ខគម្ពីរពេញនិយមពី JOHN 17

ចែក​រំលែក

Hoityo pora safa kori diya te tarkhan pobitro kori dibi; apuni laga kotha tu hoityo ase.

Aru Apuni he hosa Isor ase aru Jisu Khrista ke Apuni pathaise eneka tarkhan pora ki kotha jani loise, eitu he ananta jivon tu ase.

“Moi eitu khan karne he nibedon kora nahoi, kintu kiman jon pora, tarkhan laga kotha huna pasote, Moi ke biswas koribole ase, eitu khan karne bhi prathana kori ase, tetiya tarkhan sob ekta hoi jabo. Pitri, keneka apuni moi logot te ase, aru Moi apuni logot te ase, teneka tarkhan bhi amikhan logot te thakibo, tetiya Apuni he Moi ke pathaise eneka prithibi pora biswas koribo.

Apuni tarkhan ke prithibi pora uthai loi jabi eneka Moi prathana nakore, kintu Apuni tarkhan ke beya ekjon pora bachai rakhibi.

Ki mahima Apuni moi ke dise, eitu mahima Moi tarkhan ke dise, tetiya amikhan keneka ekta ase teneka tarkhan bhi ekta hobo, Moi tarkhan logot te ase aru apuni Moi logot te ase, tetiya tarkhan thik ekta hobo paribo, tetiya apuni Moi ke pathaise aru Moi ke keneka prem korise eitu nisna tarkhan ke bhi prem korise eneka prithibi pora janibo.