen loyaĝanate'tape, nataq'aen niyamaĝadetapega't q'ae'n jogaa'me.

Ga'me jo'ne yadenaĝa't gaa'me 'naqataqa laqaya', joga'me di'yoĝom da'me dojo' qaedi mach'e liyamaĝac; qalaĝaja ga'me jo'ne 'yaĝa'tape naa'me 'laqataqa ñe'me Dios joga'me yanema ga'me 'lañaĝa'j yema jogaa'me laqaya'olqa 'me p'etaqadaiquipi.

Ena'am da'me ami, queda'me auediaqaelegue ta'le auacoñiyeguet joga'me yanegue ñe'me Dios Lepaqal 'me ja 'nalegue, yataqachiñe p'ajaye ta'le auepaquitapega da'me jetaque auacoñiyeguet ga'me jo'ne chiyaqayi da'me ñichigaĝatedajeguem joga'me p'etaqadaiquipi.