ខគម្ពីរពេញនិយមពី Башталганы 17

ចែក​រំលែក

Аврам тогузон тогус јаштуда Кайракан ого кӧрӱлӱп, мынайда айткан: – Мен Кӱчтӱнеҥ Кӱчтӱ Кудай. Мениҥ алдымда јӱрӱп, јек јок бол.

Адыҥ эмди Аврам эмес, Авраам болор, нениҥ учун дезе Мен сени кӧп калыктардыҥ адазы эдерим.

Мен сениле, сениҥ калдыктарыҥла ӱйедеҥ ӱйеге улалар ӱргӱлји јӧптӧжӱ тургузарым: Мен сениҥ ле сениҥ калдыктарыҥныҥ Кудайы болорым.

– Эмди Мен сениле јӧптӧжӱ тургузуп јадым. Сен кӧп калыктардыҥ адазы болорыҥ.

Кудай дезе айткан: – Шак ол Сарра, сениҥ ӱйиҥ, сеге уул бала таап берер. Сен оны Исаак деп адаарыҥ. Мен оныла, оныҥ калдыктарыла јӧптӧжӱ, ӱргӱлјик јӧптӧжӱ, тургузарым.

Эмди сениҥ, туш кижи чилеп, кӧчкӱндеп јӱрген јерди, бӱткӱл Ханаан јерин, Мен сеге ле сениҥ калдыктарыҥа ӱргӱлјиге ээлензин деп берерим. Сениҥ калдыктарыҥныҥ Кудайы болорым.

Авраам јерге кӧҥкӧрӧ тӱжӱп, бажырган, је ичинде каткырынып сананган: «Јӱс јашту карган кижи балалу болор бо? Тогузон јашту Сарра да бала табар ба?»

Кудай Авраамга база айткан: – Ӱйиҥниҥ ады эмди Сара эмес – Сарра болор.

Тын-эдигерге кестиртӱ эдигер – бу Мен ле слер ортодогы јӧптӧжӱниҥ темдеги болор.

Је јӧптӧжӱни Мен эзенде бу ла ӧйдӧ Сарра сеге чыгарып беретен уулла, Исаакла, тургузарым.

Слер јаҥы чыккан кажы ла уулчакка сегизинчи кӱнде кестиртӱ эттирер учурлу – анайда ӱйедеҥ ӱйеге болзын. Сениҥ айлыҥда да чыкканга, сениҥ угыҥнаҥ эмес, ӧскӧ укту улустаҥ садып алганга да, онызына да, мынызына да кестиртӱ эттирер учурлу. Анайып, Мениле тургускан јӧптӧжӱ, ӱргӱлјик јӧптӧжӱ, эди-каныгарда темдектелер.